السلام عليكم ورحمة عندي مشكله متضايقه منها ومسببه لي زعل على حالي وحالتي النفسيه صايره عدم منها انا بنت عمري 24 سنه وطبعا مثل اي بنت اتمنى يكون لي زوج واسره وكذا من فتره تقدم لي شخص الكل يمدح في اخلاقه وانسان سوي وملتزم لكن حالته الماديه ضعيفه جدا وانا الحمد لله عايشه اول بداية الامر كنت متردده وايد بس اخواتي شجعوني وقالو ان ممكن تتحسن حالته الماديه فاانا اتحمست للموضوع بس اخواني ماكثير مشجعيني لان فرق بينا في كل شئ لان انا جامعيه وهو معه ابتدائيه وهم حالتهم صعبه واحنا بخير بالاضافه الى فرق الشكل والعمر هو اكبر مني ب12 سنه بس انا كل هذا ماهمني قلت دامه انسان دين ويخاف ربه انا بوافق عليه المهم انه ملتزم وهذا الي ابيه ولما اتصلت امي عشان تخبرهم بموافقتنا قالت امه مدري شقول لكم وانا خجلانه منكم انتو تأخرتو في الرد واحنا فكرنا انكم جطلتو فينا وتقدمنا لبنت ثانيه(البنت الي خطبوها وحده من جماعتنا) والله يعلم احنا ماخذنا غير خمسه ايام نسأل فيها عنه بعد الي صار ان**ر قلبي وجرحوني بقوووه وصارت حالتي النفسيه جدا سيئه وكارهه حالي ودايم ابكي ومتحسره على عمري وحاسه بحزن في عيون امي علي وامي وابوي صايرين يداروني ودايم خايفين علي كله لانهم حاسين اني م**وره وهذا الي مزود الحره في قلبي وفي اليل مااسكت من البكي حتى التعب قام يبان على ملامحي وحاسه حالي مرهقققه نفسيا ومو طايقه شئ بنات عفيه شلون اطلع من الي اانا فيه :cry_smile::cry_smile:
اختي دايما حطي ببالك وعسى ان تكرهوا شيئا وهو خير لكم يمكن انتي كارهه وضعك الحين بس ماتدرين بكره نصيبك كيف بيكون اذا تقدم لك شخص احسن منه يمكن الله ماكتبه لك وهذي خيره لان فيه فروقات كبيره بينكم انتي بعدك صغيره واهم يوم مارديتوا على طول متوقعين انو راح ترفضوا لان الفروق كبيره بالعمر وكل شي انسي اللي فات واكثري من الاستغفار وصدقيني بكره بتقولين احسن اللي جت منهم عيشي حياتك وانسي التفكير بالزواج والله يرزقك عاجلا غير اجل تقبلي مروري
هلا حبيبتي توووج صغيرونه 24 سنه يعني الي بعمرج احلى عمر الشباب وبخصوص الي تقدم لج صدقيني انه مو من نصيبج سبحان الله الزواج نصيب بيد الله وحده مو بيد العباد قومي صلي ركعتين واستغفري وادعي ربج انه يرزقج في الرجل الصالح الي يحفظج وستانسي بحياتج خيرررر يعني شنو صار صار خطبهع وماصار نصيب لانه ربي ماكتبنا لبعض ترى الحياة حلوووه ونسي عمرج وطلعي من جو الحزن لا وربي تجيج امراض لاتعد ولاتحصى وتكبرين قبل عمرج حتى بشرتج تتاثر وتصيرين باهته وعجوزه وةانتي توج صغيرونه فليهاااااااااااااااااا وربج يحلهاااااااااااااااااااااااا
توك ياقلبي العمر قدامتس عيشي واستانسي خيره ان شاء الله موب من نصيبك ربي مو كاتبه لك افرحي واستانسي بهالعمر وربي يرزقك بالزوج الصالح اللي يسعدك ويحطتس بعيووونه كثري من الاستغفار ربي يوفقك حبيبتي
سبحان الله الزواج نصييب وعسى ربي يعوضج بالي احسن منه ان شااااااء الله كثري من الاستغفااار واقرأي صورت يس بنيه تعجييل الزواج الله يرزقج وجميييع بنات المسلمييين بزوج الصااالح اللهم امييين
