ابي شوووووووووركم لاتبخلوون علي

السلام عليكم ورحمة الله وبركاته:rose:
انا ببدي بموضوعي على طوول انا من طبعي عصبيه حيييييل وماعندي سعة بال واطق عيالي<< اللي يسمع يقول درزن واهما بس ولد وبنوته حلوه<< وهالشي متعبني وعلى فكره اهم مايسون اشياء جايده تستاهل الطق وجتني فتره تغلبت على نفسي وخليت الطق :emoticon_U:
وامس رجعت له والسالفه بأختصار ان ولدي عمره خمس سنوات بدا ويا المدرس الخصوصي عشان ااسسه بالعربي وكان عليه واجب وكانت اول حصه واول مره يمسك القلم ويكتب وقعدت اطقه طق لانه ماعرف يكتب الهمزه وربي بجيت وياه وكرهت نفسي وفكرت فيها ان الولد توه بسم الله الرحمن اول حصه له جذي ابي اكرهه بالدراسه .:sad_smile:
مرات احس ان الجهال ماينفع وياهم الا الطق ومرات احس اني غلط لاني الوحيده اللي اطق عيالي وماامدح بنفسي اني اشوف تربية عيالي حلوه ويخافون ومايغلطون وهذا مطمني لان اشوف تربيه البعض غلط وعيالهم مايحترمونهم ولا يحترمون اللي اكبر منهم وهذا ولله الحمد موفي عيالي:smile:.. واانا احس اني ضايعه مدري اللي اسويه صح والا غلط :71_71:

لا غلط حبيبتي عمر الطق ماجاب نتيجة انتي جذي تكرهينهم بدراستهم حرام توة حتى القلم مايعرف يمسكة ............ الطفل يبيلة تعامل بالهداوة وذا كان شيطاني حيل طقي بس مو لهدرجة عاد .......... انا اعرف وحدة عديمة احساس ماعندهه رحمة تجوي عيالهه بالجبريت والحين عيالهه تقول ثولان مايعرفون حتى يتحجون ....... انتي احن قلب بالنسبة لهم ومهما تطيقنهم ماراح يلقون غيرج يساعدهم وسعي صدرج عليهم وعسى الله يحفضهم ويخليهم لج تحياااااااااتي

تسلمين ياقلبي انتي على مرورج ونصيحتج الحلوه اللي اعتبرها طالعه من القلب .
وان شاء الله اتغلب على عصبيتي وانا يعني ماوصلت لمرحلة التعذيب ولله الحمد بس هم الطق اعتبره اهانه وماتصير عندهم شخصيه وانا مستحيل اطقهم والا اعاقبهم عند احد والحين بحاول الجأ الى اسلوب العقاب يعني احرمه من الشي اللي يحبه وان شاء الله الله يوسع صدري عليهم.

حبيبتي الطق ماينفع مع العمر الصغير وبعدين حاولي تتكلمين معه وتستخدمين الحوار وبعدين في اشياء وايد بالمكتبات تسهل تعليم الطفل الكتابه في مكتبة جرير وصدقيني قربي منه راح تلقينه عقل .

يسلمووووووووووو على مرورج فديتج..
اي والله صح بعد ثاني حصه كلمته بالهداوه واذا ماتبي تكتب واجبك كيفك بس ترى المدرس راح يعصب عليك وراح تصير كسلان وربي كتب الاحرف بخط يهبل وتحسفت اني طقيته لان فعلا الطق ماينفع والحمدلله يارب يهديه ويهدي اخته ويهدي عيالكم يارب.

أختي انا كنت اطق اولدي على اي شي صار يكرهني واذا بغى شي ما يقولي يروح لغيري من اهله ابوه خالته عمته وانا لالكن الحين عرفت ان الطق ما يولد الا الكره صرت انبهه واضمه لصدري واكلمه با اسلوب حلو والحمد لله الحين ما يصبر عني والله يوفك

الله يخليه لج يارب ويهدي عيالنا لنا ويجعلهم من عباد الله الصالحين يارب