حببت يااخواني ان اطرح هذا الموضوع لي النقاش لكي نستفيد جميعاً اريد ان اتحدث عن ظاهر موجودة وقد انتشرت بشكل كبير في مجتمعاتنا العربيه وهي ظاهر البنات المسترجلات:1:0 اصبح الكثير من البنات او بعض مهن يتركون النعومه وكل صفات الانوثة ويتحولون الي جنس اخر مثل التشبة بالرجل في حركاتة وصفاته مثل قصات الشعر ولبس الملابس 0 والساعات من ماركات رجالية وحتى المشى وطريقة الكلام ويقومون بتقليد وكانهم رجال وهناك الكثير من هذه النماذج اصبحت نشاهدها في مجتمعانتا0 وخصوصاً في الجامعات وقصور الافراح وفي المنتزها فتجدهم يغزلون بنات مثلهم ويتبادلون كلمات الحب والغرام ولهداياء وغيرذلك 0 فهذي ظاهر موجودة ولكم التعليق 0 ان اكثر مايؤلم هو ان تري شخصاً يقلد الاخر فكيف بتقليد الجنس الاخر 0 فما اجمل ان تهتم المراه بانوثتها: المراة هي عالم من الحب والحنان ماهي العوامل النفسية التي توءدي الي مثل هذا السلوك ؟ وكيف تنظر انت الي مثل هذا الفئة من البنات ومارايك ؟
مرحبا يعطيج العافيه عالطرح. . . فعلاً احنا نواجه مشكلة مع هالفئه عسى الله يصلحهم ويهديهم وينور طريقهم الوكاد انه مايعجبني ولا يعجب الاغلبيه منا هاذولا "ناقصات عقــل وديـــن " سلوك وطريق منحرف وملعــون ومطرود من رحمة الله يكفينا وياكم هالطريق الوعر المليء . . للأسف مادري ليش كثروا ؟! صاير مثل الوباء في كل مكان تشوفينه ؟؟!! وصعب انج تنصحين لأن اللي ينصح راح فيها وانتي فاهمتني حتى النظرات مانقدر يعني شتسوى علي لما انصحها تمد ايدها علي ولا تصارخ علي جدام خلق الله . حتى لو طالعتها بنظره احتقار تجي تدرعم علي وتزف وتهاوش ويمدون ايدهم بعد !!! .... يعني شوفي على شينهم قوات عينهم ليش كثروا؟؟ اعتقد انه مرض نفسي , من مشاكل عائليه مالقت الحنان والحب اللي محتاجته , تبي شعبيه ماتدري انه اللي قاعده تسويه بعمرها يدمرها واللي يشاركها في هالشي مايحبونها ولا عمرهم حبوها لأن هاذي النهايه الشي الخايس مايطول ولا يبقى لها شي طيب ينذكر <<<<<فيها حره عليهم والله كاسرين خاطري هالبنات ضايعين عسى الله ينورلهم طريقهم ويصلحهم انا ام وافكر في بنتي عمرها 7 شهوور اخاف عليها من هالفئه المفسده والمشكله انهم مايخلون احد لحاله العلاج ؟ يكثرون من الندوات والمحاضرات الدينيه والنشرات الدينيه وطبعاً دور المدارس فعال لازم يشدون عليهم ويساعدونهم واكيد اكيد دور الام والابو قوييي جداً و مالنا إلا الدعاء لهم . . . ادرييي طولت عليكم وغثيييتكم بس عجبني طرحج تسلميــــــــن عزيزتي
هالبنات إما ضحية لإسرة مفككة أو تنشئة خاطئة أو إنها ترى نفسها في الاسترجال إنها تحمي نفسها أكقر وتبعد الجنس الآخر عنها الحل يبدأ من الأسرة والمدرسة
والله عندي بالمدرسه بنت مسترجله يعني بويه امبي اسمع صوتها والله جنه رجال يعني اذا سمعتيه تقولين هذا رجال وياكثرهم عندي بالمدرسه وفي بنيه تعترف بعد وتقول انا بالمدرسه بويه وبالبيت يعني بنيه وعادي عشان ابوها مايزفها وسألتها :ليش انتي بويه وشتستفيدين يعني من اللي تسوينه جان تقول ما ادري ما اقول إلا الله يهديهم ان شاء الله ,,,
صدقيني البنات محتاجين معالجه نفسيه قبل لا تظلمينهم وانشالله يالقون نظرة رحمه من الناس لانه الناس نظرتهم تجرح والله يساعد كل مجروح
والله منتشره هذي الظاهره بشكل مو طبيعي عندنا في الامارات عنبوه الوحده تظهر من بيت اهلها جي وين الرقابه وين الاخوان ليش يخلونهن على راحتهن والله انا اشوف البدايه من الاهل اذا الاهل ما ردعوا البنت اكيد بتتمادى فهاي الشي..
