اسعار ملابس الياهل من الدينار ونص لين 3 ونص بسسس بعد المكاسر 3 ونص طبعا هههه والفوط اخذيهم دينار ونص مالج شغل فيه اذا قرقر وقالج لا مايصير طنشي خمطيلج اربع حبات كافي وقوليله حاسب يلا ع دينار ونص جتي المهادات من دينار ونص لين الثلاثه بس لاتعطينا اكثر كاملين مع كل شي وكنبل الياهل تلاقين عند واحد بالويه اول ماتنزلين اخذي منه الكنبل اينن ناعم ويكددد مجربته بعيالي ع 5 ونص اخذي هم مالج شغل بسعره اقولج انتي اخذي وحطي المبلغ اللي تبينا ههههه
مشكووووره اختي كويتيه ماقصرتي صدق اسعارهم روووعه يبيله اروح لهم انا دايما يقصون علي الحريمواخذ منهم وبالاخير الاقي نفسهم بسوق وبفرق واااضح بعد وانا اكون طبعا مجمعه فلوسحق تجهيز البيبي ولي ولا يكفون بعد... *
اي احسن السوق من الحريم يامعوده الحريم اسعارهم خياليه بصراحه مادري ع شنو والله روحي السوق ابرك وعندج سوق مستوره اللي بالفروانيه ترا وايد حلو بعد في شغلات حلوه تحصلين كنت شاريه منه بحمالي اللي قبل واحسن لج اسعاره رخيصه ومعقوله
لا اله الا الله محمد رسول الله صلى الله عليه وسلم.... مررررحباااا كروشاات من زمان عنكم انشغلت وكنت تعباانه بس الحمدالله ع كل حال يللا يااحوامل نبي منكم تفاعل عشاان نفيد ونستفيد... وووين تراحعون ؟؟؟ عند اي دكتور او دكتورة شنو رايج فيهاا ؟؟؟ اول حمل او ثاني حمل ؟؟؟؟
هلااا وغلااا ببشاير شرفتينا في التجمع بالنسبه لي اراجع عند الدكتوره سكينه ماشاءالله عليها حييل شاطره وسونار مالها ١٠٠/١٠٠ الكل يمدحها وانا بصراحه من اول اراجع عندها انا هذا خامس حمل لي قولو ماشاءالله هههههههاي اخاف من ....*
قوه كروشات شخباركم شفيكم وين تفاعلكم اليوم حبيت اسالكم ان شاءالله حزت الولاده بأي مستشفي بتولدين وليش وبغيت اسالكم عن عمليه التجميليه للمهبل منو سوتهااا لاني اسمع بنات وااجد يمدحونها والي عندهااا خبره تقول لنا يالله انطركم فديتكم
اووف مابغيتو تيون بهالتجمع مافيه حركه ابد لا انا عن نفسي مستشفى الفروانيه ومراجعاتي هم مستشفى الفروانيه مع دكتور وليد الشرهان وااايد زين وخبره وهذا ماشالله ثالث حمال لي وانشالله تولدني سلوى الرفاعي اهي تداوم بس الصبح لانها تصيرلي حييل فمتفقه وياها يعني عادي باي وقت تيي ع ولادتي وموعان تصيربي بمدح فيها لا والله خووش دكتوره ومن احسن الدكاتر صبوره واهم شي تقرا عليج قران وتدعس ماتهدج جنها امج والله يهون علينا يارب ماباجيلي شي
هالتجمع ثلج بصراحه شنو هذا ماكو تفاعل كللللش وينكم شنو اشسالفتكم منو دشت التاسع فيكم انا باجيلي اربع ايام ودش التاسع بس اييني عوار خفيف بين فتره وفتره
كويتيه الف الف مبروك وحمدالله على سلامتج عقبالي أنا دخلت شهري ودي أولد اليوم قبل باجر قوليلنا قصة ولادتج
الله يسلمج يالغاليه وعقبالكم انشالله تولدون بالسلامه وبسهوله يارب انا بصراحه مليت وتعبت من كثر النطره جان اروح اكل قطع اناناس قلاص متروس وعصير اناناس لمدة يومين يوم الثالث الساعه ٢ ياني عوار ماتوقعت انه طلق وبعدها رحت مركز سلطان رحنا ماقدونالز اكلت وعادي مافيني شي وبعدها اشترينا اغراض البيت واحنا بالسياره للحين عوار عاد ردينا البيت تقريبا اربع نومت عيال وريلي نام ماتوقعت طلق وانا سهرانه بعدها قام يزيد لين قام اييني كل ربع ساعه قمت احسب له وجهز عدتي ههههه وتسبحت وقعدت ريلي الساعه ٦ ونص قلت له يلا بولد وداني قالولي ٣ سانتي قلت زين الحين ايي وطلعت تمشينا بالسياره وبعدها صارت ٨ رحت المستشفي عاد الساعه ١١ ولدت الحمدلله وكانت ولادتي ماشالله تبارك الرحمن سهوله الحمدلله لانه كنت وايد اقرا وادعي واخذ نفس عميق لما اييني الطلق فمن جذي ماحسيت بعذاب الطلق
الف الف مبروك على البيبي اليديد لله يخليه لج وتشوفينه يكبر جدام عينج وربي يسهل الولادة على غيرج ويرزق كل محرومه يارب
