منو راحت لمصر

قوووووووووووووووووووووه:



شخباركم ؟؟؟؟؟؟؟؟؟؟:75_75:


ان شاء الله تمام ؟؟؟؟؟؟؟؟؟؟:wink_smile:





ياليت كل وحده تذكر لي شنو الكريمات والزيوت وكل شيء مميز بمصر تذكره لي مع الاسم ومن وين بالضبط لاني بسافر بعد اسبوعين ان الله عطانا عمر:teeth_smile:

حبيبتي كل مكان بمصر حلو ولاتنسين تروحين الاسكندريه ومرسي علم>اما الكريمات وايد مثل ليكوسيد لتبيض-لونا لنعومة الاطراف-زيت الجوجوبا للشعر-انبولات الكولاجين)وسلامتج حبيبتي تروحين وتردين بسلامه

حبيبتي آنا رحت مصر واااي ذكرتيني بالوناسه والسهر والباعووووض إللي لعن خيري آنا وزوجي بس هم وناسه الله يسلمج إهي ديره حدها شعبيه ليل نهار كلشي فاتح وتعيشين بفلوسج يعني إللي تبينه يصيييير بس دفعي لهم ويسوونلج المستحييييل ....شوفي آنا لما رحت هناك زرت الحسين للأن كل الناس ميتين عليها ويمكن آنا الوحيده ما إعجبتني وصاخه ولوعه وكل قطاوه مادري تاكلين ولأتوكلين هالقطاوه إللي يحوسون دار مادارج يطالعونج على لقمتج والمحلات مؤرفه وظيجه وريحه خايسه والبضاعه موديلها قديم مال أول وفي محلات خرز غشاشين درجه1 ... رحت الأهرامات آنا ما أحب هالسوالف ريلي يحب التاريخ أقوله شبعنا منهم بالتلفزيون بس إلايبي يروح المكان صحرا وماكو فيه ولا شي يعني لا إستراحه ولا مطعم ولا كوفي شوب والغبا ر من كل صوب...ورحت جوله بالنيل بلنج صغير واللي يسوق يشرح لنا طبعا قبل لا تركبين اللنج يسإلونج شنو تشربين شاي ماي عصير والشرا إجباري ولا ينفس عليكم طوووول الدرب وركبت سفينه مادري باخره المهم هذي تدور فيج بالنيل وفي بوفيه عشا ورقاصه وقعده خارجيه وداخليه وحمامات وفقرات حلوه...بالنسبه لأكلهم آنا وايد عجبني رحت أبو شقرا مطعم وايد مشهور وكشري الزعيم ومطعم خريستو هذا سي فود في الهرم والأسواق لأحسن وأرقى سوق اهو سيتي ستارز مجمع كبير وفي ماركات بس نصيحه لا تشترين من هناك ماركه لأن أغلى من الكويت بوايد للأن ياخذون ضرايب وفي الجنينه مول وعباس العقاد وسوق وسط البلد والعتبه والسينمات حلوه إذا إنتي تحبين الأفلام المصريه مثلي والصيدليات عندهم حلوه في أدويه وايد زينه مو موجوده بالكويت آنا خذيت كريم ايفا حجمه صغير حق الجنطه ب100 فلس وفي مسحات لعوار الراس فيها خلطت زيوت يعني عندهم سوالف حليوه....

وأتمنى إني أكون فدتج

الدنيا مبهذلتني >>>>>>>>>>واي احس انج قاموس عن مصر ماشاء الله .......يعني تنصحيني لمن اروح للاهرامات اخذ بلعتي معي <<<<<<<انا وزوجي او مره للاسف ..................زوجي ما عنده خبره ...........شنو الشي الاثري باسواق الحسين وخان الخليلي يستاهل الواحد يشتريه .......................وشنو الاكلات المعروفه فيها مصر ومميزين فيها انا اعرف البعض بس ودي تذكروني ويعطيكم الف عافيه

شوفي حبيبتي....المشاوي المصريه تينن مو تطلبين أكل لبناني يسوونه لوعه

ونسيت أقولج روحي مدينة الأنتاج الإعلامي حلوه ولا يمكن بعد تصادفين ممثلين هناك يمثلون

