السلام عليكم ورحمة الله وبركاته كيفكم .. آمممممم رجعت لكم مره ثانيه بآخذ رآيكم بشغله يوم الخميس الجآي اكمل شهر ع ملكتي وبهذي المناسبه ابغى اعمل بآرتي لزوجي لما يجيني ب البيت وحآبه اخذ رآيكم بالهديه وافكآر البآرتي .. مآلي خبره في بارتات المتزوجين انا اكبر اخوآتي وقبل مااعمل شي احب (ادش) ع منتداكم <<< اكثر كلمه عجبتني بكلام اهل الكويت :biggrin: وآخذ رأيكم لان افكآركم تعجبني و آحححححبكم ..:wilted_rose: :red_smile:
الف مبروك والله يتمم عليكم ان شاءالله بالنسبه للبارتي تجولي في قسم المول التجاري في كثير من التاجرات عندهم افكار وهدايه حلوه تصلح لهذه المناسبه
الله يتمم عليكم ان شاء الله ويسخركم لبعض حطي كيكة وشموع ....واشتريله هدية ماركة مثلا ساعة الماس او بوك وقلم او شي يحبه اممم حطي موسيقى هادية يعني جذي طبعاً مالي خبرة بهالاشياء لاني مو متزوجة وعطيتج افكار بسيطة تحيتي : بنت آل صباح
الله يتمم عليكم ويوفقك بحياتك سوي كيك وحطي اكتبي علي الكيك اسمك واسمه وحطي عصاير ملونه احمر واصفر ووردي (((ههههههه))) وحطي بالمكان اللي تقعدون فيه ورود نفس لو العصير احمر واصفر ووردي واهم شي اهم شي كشختك والعطر والبخور أتمني اني افدتك بس لا تنسين تقولين لي طلعت حلوه <<<<<<شكو ههههههه ادعي لي بالتوفيق
أنا عن نفسي في أكشن وايد حلو سويته بعد ما طلعت من الأربعين بس البيبي خرب علينا الجو بس أنا راح أقول لج شنو سويت و إنتي بكيفج شريت لي تنكري عروس و حطيت مكياج >>أنا أعرف أحط مكياج العروس و شسورت شعري و لبست إ**سوار شرالي اياه هديه من شوارفيسكي و كعب عالي أبيض سويت كيكه في البيت كله جاهز بس خلطته مع بعض عباره عن كيكة فانيلا جاهزه ساراكيك ودهنتها بكاكاو جالا*** ذايب وقصص الفراوله طازجه حطيته فوقه قبل لا يجمد ورشيت عليه كاكاو أبيض ذايب زينت الطاوله بشموع حمرا مع كاسات فيه عصير عنب يعني حركات و جهزت أغنيه الدخله مع مجموعة أغاني رومانسيه رقصنا فيها مثل أجمل إحساس و إحساس جديد طبعا كل هذا بغرفتي لأني ساكنه مع أهله و بوقت التجهيز خليته بره الغرفه و من تجهزت عطيته رنه و صعد لي أول ما دخل شغلت إغنية الدخله للمعرس و بعد ما خلصت شغلت لون عيونك و كلينا الكيك كانت بتشهي إنتبهي>>فراوله+كاكاو=مقوي و منشط طبيعي المهم و بعدها تغزلنا وضحكنا و سولفنا عن الأوقات الرومانسيه إلي عشناها بعرسنا و قدمت له الهديه سوري طولتها معاج بس إذا تبين حق يوم كامل حاضرين للطيبين
