السلام عليكم ورحمه الله وبركاته ابي اقول لكم قصه وابي كل وحده تقول رايها بالرجل هذا توها القصه صايره 12-2 2009 انا عندي صديقتي اخوي الصغير قال ان صديقتي واهي بنت جيرانا عند اهلها لا كل ما تجي تدق علي تقول تعالي وانا وياها اصدقاء من كنا ياهال وانا استغرب انها ما دقت علي وقلت ابي اروح اشووفها يمكن مريضه ورحت عادي ما فيها شي بس عيونها رايحه من كثر البجي واشوف بنت الحلال تلفونها يدق وما ترد اقولها ردي تقول لا هذي بنت عمي زوجي عزمتني بس مالي خلق اروحلها وبعد ساعه بس صرت انا وياها بروحنا وامسكها واقول الا تقولين الصج شنو السالفه لان اهلها كانو عندنا قبل شوي وما قدرت اسالها ولما قالتي انصدمت ويالتني ما سمعت السالفه تدرون شنو تقول رحت السوق عشان عيد ميلاد زوجي وشريت هديه ساعه بخمس ميه دينار والله تقول انها متسلفتهم من وحده عشانه ودق عليها وهي بالسوق يقولها وينج هي تقول بالسوق بس هي مو بالسوق اهي واصله عند البيت جذبت عليه مسويتله مفاجئه واهي عند الباب ولما ادخله الغرفتها تتوقعون شنو شافت شافته مع الخدامه بفراشها ولابسه الخدامه قميص نوم المعزبه شرايكم خوش مفاجئه بصراحه هو الي عطاها مفاجاه والبني على نياتعا قبل لما تجي لهلها ما اشوف الخدامه معاها اقولها وينها تقول يبيها اتنضف البيت هذي قبل ما تكشفه وقبل تجي معاها لهلها واشوي ما اشوفها اقولها وين خدامتج تقول توه خذاها يقول ابيها تكوي ملابسي والبنت على نياتها والله اني ما اشوف بنت الحلال وايد عند اهلها وتركت دراستها على شانه ومسويته يا دهينه لا تنكتين والله انها قبل ما تاخذه ما تعرف تطبخ والله الحين شنو تبين تسويلج على شانه الحين عند اهلها وتقول انا ما ابي اطلق بس ابي اعلمه شوي واختها راحت البيت اختها عشان تجيب ملابسها تقول شافت القميص على السرير تقول اخذت ورمته على وجهه قالتله كفوك هنديه خله عندك يمكن تجي لهلك هنديه ثانيه لبسها هل القميص تدرون شنو الصدمه ان اهلها ابوها وامها ما يدرون ليش زعلانه للحين بس انا واهي واختها واستاذنتها اني اكتبها وقالت مو مشكله وكان تلفونها يدق اهو كان زاعجها وانا عندها يتاسف منها تقول بعد سبع اشهر او ثمانيه ارجعله بس ابي اربيه وقتلها قولي لهلج قالت لا لان اذا قتلهم راح يطلقوني وانا ابيه احبه وما ابي افضحه عند احد شرايكم بهذا الرجل ابي الردور الحلوه عاد بنات ديرو بالكم من النيباليات والفلبينيات يعني من اي خدامه بس هذول اكثر الي عيونهم مدري شلون صايره ديرو بالكم لان خدامه صديقتي نيباليه والله يحفظنا ويحفظكم وازواجكم امين يا رب العالمين
صراحة لالالالالالالالا تعليق!!!!!!!!!!!!!!!!! انا لو منها ما اتم معاه دقيقة وحدة حتى لو كنت احبه لازم احب كرامتي اول لو نفرظ رجعتله راح يعرف ان الموظوع سهل وراح يكررها ولو كان محترمها جان ما خانها في بيتها وعلا فراشها و مع خدامتها!!!!!!!! مو لازم تفظحه بس خل تفكر الف مره قبل ما ترجعله و الله يعينها على بلواها
