حمد البريدي ازعلي ): تحططططم

السلام عليكم ورحمه الله وبركاته


ماابي اطوول عليكم

اخليكم مع قصيده الشااعر المتاالق داايماا
حمد البريدي

جديد حمد البريدي آزعلي ودي آشوفش لآ قدش زعلآنه


الزّعل نعمَه مِن الله و الجفَا لَه خانَه
إزعلي ودّي أشوفِشْ لا قدشْ زعلانَه

يِمكن إنّشْ لا زَعلتي أكتشِف أخطائي
و يغَدي لـ رضاشْ لذّه يَ أعز إنسَانَه

أشعبي ركبْ الغَرامْ و حوّلي في صَدري
و إعبري جدرانْ حبّي و إدهلي بيبَانَه

و إحكمِي قَصر الغلا في قَلبي المتولّع
و آمري و إنهي فديتش دامشْ السّلطَانَه

يَ هَنوفْ العِشق يَ وضح الغلا بعد إذنشْ
آذني للصبّح ياخِذ مِن بهاشْ ألوانَه

و إن زَعلتي مالي إلا آجي و أقبّل خَشمشْ
و آغدي مِغلِط لو إنّشْ أنتي الغَلطانَه !

حبّش ب قلبي كبيرْ و عادْ قَدرشْ أكبَر
كيفْ تَبغين أتحمّل زعلتشْ يَ فلانَه ؟!

المَحاني مِن كِثر شوقي تبَاكا لجلشْ
و الخَفوقْ يذوب مِن دَمعه ضلوعْ وزانَه

و المشَاعر ما لها سيرَه يَ كودْ غيَابشْ
و الوريدْ إمن القَهَر يَشكي على شريَانَه

ليه علَقتيني ب حبّش و عقبَه رحتي ؟!
و ليه خلّيتي عروقٍ ودّتشْ ضَميانَه ؟!

ويلْ قَلبي كِل ما قِلتي فديتِك ويلَه
يِرتمي قَلبي مِن الرّبكَه على ضِلعانَه

جعلهَا في ذمّتشْ ذمّه تراني مَا أقدر
أتحمّل شوفَة الضّيقَه ب أعز إنسَانَه

كيفْ يَاتيلي أزعّل قِطعةٍ مِن روحي
و أنا أزعّل مِن يزعلها و أقص لسَانَه



وهااذاا يوتيووب

YouTube - ‪Broadcast Yourself.‬‏


اتمنى ينال ع اعجاابكم

تجنن اموت عليها

شاعر مبدع

تسلمين على الاختيار الذوووق

منوره اختي اصيله

لاخلااا ولاعددمم

راقت لي حيل
يعطيج الف عافية يالغلا
ماننحرم من يديدج يارب

رووووعه مشكووره اختي