وركبوا الحنطور يدور فيكم بشوارع مصر حده يونس ويحط لكم إغنيةأركب الحنطور وأتحنطر

وروحوا قصر الملك فاروق بس روحوا مبجر لأن يسكر 7 المغرب

تروحي وترجعي بالسلامه الغاليه

انا مرحت مصر وما اعتقد اني بروح هناك

اختي انا رحت هناك والاخوات ماقصرو فيه المتحف في القاهرة والقرية الفرعونيه وانا رحت المنصورة حلوة مرررررررررررة والاسعار على كيفك فيها فندق مارشال حليو فيه غرفه لعبد الحليم باسمة الغرفه الخاصه له عموما مصر حلوة

شلونج حبيبتي
رووحي وصدقيني انج راح تستانسين لان مصر ونيسة وشعبها حيل مرح انارحت لها وحيل استانست انا وزوجي وصدقيني بروحلها مرة ثانية لانها روعة بس بالقاهرة مارحت برى القاهرة مع انهم يمدحون الاسكندريه وشرم الشيخ بس القاهرحلوة ومطاعمهم حلو واحلى شي اكلتة الحمام المحشي وووووووووووواو روعة تروحين وتردين بالسلامة

مصر تهبل عليج بالعافيه
بنسبه للاماكن السياحيه
روحي المتحف الكبير الي يصير بوسط البلد وايد يونس تشوفين عجب العجاب و لازم تدشين تشوفين المومياءات حدهم يخرعون
و القريه الفرعونيه تهبل
القلعه فيها وايد مشي
شيليز
فرايديز
الي على النيل حده يهبل
و اذا معاج احد يشيش راح تستانسون على فرايديز لانه جوه حلو
سينمات و انصحج تروحين سينما ستي ستار وايد روعه
الاهرامات اذا مارحتيهم ول ا كأنج رايحه مصر الصراحه حده وناسه
الاناطر وايد روعه
اما الاسوقه
ستي ستار
ملحق رمسيس
اركاديا مول وايد حلو و اسعاره وقبوله
وسط البلط وايد حلو و اسعاره معقوله
كارفور المعادي
ترى مصر ونيسه لو تمشين يم النيل بس ينشرح صدرج و عليج بالف عافيه
و انصحج بمطعم اسمه علاء الدين يصير بفندق شيرتون القاهره و الله لذيذ عنده مشاوي عمري ماكليت مثلهم بالعالم اكله يينن و قهوته التركيه و لا بالاحلام

والله اختي خواتي ما قصرو قالولج كل الاماكن الي بمصر بس بعد روحي برج القاهره و وجزيره النحل وروحي منتجع مرينا حيل حلو جو ثاني و دريم لاند وايد حلوه والحنطور احلى شي

للرفــــــــــــــــــــــــــع

اللي يبي شقه بمصر بسعر مغري موقع الشقة كورنيش النيل المعادي وهومن ارقى احياء القاهرة وانضفها الشقة بلدور العاشر يوجد اصنصير عددالغرف 2غرفة نوم 1معيشة 1سفرة 2دورة مياة مطبخ مفتوح امريكي الشقة جديد الفرش من ايكيا التكيف اسبليت ثلاجة جديدة وغسالة اوتمتك جديدة بوتجاز 5عيون مكرويف تلفزيون يراسلني ع الخاااااااااااص ورحلة موفقة

ام الدنيا سلمولي عليهااااااااا

شوقتوني اروح عاد انا نفسي اروح لها من زمان بس قالولي ان الحريم هناك لبسهم مو ساتر خاصة ع البحر الله يستر عليهم كم تكلف السفره اسبوعين بدون التسوق يعني اجار واكل وطلعه

انا مصرية وهذا ايميللى flower_rose625@yahoo.com او flower_rose625@hotmail.com

يااااااااااااااااااااااااااااااريت أشوف مصر مره بعمري

مصر وايدحلوه خصوصا السينما واماشرم الشييخ كلمة روعة قليلة فيها والاسكندرية يوم واحدرحت لها وكانت برد وصقيع ماطولنا

انا بعد بروح مصر بعد اسبوووع ومحتاااره وين اروح بس البنااات ماشالله ماقصروا الله يعطيهم العافيه

ترجعين بالسلامه والبنات ماقصرو

حبيبتي روحي شارع طلعت حرب كل اللي تبينه هناك وااااااااااااااااااااااااااااااي ذكرتوني بأيام مصر امبييي كلشي صوووب وطرارين صوب ثاني واااي يخرعوون بس هم دوله ونيسه حلوه حيل ما تملين منها :teeth_smile: :teeth_smile: :teeth_smile: