من الأحق بالمقعد الأمامي الام ام الزوجة.

السلام عليكم و رحمه الله وبركاته.

حبيت اليوم افتح هالموضوع واتريا تفاعلكم و آراءكم.


من وجهه نظركم.


من الأحق للجلوس فالمقعد الأمامي بجانب الزوج فالسياره الام او الزوجه.

وهل المقعد الأمامي هو اللي يحدد مدى الاحترام و التقدير. *


شو رايكم ؟.

حبيت اكتب رايي الخاص.

أنا رايي انه اولى بأم الزوج

بس أنا في بدايه الزواج كنت اخلي المقعد الأمامي لعمتي بس هي أبدا ما ترضى وتروح تقعد ورى. و أنا من النوع مااحب احن وايد واجبرها تقعد جدام. والحين كل ما نمر عليها يقولي زوجي خليها بتروح تقعد ورى. هل أنا أقلل من احترامها بهالطريقه ؟ ؟ ؟

*

من رائي ام الزوج اولى بالمقعد الامامي بس ادا هي راضية تقعد ورا هدا يدل على طيبتها وحبها لمرت ولدها والع** ليس صحيح

تقبلي مروري

هلا اختي . . .

المسألة بسيطة الام جدام والزوجة ورى . . .

لما يكون وياج عيالج بالسيارة اكيد بيضايقونها ورى فالافضل جدام تقعد . . .

الام اكيد احتراما لها
لكن ان اصرت ماتشوف شر

ام الزوج طبعا
حطي نفسج مكانها....شنو رايج؟

أنا رايي من رايكم حبايبي. بس شو اسوي اذا هي ما ترضى مب معقوله أتم ساعه اترجاها.