انا ارد عليج بسؤال ثاني اشرايج بريال يعصب على مرته ويصارخ عليها وترد عليه تقوله حبيبي تبي عصير بارد يهدي أعصابك! لين صار خاتم في اصبعها، الريال مثل الياهل كل سيء بالهدوء والتفاهم
والله قلبي منكسر كل شي ابدع فيه ويحب مني كل شي ويقول حق عيالي دايم شلون نعيش بدون امكم بس اذا ناقشته في شي يقول مالج شغل بخصووووووووووووووصياتي
أختي دامه زين وياكم ويخاف الله طنشي هالرد وبعدين هذي ماركة مسجلة للرجل الكويتي عبارة : مالج شغل بخصوصياتي يعني بس حجي لاتهتمين
حبيبتي الريال اذا فيه شي ما يحب مرته تحاجيه يعني مايحب ياخذ مشورتها واذا في رياييل يسونها فمن باب المجامله والاخذ والعطا الريال يحب انه هو اللي يحل كل الامور بنفسه وهو اللي يتحمل المسؤووليه و يحب يهتم بالمرا بس احنا مو مخلينلهم مجال دايما رازين الويه يعني سنعين وانا اول وحده وقاعده احاول اتخلص من هالطبع
انا سمعت معلومه وقاعده اطبقها والحمدلله انفعت ونتايجها قامت تبين انه اذا الريال طبيعته ما يسولف انتي خلج ساكته نفسه وخلي اجاباتج على قد السؤال اهو راح يبدي يتكلم معاج بعد فتره وراح يفتح مواضيع بس يبيلها صبر
صباح الخير انا من راي ام عبدالله طنشي وكل رياجلينا جذيه صدقيني لوضاقت فيه ماراح يلقى غيرج بس حاولي تقربين من اكثر ولاتناقشينه بهالسالفه انسيها ادري تقهر الكلمه بس طنشي وحبي زوجج وصدقيني بتلقينه اهو الي يقولج كل شي وربي يوفقج
حبيبتي اذا قالج مو شغلج بحياتي قوليله انت حياتي وانا حياتك واحنا ما ننفصل عن بعض ومن هالسوالف ترى الرجال مثل الطفل يبي المحايل
