السلام عليكم بنات انا تعبت من زوجى وااايد مقصر معاااى واذا كلامته وناقشة يقول ان شاء الله حاضر ولا اشوف شىء تعبت وانا اتكلام معه بنفس الموضوع لدرجة انى ساعة اغلط عليه اذا كنت معصبه واجراحه مع العلم مو منى من العصبيه .مع العلم انى احبه ومااحب ازعله . لدرجة انى ساعة تطري بالى فكرة الطلاق. مع انه طيب وحبوب ومايرض يزعلانى بس اللى متعبنى انه مقصر كل وقته حق الدوام وحق اهله وتعبة من السالفه هاذى والروتين اليوم والمتكرر . عفيه ساااعدونى بنات والله نفسيتى تعبت وما ابي اجراحه وااايد او اسمعه كلام مو حلوووووووو. عفية ساعدونى شنو اسوى شكرااااان
تبين راي احسن شي انج تحقرينة ولا تطلع منج الكلمة السيئة لأن الريال ما ينسى صحيح يسامح بس ماراح ينسى واذا تحملتي وقدرتي ظروفة راح يقدرج اكثر
غيري طريقتك معه وتجاهليه وحبي نفسك يعني ابدي زيدي اهتمام في نفسك ولا تقصري في اولادك وبيتك بس هو تجاهليه فتره وبيبدى يلاحظ التغيير ويحاول يصلح من نفسه ونصيحه كثري استغفار ودعاء مع صلاة الحاجه قبل اذان الفجر بساعه والله ان يتغير باذن الله
هلااا حبيبتي نصيحتي انج تهتمين في اعيالج تشغلين وقتج ...انسيه شوي وعلى فكره كلهم جذي ياااديوانيه يااا دوام ياااطالع . انا نفس حالتج تجاهلته عادي صار عندي وقمت اشغل نفسي في عيالي ...
[size="4" ]اشكركم على ردودكم الر وووووووعه وبناااات والله متجااااااهلة وصاااير رسميه معه شوى بس اخف يطفش لام اكون معه رسمية انا تونى ما عندى عيال .والله احوال اضيع وقتى كثر ما اقدر. بس والله تعبت.[/size]
حبيبتي بنت اجوديه انا برايي لاتحقرينه نهائيا بس غيري طريقة معاملتج له يعني لاتفتحين معاه الموضوع خلاص بس حاولي تهتمين فيه اكثر سويله حركات بالبيت سولفي معاه بمواضيع اهوا يحبها لعبي معاه في رياييل جنهم يهال مثلا لعبي معاه سوني او اي لعبه يحبها طاوله شطرنح اي شي او اشتري افلام من النوع الي يحبه وقوليله شريت فلم واليوم بنطرك عشان نطالعه مع بعض وسويله نفيش او عزميه مره على العشا بره حاولي كثر ماتقدرين انج تسعدينه معاج موكل ريال ينفع معاه الحقران انتي سولفي معاه وعرفي بشطارتج شنو يسوي بالدوانيه يلعب يسولف يطالع افلام وحاولي اتسويله اياها بالبيت وانشاللله يارب اللله يهديه لج حبيبتي ويهدي كل ريال حق زوجته
اختي بنت اجوديه انا عايشه نفس حياتك ويمكن اصعب زوجي طووووووول وقتو شغل ولا يوم عطله بس تعودت ومليت من كتر ماحكيت ومليت المشاكل حولي تأقلمي نفسك مع ظروفو وتصبري علي وترضي وهو رح يحس بهشي حتى لو بعد فتره المهم انو بينكم حب واحترام هاد اهم شي ولا تفكري نهاااااااااااائي مهما عصبتي تغلطي علي نصيحة اختتتتتتتت
هلا أختي اجودية هالسنوات الاولى اللي من غير اطفال ثقيلة ويبيلها صبر انا نفسيتي تعبت اول سنتين وصبرت وربي اكرمني بأطفالي الفراغ يخليج تركزين على زوجج وعلى اتفه شي تسوين منه مشكلة لأنج بروحج ومافي شي يشغلج فتشغلين تفكيرج بزوجج . . .حاولي تشغلين نفسج بشي مفيد ونمي هواية من هواياتج وربي يرزقج بالذرية الصالحة يارب
