ريم الشمال ل حمد الجودان

مساءكم خير اضع بين ايديكم قصيدة للشاعر حمد الجودان راقت لي واتمنى يروق لكم



يسعد الله مساء ريم الشمـال اللعـوب
جادلً تقصـر الهقـوات مـن دونهـا
كل ماقفيت عنهـا باتجـاه الجنـوب
اتذكـر غــلا ليـلـى ومجنونـهـا
حبها صوب والدنيا واهلهـا بصـوب
عشت كـل الحيـاه ومـت بعيونهـا
تشبه الغيم في لحظات قبـل الغـروب
كلهـا زيـن ظاهرهـا ومضمونـهـا
بري حالي ليا منـه طرقهـا الهبـوب
وانثنت بالـردوف وهـدت امتونهـا
جابت العيد والعالـم أتحمـل ذنـوب
ماعتقـد يثبتـون اللـي يشوفونهـا
والا انا في هواها سنين وازريت اتوب
لاقـدر اوصلهـا والا اقـدر اخونهـا
بيني وبينها سـدت جميـع الـدروب
والعرب ماتخلي اثنيـن فـي شونهـا
فرقونـا وكلـن بالفـراق مغصـوب
وحـد علمـي رفايقهـا ينادونـهـا
دمعها طاح وانا شب صدري شبـوب
يوم شفتـه تغيـر وانخطـف لونهـا
وراحت ورحت منها باتجاه الجنـوب
والتفت والمباني جـات مـن دونهـا




,,,,,,,,

قصيدة جيده واول ما قريتها على بالي انها قصيده لحامد زيد
يمكن حامد عنده نفس القصيده وعالعموم شكرا لهذه القصيده

العفوووو يااااقلبي تشرفت