الى عاشقات التغير.. وتجديد غرفهم النوم..

السلام عليكم...

بنات حبيت نجمع افكارنا كلها بموضوع واحد

لابي اللي تحب دايم تغير بغرفتها

يعني مره تشترين ورد تترسي السقف فيه وتخلينه نازل منه

وطريقتج بتزين الطوفه ولارضيه شنو تسوين فيها وشنو تلبسين

ونبي بالتفصيل يعني كل شي قوليلنه من وين شاريته وبجم ومانبي شي مكلف

لان تعرفين كلها ليله وهالشغلات تستغنسن عنها

اتمنى الكل يفيدنا..

انا اليوم اخذت فكره حييل حييل عجيبه وغريبه واول مره اسمع فيها من رفيجتي بالدوام وانشالله ​

​

بطبقها واقولكم النتايج؟؟​

اناااااا عن نفسي احب الورد الجوري الاحمر اشتريه من راامز الي بالشويخ رخيص وحلووووو اقصص الورد والزقااااا علي شرااايط واربط الشرايط علي الكوشياات والستائر وانثر الورد علي الديباج وانثر علي الطولات شي حلووووووووووووو وخفيف ونفس الوقت تغير وشموووووووووووع حمر بعد من راامز علي قلووووب

انا احب اغير مفرش السرير احب تغيير الوانه كل بعد فترة وفترة

يسلمو يالغاليات على المرور

بس انا اقصد تغير اكثر من جذيه

انا سامعه بوحده تشتري كل شي حتى الطوف تلزق عليهم شغلات .. تترسها وتنثر عاى الارض شغلات

انشالله بس اجرب الحركه اقولكم

وشاكره مرورك ابي افكار اقوى...

متى بتقوووووووووليييييييييييين لنااااااااااا
نااااطرينج

انا سويت اكثر من حركة والي ببالي الحين


تعرفون الشرايط الضعيفه الي يبيعونها بالمكتبات الي بخمسين فلس


مثلا انتي مسويه ليله زقاء تجيبين من هذول الشرايط مثلا فضي وازرق وتقصينهم متر متر تخلينهم شوي طوال وتعلقينهم بالسقف

وتحطين وايد منهم

والبس السرير شرشف ازرق اغطي فيه حتى المخاد واحط عليه ورد طبيعي ابيض

واييب اوصل خام على ربع متر من اي محل خام ومايتعدى سعرة النص دينار واحطهم على الكمدينات واحط عليهم بس شمعه وحده تكون بتدرجات الازرق والسماوي والابيض

ومايمنع ترشين عليهم شويه ورد

واييب طاوله صغيرة واغطيه بوصله زرقه وادور بالجمعيه اي شي ينشرب لونه ازرق واحط قلاصات شفافه

واضبط عمري وتصير عاد صج ليله زرقه

واذا ذكر على شي بمر عليكم ​

فكرة حلوة ام عبودان
تسلمين

يالله يابنااااااااااااات قولونا خبراتكم انا ودي اسوي بس حدي كسلانه ومنكم نستفيد مشكوووووووووره حبيبتي على الموضوع

يعطيج العافيه يالغاليه

هذي الحركات الحولوه

بس مو لو مسويتها حمراء احلى ((عشان تصير ليله حمراء))​

اشكركم حبايب قلبي

تسلمون على المرور

ترا لي الحين ماسويت الفكره اللي قلتلكم بسويها

انطر زوجي يروح مكان كم يوم يعني لازم يسافر مثلا عشان تطلع مفاجاه حلوه بردته​

السلام عليكم

تلصقين بالسقف شباك ازرق تلقينة في دايسون وتحطين داخلة قطن تفرشين مفرش ازرق مع الشموع وتحطين طاولة بنص الغرفة وتحطين عليها مفرش زرق وبالنص تحطين حوض شمك وبرة تنثرين ورد مجفف مع صدف

انشاء الله تعجبكم

انا عمري ما سويت حق زوجي المشكله انه انا بشقه اشلون اسوي جدي و عيالي و خدامه شسوي فيهم لما عيالي يشوفون ؟؟؟اشلون طريقه

يالله ومنكم نستفيد

حلو الموضوع ولو كانو صور يكون احلى

ننتظر صور لمزيد من تميز هذا الموضوع وانا بعد بعرض

انا اشتريت السرير اللي ينتفخ وحطيته فالحمام ومع الاضاءة الحمرا والشموع سويتله حمام مغربي ولا اروع .............. واااايد استانس

اشكركم على المرور

والردود الحلوه

تسلمون​

يعطيج العافية فكرة حللللوه

السلام عليكم
انا سويت ليله زيبرا مع شذري حيل حلوه غطيت تاج السرير والكوميدينا بخام زيبرا وسويت كفر حرير مع مخاد حرير شذري وحطيت كوشيات زيبرا وحطيت دار مادار السرير هدب شذري الطويل اللي عند الكلف وطبعا مع الشموع والحركات المتعارف عليها
ابي رايكم

الموووضووع حيل حلووو

ونبي تكثرون من الافكار

ياحبذا مع الصور