انا اريد منكم المساعدة بنتي عمرها 12 سنة درجتها في المدرسة كثير منخفضة ولم اريد اذكرلها تقوم تناطع وتصرخ في وجهي ولم اقول لها تنظف شي بسيط ترفع صوتها وتقوم تسب وتشتم ولا تقوم الي امراتها وهي تجاوزت الخطوط الحمراء وانا اقول هي كبيرة مو لازم اعاقبها بس اشوف اللحين لازم اعقبها لم ما تذاكر دروسها وتخرج من البيت بدون اذن وتسب اخوانها بس دلوني على عقاب شديد ويخليها ما تعمل الخطا مرة ثانية
هلا اختي . . . طيب اول شي لازم تعرفين سبب عدم حبها للمذاكرة ؟ هل كانت تنجح ع الحفة وتمشي حالها بالسنوات الماضية ؟ اذا نعم معناتها البنت تحتاج دعم ومساندة في دروسها ---------------- لازم تعرفين اهتماماتها واللي يشغل بالها وتحبه شنو ؟ ان عرفتي بتكون هذي وسيلة الضغط عليها الحرمان والاهم تقوين قلبج لما تحرمينها ابدئي حرمان لمدة يومين وبشكل صارم اذا تحب متابعة مسلسلات معينة او عندها لاب توب او موبايل او اي باد او اي باد احرميها منهم ووضحي لها السبب بشكل مباشر محرومة منهم لانج كذا وكذا ولمدة يومين وصوتج لا ترفعينه على امسكيها من اذنها وقولي لها هالكلام واطلعي وانتي معصبة -------------------- سالفة انها تطلع من غير استئذان من البيت ؟!!!!!!!!!!!! ابي افهم شلون تطلع من البيت ام 12 ؟ سكري الباب الخارجي والمفتاح نسخة وياج ونسخة مع ابوها . --------------------- قولي لاخوانها الصغار اللي يتأذون من طولة لسانها وتصرفاتها يقاطعونها وما يتكلمون وياها لمدة كم ساعة خل تحس انها منبوذة شوي . ------------------------- وخلال هالوقت راقبي تصرفاتها من بعيد لبعيد هالعمر يخوف وهو مرحلة اثبات الذات والعناد وانها موجودة ------------------------- وربي يصلحها يارب وان ما نفع اسلوب الحرمان والمقاطعة بلغيني وان شاء الله بنلاقي لها حل
ام عبدالله ماقصرت تعاملي وياها بالحرمان احسن من العقاب وان شاء الله تعقل وادعيلها بالهدايه الله يخليها لك يارب
حاولت احرمها من المسلسات مرة بس هيه طلعت من البيت وراحت بيت خالتها ولما حرمتها من الابتوب ظلت طول اليوم جدام التلفزيون اما عن الدراسة هيه شاطرة في المدرسة لما كانت صغير وهيه الحين شاطرة بس ينقصها المذاكرة ما ترضى تذاكر بنفسها ولا ترضا انا اذكرلها و لما تسب حاولن انه نتجاهلها بس تقوم تضرب اخوانها بس علشان تجذب الانتباه اما سالفت خروج من البيت لما تجي من المدرسة بتروح بيت خالتها لين ترجع العصر بعد ما ترجه تروح تنام لين المغرب بعدكذا تروح تقابل التلفاز او تروح مع صديقتهاوالله المستعان
الله يعينج عليها هذي فترة مراهقه وماعليه باذن الله تتغير بس بالصبر انا انصحج ترافجينها وتفتحين لها قلبج وقعدي معاها جلسة صلح قولي لها اللي بقلبج وعبري لها عن حبج وخوفج عليها وقولي لها ليش تسوين جذيه وشوي شوي بتتكلم صدقيني هي تبي قلب مفتوح لها مو بس خوف وحرمان من كل شي
يا اختي . . . شلون تطلع من البيت وين مفتاح البيت سكريه . . . ولما تطلع من المدرسة روحي بنفسج جيبيها للبيت وسولفي وياها طول الطريق ومثل ما قالت الاخت مزاين رافجيها لكن مو تحسسينها انج ضعيفة جدامها اعتقد انج انتي سبب اللي تسويه بنتج بطريقتج تحرمينها وتعوض بيت خالتها وياريت تكلمين الخالة تقولين لها ان دخلت عليكم بنتي اسأليها استأذنتي من امج او لا ؟ اذا قالت لا خل ترفع سماعة التلفون الخالة وتطلب منج تاخذينها ياريت اختج تتعاون وياج شوي
بنتج يمكن تتعلم من صديقاتها يسوون جيزي انتي لازم تقفلين الباب و تطفين التلفيزيون و تحرمين ها من كل شي تحبه و كوني معاها عصبيه
بصراحه مو عارفه ايش اقلك انا ابني لكبير عمرو 7 سنوات وبصراحه مع ما انو دلو جدو وجدتو لانو اكبر حفيد بس انا وابو رفضين شخصيتنى عليه بس انتي مشكلتك انها بنت مو ولد لازم اتشوفي حل افرضي شخصيتك عليها ووين لاب عن هلكلام هادا بعدين ما لازم تطلع من البيت اعمليلها حدود ما بس انتي دخلي ابوها بلموضوع ولما تجي تسائلك اشي قليلها انا مش مامتك حاربيها لمده يومين والله مع تجربه بترجع تتاسفلك بعدين لازم تتجمعو مع بعض اتفهميها هي واخوتها درس عن الاخلاق والتسامح وقليلهم الي بزاكر اليوم منيح بعملو كب كيك او بزيد **روفو او بشتريلو لعبه حاولي
خذي نصيحة مني بنتك لازم تؤدبينها ... إشتري خيزرانه وطقي بنتج على مؤخرتها وصدقيني راح تتأدب وتسمع كلامك وراح تدعيلي
