التمتين ثلاث ايام ورا بعض اسألي حواليج احسن عشان تقدرين تودين ولدج كل يوم وسوي سيرج بالنت راح تلاقين ارقام واختي انتي بعد مره بالاسبوع دهنيه بزيت زيتون كل جسمه ودلكيه دلكي كتوفه طبعا قبل لا ينام ولفيه بلفتين خليه ينام فيهم انا والله من وديت بنتي متنوها وكل اسبوع ازيتها وادلكها والفها بلفتين قبل لا تنام واذا حسيت انها بجت او صاحت لما احد شالها على طول اسخن زيت الزيتون ومثل ما قلت لج وبلغيني اذا لقيتي حرمه الله يخليه لج ان شاء الله
منقوع التمر اخذي لج ثلاث تمرات وشيلي النواه او الفصم ونقعيهم شوي بماي مغلي واذا نقعوا حطيهم بالرضاعه رقمين بس
حبيبتي انا كنت احط حق ولدي سيريلاك بالرضعة من عمر شهرين بس مو وايد شوي وبعدين زيدي الكمية ومرات احط كسرة صغيرة بسكوت اطفال المدور نسيت اسمه الصبح وبالليل مو بكل رضعة
اي حبيبتي عليج بالسريلاك انا حطيته لبنوتي من الشهرين وسيريلاك العيش احلي شي الارز يعني ومتنيهاا بعد احسن والله اناا اعرف امتن بنتي مو شرط مرة ومادري شنوو جيبي زيت زيتون داافي ودهني الجسم كلاا ودلكي الضهر والبطن ووالكتوف اوالرجول مو حيل شوي شوي راح يطق العضم الي يعورة وباذن الله يرتاح وامسكيه ولفيه وان شاء الله خير طريقه ثانيه بعد التدهين امسكي ادينه وحطيهم كانه يصلي يقرا الفاتحه عرفتي اشلون اليمين فوق اليسار ولفيهم وهم بهطريقه نص ساعه وبطليه بيرد العضم ان شاء الله طبعاا ترا انا صغيره بس امي وجدتي معلميني ""
عليج برضعت الحلبه اتفوحينها بماي وتصفينها وتعطينها الرضعه وانا كنت اعطي بنتي مع كل رضعت حليب قفشت سريلاك بالرضعه وخظيها حيلي لين اتذوب وعطيه والله يمتن حيل وبشكل ملحووووووظ بس مو علا طول يعني رضعتين باليوم فيها ملعقه صغيره سيريلاك القمح
انا نصيحتي لا تعطينه شي قبل ما تستشيرين الطبيب لان ولدج معدته ماتتحمل.. كل اللي اذكروا الخوات ممتاز بس توه الناس على ولدج... وان شاءالله يصير دبدوووووب
والله يايه باكتب لج التمر ولقيت البنات كاتبين لج عنه صح كلام اختي ألوان مائية ,,,, صحيح كلام معظم الخوات بس الولد بعده صغير ومعدته ما تتحمل إلا التمر ,,,, فيه فايدة عظيــــــمة لجسم البني آدم سبحان الله ف اخذي التمر واغليه وبعدين برديه وصفيه وعطيه اياه بممية الماي الصغيرة وبتشوفين فرق بعظامة اسم الله عليه خلال اسبوع-اسبوعين بتحسين فيها عطيه بدل الماي لا تعطينه ماي كلش والينسون ينوّم الياهل بعد الرضاعة عطيه شوي ينام والياهل إذا شرب حليبته ونام هم يسمن الله يحفظه من كل شر ويخليه لج وتشوفينه ومعرس
والله وانا حسب ما اعرف وعن تجربة الحلبة صح زينة بس جابت لولدي رخاوة وليونة واللحين ما يقدر يقعد ولا يوقف وقالوا الحلبة 4شهور ما تعطين الجاهل اكثر وتوقفينها فترة وبعدين تردين لها