يـــــــــــــــــــــــــووووووووووه ياكثر مارمسن فموضوع البويات والمستريلات ولا في شي وقف الا يزيدن وفي الجيل القادم اكثر واشد وشوفوا بنات المدارس الابتدائيه بتعرفن شو اقصد
مال حرق هالمسترجلات حرااااااااااااااام حرااااااااااااااام حراااااااااااااااااااام لوشنو كانت الاسباب لازم يتمسكون بالدين اكثر عشان يتركون هالشغله لوسنو بنقول وبنبرر ماكو فايده لان حراااااااااااااام
اختي الفاضلة... هالفئة من الناس نتجت من قلة الايمان و الأرتباط بالدين.. يمكن البعض يبرر انهم ضحيه و هذا لعدة أسباب منها تقليد اعمى أو انحراف عن الفطرة و بعضهن نتاج تمييز في الأسرة بين الذكر والأنثى و ما شاء الله وسائل الأعلام ما قصرت حتى الغافل منهم حلت له السالفه و قام يطبقها... العلاقة بين العبد و ربه أكبر رادع لمثل هالاشياء لكن مع الأسف وايد من الجيل الجديد صارت هالعلاقة من اخر اهتماماتهم و هذي النتيجه بالنسبه لهم و للجنس الثالث و حسب ما سمعت ان مع الأسف صار عندنا عبدت شيطان و العياذ بالله.. الله يعينا في تربية عيالنا و يحفظهم من هالي قاعد يصير..
ونحنـ بعد عندنآ هآلظآهره منتشره وآيد خـآصه فـي الـسكول تشوفون الوحده قآصهـ شعرهآ بوي ومشيتهآ بوي وكل شي بوي ماتحسون فيهآ صفآت انثويه .! انآ اعتقد سبب هالمشكله الربع اول شي وبعدين الاهل الله يهدي الجميعـ يآربـ .!
خل يصيرون بويات عادي يمكن يحلون مشكلة العنوسة ويمكن تصير قلوبهم احن من قلوب بعض الرياييل اللي ما يخافون الله في المره روحوا شوفوا السجون متروسه حريم من شنو من الرياييل انا اقول غيروا يمكن البويات احسن لأن مافيها طول وعرض يعني مقدور عليها بس الريال وين تقدر عليه المره والله جان يذبحها ومحد درى عنها بس البويه دزيها تطيح وانتهى الموضوع
الاساس من البيت من التربيه !! الا اذا كانت الهرمونات الذكريه اكثر من الانثويه هاذي لها علاج طبي .. الله يهديهم
هلا اختي الموضووع عجيب الله يشافيهم وهذا مرض نفسي .... ويمكن لاهل الي خلوهاا جذيه ولا الفئه الي عايشه معاهم او المدرسه او الدوام والصراحه في بنات اعمارهم بثلثينات وهم بوياات ومرة شفت وحده بمكان وكبيرة يمكن عمرهاا اربعين وشكلهاا بويه اللبس والكلام والحركات اتشوفينها اتقولين ريال وجان انصدمت الي في بنت اتناديهااا تقولهاا يمه يمه جان انا انصدم بويه وعندهاا اعياال ومتزوجه عاد كلمت دكتور قلتله السالفه وعادي متزوجه وبويه جان قالي اي عادي اصلا وايد حالات تترك زوجهاا وعيالهاا وتصير بويه الله يشفيهم تقبلي مروري