والله انا برايي تحتاجين معاه وقت بروحكم..قوليله حبيبي شرايك نغير جو نروح فندق انام ليله و خلي عيالج عن امج بهاليوم و عاد تزينيله و غيري ستايلج و بهاليوم لا تكلمينه بالموضوع كللش عاد ثاني يوم لما تقعدون تريقوا و ما اوصيج بالابتسامه العريييضه و قوليله حبيبي يا حلو القعده معاك..قوليله انا عمري ما استانس كثر ما تكون قبالي و من هالحجي المنبق ما اوصيج و قوليله يليت نكثر طلعاتنا مع بعض مرات بروحنا و مرات نونس اليهاال والله يعافي برووي قطيهم هناك و تمشي وياه بالافنيو لوول و قوليها بطريقه انج مشتاقتله صج مو متشرهه عليه و شايله بقلبج .. لان فعلا الريال ما يحب المرة العصبية و اللي تقط كلام و يشيل بقلبه والله ولا ينسااهاا..و عسى الله يسخره لج يا رب..ولا تفكرين بالطلاق .. صدقيني تقدرين تسوين ألف شي و شي و مرده لج انتي الحب افااا عليج بس
الله يصبرك اختى ونصحيه لا تتجاهلينه اهتمى فيه اكثر سوي العاب وحركات جديده بالبيت خلينه يحب الوقت الى يقضيه معكى بالبيت والله يصبرك لان هالسنوات الاولى كذا
شوفي حبيبتي نصيحتي لج لا تحقرينه و تكونين رسميه واايد معاه لأني فهمت من كلامج انكم توكم متزوجين و خوفج لما تحقرينه واايد يمل منج او ان تصير مشاكل انتي بغنى عنها احسن شي انج تعاملينه مثل الياهل و ترتبين البيت و تغيرين شوي من جو البيت حتى لو بس تغيرين ترتيب الأثاث و اذا اهو مثل ما تقولين مشغول بالدوام و اهله ليش ما تروحين معاه عند اهله و جذيه اكيد راح تكبرين بعينه لما يشوفج مهتمه بأهله و الله بوفقج ان شاء الله
بصرااحه حبيبتي اول ماعرفت سالفتج قلت لازم اقولج ان انا وانتي بالهوى سوى تحسين ان اهواماعنده وقت لج ومو فاضي لج وكل وقته بالدوام او عند اهله اوربعه والدوانية ويقول لج لاتدقين وايد وانامع ربعي تفشليني وبارد ومليحس ومافيه رومانسيه وكل يقولج لا تحنين بس طيب وقلبه ابيض ومايحب يزعلج مع انه مايراضي اناقولج شتسوين 1-طنشي ولا تهتمين له ولا حق القعدة معاه (بس مو مرة وحده على الخفيف) 2-عاملية بالمثل نفس ما يعاملج عاملية عشان لما يتضايق يحس لنه ضايقج 3-لاتحنين عليه وايد وخليه على راحته 4-لبسي وعلى طول خلج كاشخه في البيت حتى لو اهوا مو موجود 5-ضيعي وقتج مع اهلج طلعي وروحي تسوقي واستانسي وانسيه 6-عاملي اهله عدل وكسري عينه 7- لا تطلع منج الكلمه الشينة 8-ضيعي وقتج بشغل البيت ونظفي وبخري وغسلي 9-سوي حركات رومنسية بس لاتبينين له انج ميته عليه وانشالله ترتاحين
مشكووووووووووره اختى يعطيج الف عاااااافيه وانتى وخووواتي اللى سااعتوووونى ان شااااء الله راح اسوووى نفس ما قلتو راح اطنش واعمله بمثل اليم يحن ويحس والله يهديه الله يعينى والله يعنى كل واحده عايشه بمثل جزاكم الله الف خير ياااااااااااارب
انتي حاولي تكلمينه بهدووء وحاولي تجذبينه لج يعني بسوالف اهو يحبها واذا واذا تبين تطلعين معاه حاولي قبلها تكونين كاسبته عشان يطلعج والله يهديه نشالله ويسخره لج امين
مرحبا اختي انا أأيد الاخت بنت لكويت سايسيه ولا تتجاهلينيه أبدا لا تقصرين في واجباتج تجاهه، لأنج محاسبه عند رب العالمين أولا أدي كل اللي مطلوب منج زوري أهله إذا كنتو عايشين بروحكم خللي الاستغفار على لسانج على طول، واطلبي رب العالمين وهو ما يردج صاحبي القران، لو صفحة عقب الصلاة اشغلي نفسج بهواياتج والأشياء اللي هو يحبها، مثل ما قالت اختنا بنت لكويت والله يسعدج وياه وصدقيني، حالتج وايد احسن من بعض الخوات، اللي ريلها شكاك، واللي ريلها عصبي، واللي ريلها بخيل وغيره وغيره