بصراحه زبالة ومايستاهل تضحي عشانه بس هذا عيب البنات كلهم ان لما نحب نحب من قلب وانشوف الشخص الي نحبه ملاك عمره ماغلط والمشكلة ان نشوف بلاوي بس نطوف ونسكت بس عشان نحبه بس اذا اهوا شافج غلطتي لو بشي صغبر يتم يعايرج طول العمر وانج ماتقولين لاهلج هذا يدل على اصلج وخوفج على سمعت زوجج وبيتج (بس نصيحه لج انا حاسه فيج وما اقولج خليه او فضحية بس لازم تقعدين معاه وتحطين له حد وتفهمينا انج رجعتي عشان العشرة الي بينكم وان كل واحد يسوي بصله بس اذا رجع سواها اوا مجرد انج تحسين ان رجع يلعب قولي له راح افضحك ومارتح اتردد وراح يكون الحق معاي ولازم تعرفين مهما صار لاتذكرينا بهذي السالفة على طول ولاترضين على كرامتج وحطي له حدود بس بطريقه محترمه ما تنزل مستواج ولاتخلينه يمسك عليج شي مهما كان صغير عشان يقول انج مومتربية صكري كل شي بويهه وحاولي تصيرين باردة لوبس جدامه عشان يعرف انج مو ميته عليه وموقادره تعيشين بدونه بالعكس خليه يحس ان غيابه عندج شي عادي ) الله يوفقج يارب وينصر كل مراة مظلوم
الله يعينها على بلواها صج...........والله مشكلة ان تطلقت واويلاه وان ظلت هم واويلاه انا اقول لازم يتادب وبدون ما تفضحة لان من ستر على مؤمن بالدنيا ستر الله عليه يوم القيامة والله اعرف بنات كثير نفسها بس ردو بس عقب ما تادبو عدل مع العلم ان انا ما اشوف ان الريال يتادب لان بو طبيع ما ييوز عن طبعة وعاشوا في سبات ونبات وخلفوا بنات بس هههههههه
بس اذا كل وحدة راح تتطلق بس عشان زوجها خانها صدقين نص حريمنا راح يتطلقون لازم تعرفين ان نادر انج تلقين ريال يوفي صدقيني مهما كان يحب راح ايي يوم وراح يخونها فيه حتى لو ماطول بالعلاقة بس اسمه خان ترى الريايل بشكل عام حيوانات تحركهم غريزتهم مونفس المراة الي يحركه قلبها فانا اقول لا تتسرع احسن لها خل تفكر هذي السالفة مو لعب هذا مستقبل
الله يعينها على ماابتلاها ويصبر قلبها ويهديه يارب ولا تبلانا يارب ويهدي ازواجنا لنا يارب.. الخيانه شي صعب مااكو احد يقدر يتحمله وهي راح تكون شايله هالهم معاها لين مااتموت والله بس لاتتطلق ولاتفضحه بس لازم احد يتدخل يعني تشوف اخوها والا خالها والا واحد تعرفه وثقه وسره في بير يوقفه عند حده ويأدبه هي صدقيني ماراح تتطلق حتى لو اطلبت الطلاق وراح تصير سالفتهم على كل لسان وتفضح زوجها ويصير العيب منها وانها مهمله زوجها لو انها شايلته على كفوف الراحه وبعض الرجال مايملي عينهم غير التراب وصدقيني اذا مافضحته واسترت عليه راح تكبر بعينه وهو يصغر بعين نفسه وراح يحس انه سخيف ووضيع واللي يعاشر خدامته هذا واحد وصخ بصراحه وماعنده كرامه وينزل نفسه بس الشيطان شاطر والله يرفع عنها يارب ولا يبلانا ويارب يهدي بالها والله لايحطنا بموقفهاا
يااااااااااااااااربي يعين قليبهااااااااااااااااااوالله صعبه عليهاااااااااااااااااااااااا الله يعينهاااا ويهديه ورايي خليهااااا تنقعاااااا سنه وماترد علي تلفونااااااااااااااااا مهماااا كانت الظرووووووووف
الله الله الله يعينها كفايه حرة قلبها لا حول ولا قوه الا بالله واهي بنت الحلال على نياتها ويعني الخدامه بتصير انظف ولا ارتب ولا اطهر من زوجته لا اله الا الله الله يصب قلبها بصراحه والله يعينها
