برياني الدجاج الهندي

شخباركن يا سيدات وبنات المنتدى من عضوات ومتصفحات
اليوم البرياني عندي غير
طعما وريحه وشكلا ( قمت اتفلسف)
والصوره خير برهان

ها شو رايكم؟؟؟؟؟؟؟؟؟؟؟؟؟؟
اخبركم يالمقادير والطريقه .؟؟؟؟


خلاص ببتدي بسم الله الرحمن الرحيم

المقادير
دجاجه مقطعه 8 قطع
كوبين عيش
2 بصل مفروم
شوية ثوم وزنجبيل
2 طماط مقطعه قطع صغار
بهار حب (عودين قرفه +6 حبات مسمار +4 حبات هال+ملعقه سنوت +2ورق غار)
بهار مطحون (ملح +كركم+كزبره مطحونه+فلفل احمر حار+بهار غارام ماسالا)
علبه روب او كوب لبن غليظ
نص كوب جوز هند مبشور مخلوط مع ماي مغلي
ماي
زبده
شوية زعفران منقوع في ماي ورد
شوية كاجووو

الطريقه
نذوب ملعقة زبده ونحط عليها عود قرفه والمسمار والسنوت ونخليه لين تفوح ريحته

نحط الثوم والزنجبيل وعقب نحط نص البصل ونخليه لين يتحمر

نحط الطماط والبهار المطحون

وعقب انحط الدجاج ونخلط ونخليه دقايق مغطاي

في ها الوقت نضيف الروب او اللبن ومعاه خليط جوز الهند ونضيف شويه ماي ونغطيه ونخلي الدجاج يغلي لين ينضج ويتم صوص شوي ويا الدجاج

في ها الوقت نغلي العيش ويا عود قرفه وورق الغار والهال وشوية زبده ونشخله

في جدر ثاني نقلي النص الثاني من البصل ونحط عليه الكاجو لين يتحمرووون



الحين نحط نص مقدار العيش على البصل

ونحط خليط الدجاج على العيش

ونكمل نحط باقي العيش ونرش من فوق الزعفران ونوزع شويه دهن عربي
ونخليه يتسكر

عقب ما يتسكر غرفوووه وكلوووه بالعافيه عليكم





​

تسلم ايدج يالغاليه

مشاااااااااااااااااااااء الله عليج

يو عتيني ابي اكله خخخخ

مشكووووووووووره وما قصرتي

شكلي ابي ابطل رجيم واسوي الطبخه باجر الله يسامحك كل منك ا ام رشود

شكلة رووووووووووووووعة
سلمت يداكـ
ويعطيك الف عافية00

مشكوره اختي يعطيك العافيه

تسلم ايديك بس لازم تقولين شنهو السنوت معناه بالكويتي الكمون حق اللى ما يعرف والله يعطيك العافيه

شكركم عل المرور

اللة شكلة روووووعة امممممم

روعه
تسلم هالايادي

امبييييييييييييه عذااااب هههههه
اموت على البرياانى
مشكوووره حبيبتى

وواااااااااااااااااااااااااااااااااااااو الحين بسويه انشاؤالله

تسلم الاياااااااااااااااااااااااادي

يعطيك العاافيه على الاكله الحلوه

تسلم يمينج حبيبتي​

تسلم ايدج يالغاليه

ماشاء الله شكله حلوو

الله يعطيك العااافيه ياأم رشودي

مشكورة عزيزتي
بسويه بكرى للغدا

للرفع------------------------

حلوه تسلم أيدح