مرحبا خواتي انا اول مره اشارك في المنتدىوحبيت اعرض مشكلتني لعلي أحصل على حل منكن أنا صارلي ثلاثة شهور من ازوجت أصلا كنت مطلقة وعندي عيال والحقيقة الكثير تقدمني وأنا كنت أرفض مشان أولادي ومع مرور الزمن تقدم لي رجل ذو أخلاق عالية وهو على علم تام بأن لدي أولاد فوافقت بشرط بقاء أولادي معي وبالفعل وافق لآنه ليس لدية ابناء وكنت مرتاحة كثيرا من رده لأنه الأول الذي تقبل فكرة بناتي عندي واستخرت ربي في ذلك عدة مرات ووواجهت صعوبات مع أهلي كيف ساتزوج واترك أولادي وان الرجل إذا وافق اليوم باجر بيتضايق وفعلا بعدالزواج بأسبوع اصبح يتضايق مني ومن ابنائي ويلجأ بعض الأحيان لضربهن والصياح في وجههن ويردد علي كنت أتوقع بأنهن هادئات صدقوني مستحيل في هذا السن الطفولي أن يكونن هادئات إذاً متى سيعيشن طفولتهن وكل ما علي انني احاول بقدر المستطاع ارضائة وارضاء أولادي والحمد لله قبل زواجي كنت فعلا مرتاحة لا أحتاج من يعيلني أنا وأبنائي فالله يخليكم ردو علي بأسرع وقت بالحلول المناسبة لكي تستقر حياتي وأعيش بهدوء واطمئنان
ادعي ان الله يعينج وحاولي توفقين بينهم وانج تبعدينهم عنه وقت ما يكون معصب او مزاجة متعكر وانا برايي ان اللي عندها عيال واتطلق او اترمل تقعد على عييالها ابرك
هلا أختي . . . ربي يوفقج ويخليلج بناتج -آمين يااارب العالمين - شوفي وقت ما يكون موجود بعدي البنات عنه بغرفتهم ويا ألعابهم وتلفزيونهم عندهم وحاولي تغدينهم بالأول . . .والله حتى الابو الحقيقي يتضايق من عياله إذا ازعجوه وهو يتغدى !! لكن هالشيء ما يبرر ضربه لهم . . . اعتقد إن الرجل ماراح يكون متواجد طوال اليوم في البيت في هالأثناء قعدي ولعبي ويا بناتج واحرصي عليهم دائما هذيلا بناتج وأمانة في رقبتج ولا تثقين بأي شخص بشأن بناتج فاهمتي على أختي
حبيبتي اذا كااان موجود بالبيت خلي البناات بغرفتهم والحسن تجيبين خدامه لبناتج عشاااان هي تكون معاهم بالغرفه اذا كان موجود ومايطلعون نهااائيااا عشان مايتضااايق وعطيه حقااا بكل شي وحاااولي وخلي لبناتج كل شي متوفر بالغرفه من اكل حلاوو تلفزيووون العاااب يعني عشااان مايملووون وانتي مري عليهم بين فترة وفترة واذااا طلع خليهم معاااج يعني قسمي وقتج بينهم ولاتقصرين وتحسسينااا ان البنات اهم مناااا لان مهماا كان الزوج جااهل ويغار
حبيبتي شي طبيعي يتضايق لانة مو متعود عليهم بس ان شاء اللة مع الوقت بيحبهم مثل اعيالة وبعد مثل ما قالو الخوات بعديهم عنة اذا كان موجود وخلج انتي معاه هو بيحس انج مهتمة فية اكثر وهيك بيرتاح ومع الوقت بيتعود عليهم وخاصة اذا جبتي اعيال منة وبيشوف شقاوتهم الحلوة واللة يسخره لج ولبناتج تقبلي مروري
هلا حبيبتي انشالله ربي يخليهم لج وربي يهدي زوجج شوفي سوي مثل ماقالوا البنات واهم شي تحاولين ترضينه واذا تقدرين تودينهم حضانه افضل وبنفس الوقت يتعلمون شي يفيدهم انا عندي ولدي اوديه حضانه حتى العصر وصدقيني يستفيد كثير اشيا وبعدين لها مميزات ينامون مبجر وربي يعينج قلبي
حبيبتي علمي بناتج انهم لما يشوفونه داش البييت يركضون ويبوسون راسه ويقولون له كلمات حلوه ومضحكه مثل عمي ليش متاخر ترى امي كانت ورا الباب تنطرك او عمى اشوه اللي ييت علشان ناكل لانا ما نقدر ناكل بدونك وحجي وايد انتي تقدرين تسوينه مثل هديه بسيطه يقدمونها البنات له اول ما يدخل ومن غير دفاشه (هلهديه علشان احنا نحبك وووووووووووووووايد) وموفقه