وييييييييييييييييييع هالدرجه نفسه دنيه يعاشر خدامه واللله انها خووووووووش مره ومايستاهلها هذا انسان حقير اللله يعينها خل يتأدب عدل عددددددددددل بعدين ترجعله وتحط شرووطها قبل لاترجع ومره ثانيه خل تحافظ على ريلها ترا الخدامات كلاب عزكم اللله وهذا انسان ضعيف وشاف في مجال عنده الله يهديه انشالله ومأجوره لانها بتحافظ على بيتها وسترة على هالريال بس اذا ادبته ونوة ترجع ختقوله انا سترة عليك عشان العشرة والعشره ماتهون الا على عيال الحرام بس مره ثانيه اذا ماحافظة على كرامتي راح اقول حق كل اهلك عشان يخاف وشوي ويعرف انها احسن منه وماهان عليها تفضحه(((معنه واللله مايستاهلها القصه تعور القلب واللله)))))
طيب أنتن كنتن بصف المرأة طيب وجهة نظر الرجل شنو وليه وصل للمرحلة هذي حتى ينام مع الخادمة هنا تبقى علامة استفهام ؟ الخيانة صعبة لأنها تفقد الثقة بين الطرفين ولكن تبقى الدوافع والأسباب التي آلت إلى هذا الأمر لابد أن هناك سر ما فالأبواب مؤصدة ولا يعلم ما خلف الكواليس إلا من بداخلها
السلام عليكم حبايبي ومشكورين على الردود واناسالتها يمكن اهي مقصره معاه لان انا بعد ما اعرف شبو الي متخبي والله تحلف تقول عمري ما زعلته واذا اهو غلطان انا بعد اراضيه وما احب انام وهو زعلان واذا سافر على لو يومين ابجي الي يشوفني يقول هذي ريلها ميتلها احد والله انا اعرف بنت الحلال زين طيبه والله ان قبل ما تتزوج كانوا ينادونها الخبله لانها طيبه وتقول حتى لو انا مقصره يجي ويقولي تقول والله كل يوم اساله قبل النوم انا مقصره زعلان اسفه اذا صار شي اليوم غلطت انا فيه وانا ما ادري يقول والله تقول ويحبني على راسي ويقول الله لا يقصر بعمرج حبيبتي وتقول انام وانا مرتاحه شفتو حتى لو اهي مقصره ما يدق عليها والله لو تشوفون المكالمات والله ويجي عند الباب وتطرده هذي مقصره لا ما اعتقد لو مقصره قال خل تولي ما يتاسف وتدرون شنو يقول داز رساله يقول اذا ما رديتي اتزوج شرايكم قالتله روح تزوج ما يهمني شرايكم فيه انا قتلها احقريه انتو شرايكم
الله يعينها ويصبر قلبها على جرحه الغزير اختي الغالية بحر من الإبداع كلامج معناه ان كل واحد فينا بيسوي الغلط والحرام وبيقول لربه يوم القيامة انا ما لقيت البديل الحلال وبجذيه كلنا معذورين ولكن مثل ما يقولون عذر اقبح من ذنب طريج الحلال مفتوح اذا مو مع مرته في الف وحده غيرها وعلى العموم كل منا له رايه في الموضوع
موقف يزلزلني يبعثرني ويحطمني . انا مااتصور ولا اتخيل اشوف ريلي بهالمنظر والله لا يحطني بهالموقف . واذا صار لا سمح الله مستحيل اقعد عنده ثانية وحده. لانه نفسه ضعيفه فماراح تكون الخيانه الاولى له . الخيانه صعبه صعبه صعبه . ومع خدامتي وفي بيتي وداري ! الله ييعين رفيجتج ويفرج عليها ويتوب ريلها لربه توبة خالصة
يا اخوات انتن تكتبن ردود لاخت كل من ردت مؤتمنه بردها لاتكتبين رد ربما يؤدي الى خراب بيت الاخت يا اختي وبكل صراحه الرجل اخطا فعلا وصدمه كبيرة هناك اشياء تجعل المرأة تبقى لزوجها وهي ان شخصيته ممتازة ا يجعلها تثق انه يتوب ويرجع الى الله وان تنسى هذا الموقف ولا تنظر الى عينية بنظرة تدل على احتقاره هذه نزوة لكثير من الرجال لو تكلمت كثير لشتت الاذهان هي تقول احبه لازم ماتطول عليه وترجع له وتتفاهم معه ويغيرون جو يسافرون لنسيان هذا الموقف والابتعاد عن موقع الجريمه وتسفير الخادمة والي يعلم بالسالفة من قراييها يستر لانها راح تنتشر بطريقة اقولك ولاتعلمين احد شفتي ابو فلان لفته حرمته نايم مع الشغاله وبالاخير حتى بنيبال يعرفون السالفة لازم تدرس الموقف وارجو من الاخوات عدم الكتابة لمجرد الكتابة والعاطفة موفقات حبوبات
اهي صدمة لكن الله يهديها كانت الامور واضحة جدامها شلي عمى عيونها عنها ؟ زوجي ياخذ خدامتي تكويله ملابسه ويتمون بروحهم بالشقة ؟!! زوجي يقول خل الخدامة تنظف البيت !! وبغيابي وباجتماع زوجي + الخدامة حبيبتي الوضع كان غير طبيعي لكن الزوجة ثقتها العمياء بزوجها ماكانت في محلها . . . ما اقول لج تتطلق وما اقولج اي حل لها خل تستخير رب العالمين وربي بيوفقها للحل الاسلم لها
عمه بعينه حقييييييييييييييييييييييير خل اتهده وااايد احسن لها مستواها واحد نظيف مو وصخ مثله صراحه شهالقذاره اللي بيشوف سيلانبه وييييييييييييع اشلون قدر يجيسها و الله خل تطلق الديره ما خلصت شباب و مثل ما حبت بتكرهه والله نصيحه
مخما كانت الاسباب حتى لو مقصرة معاه بالنومة عذرا على هالكلمة مااااااااااااااايسوي الحرام هذا ماخاف على نفسه قبل كل شي من عذاب اللة وبراعيها هذا متعود على هالسالفة ومااااعتقد انه في وحده بهالوقت مهملة بزوجها من كثر مو قاعدات انشوف المغريات جدام الشباب من الستلايت او بنات ابليس بهالسوق صايعات انا لو صار لي هالموقف واللة وغلات بنااااااتي اواجهه جدام امه وابوه واحرجه واطلب الطلاق لانه حتى لو حلف ماااايكررها واستقام اهي ماراح ترتاح هذا واهي قاعدة بالبيت وخلت الدراسة عشانه سوا جذيه اللة لايبلانا اجل لو انها موظفة جان لاعب لعب بخدم الفريج كله واهي بكيفهااااااااااا
حبيبتي اللي صار صار وما فيه شيء يقدر يغيره وانا دايما اقول حق الحريم ( انا استشاريه زواج) اول شي تسوونه انكم تخططون لبكره يعني شنو بتسوي باجر او بلاصح انها تحط كل الاحتمالات اولا فرضا انه ياها عند باب البيت وتاسف منها وباسها ( وعلى فكره وايد من الحريم اللى من نوع رفيجتج تخق من هلحركه )شنو بتسوي ----- بتشيل هدومها وبتركض وراه وهي تقنع نفسها انه خلاص تاب واللي راح راح او بترفض انها تكلمه (وتسوي زعلانه )لمدة 8 شهور ( اشمعنى؟) وبعدين ترد له وعاشو عيشه سعيده تدرين حبيبتي قولي حق رفيجتج اني اقول لها يالخوافه مليون مره منشنو انتي خايفه ؟خايفه لا الناس تدري ببلوته وبعدين ما تقدرين تردين له اوخايفه انج تسامحينه وترد ريما لعادتها القديمه او يمكن خايفه تتطلق والناس تقول عنها يالمطلقه ؟ لازم اهيها تعرف شنو تبي ووين تبي توصل _____________ مو انا ولا اي وحده في العالم كله نقدر نقول لها شتسوي لازم اهيه تقدر تحدد الشي اللي تبيه حبيبتي اهي الحين بفترة صدمه لازم تريح وتبتعد عن اي ضغوط وترتاح وبعدين تبتدي تحدد مستقبلها وتسوي الشي اللي اهي تبيه بدون ضغوط حبوبه انا بالمكتب من الساعه 4 اللي الساعه 8 واذا واعطي استشارات مجانيه اذا حابه هذا رقمي55507044 دقي وما في شي ماله حل
بصراحة رفيجتج ماعندها سالفه انها تفكر تردله اكثر من انه يخونها ولا مع خدامتها بعد وعلى فراشها شتبي اكثر من جذي اللي جذي مايتعاشر
