تعالوا وسعوا صدوركم بهالمواقف . . .

السلام عليكم ورحمة الله وبركاته


عنوان الموضوع الأصلي :
ويبونا نصير رومانسيات !!

==========================================

هذي وحدة تقول مره وصلني زوجي للمدرسه اللي كنت معلمه فيهاالصباح قلت له وانا نازله راح اشتاق لك ياحبي.... قال انزلي انزلي لا تروح عليك الحصه الاولى .. آآآآآآه بغيت اصفعه بالمسطره عاد انا وش اقول والطويله اللي معاي

وحده ثانيه تقول:
زوجي موراعي هدايا ابد قلت ابشتري هدية جوال الي يستخدمة قديم المهم غلفته وكاتبة في كرت شعر وكلالالالالالالالام حلو وعطيتة الهدية وكنت بجنبة المهم فكه بشراسة وجهه فيه علامات استغراب وتعجب وانا مبتسمة طلع وناضرقال لمين هذا قلت لك حبيبي قال شاريتة بالفين وخمسمية يابنت الكلب هو فرحان بس شوفوالتعبير قسم بالله ذبلت ابتسامتي وهو يضحك يقول اول مرة احد يهديني بالمبلغ هذا بس تصدقون رحمتة هههههههه


وهذي وحدة ثانية تقول انها حطت شموع من عند الباب ال غرفة النوم والشموع طبعا على الارضوهي جلست في غرفتها وكاشخة وتنتظر زوجهاالمهم دخل الطعس ودعس الشموع برجلينه وقام يصارخ ويتألم وكفخ زوجته وزعل عليها وتكلم عليها وماخلى شي ماسواه والمسكينة انهبلت من اللي شافته المهم الزوج دخل الغرفة وقفل الباب عليه ونام بلحاله والله هالحرمة مواقفها كثيرة وتضحك بس للاسف الحين تطلقت (ماتنلام تطلب الطلاق)

وحده من الحريم ملت من الروتين اليومي في حياتها وحبت انها تسوي مفاجئه لزوجها بسهره رومنسيه ...المهم قامت واطلبت الكيكه من الدبلوماسي والعصيرات
وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم .....
.المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه
وصبت له من العصير...المهم يوم بلع وخلص قالها الحين وراك مجلستنا بالظلام حشى كأننا بقبر.
.تقول هي انها بلعتها وسكتت منب مخربه السهره...قام وكمل ذا الماصل وقالها الحين وراك طالبه حجم كبير
من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب..
.عاد هي حامت كبدها منه وطفسته وزعلت عليه......
.تدرون المفروض انها تحط له خبز وفول ويخب عليه هذا مهب وجه تدليع(جعله الضربه ذا البخيل)



هذي وحده من البنات توها متزوجه وحابه تسوي حركه لزوجها .
..قامت وتزينت وتجهزت من مجاميعه وحطت الاضاءه هاديه وشغلت الدخان الصناعي
وانتظرته لحد ماشرف...المهم يوم دخل ويشوف الدنيا شبه مظلمه والدخاخين
حاجبه الرؤيه قام يركض للصاله وجلس يناديها
وهي ساكته ماترد عليه تتغلى عليه(على بالها حركه ماتدري مسيكينه انها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
عشان كذا ماترد عليه(جاء بيكحلها عماها)....بالله وش تتخيلون موقفها؟؟؟...
المفروض انها صبت على راسه موية نار.....


/ هذي وحده من البنات تزوجت وراحت للخارج مع زوجها بعثه للدراسه له ولها..
.المهم شافت ذا الحمران العطران ورومنسيتهم قالت خل اسوي مثلهم .
.وخاصة انهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسه الهاديه.. فقامت يوم من الايام قبل ماتروح للمعهد قالت
خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفه ومن ذا الحركات.
..قالت إذا رجع وشاف الحركات هذي اكيد بيستانس شوي...المهم يوم رجعت من المعهد
شافت زوجها نايم في الصاله عاد هي استغربت وراه تارك السرير ما امبطح عليه...ويوم صحى
وسألته قال الله يصلحك ناثره لي عشب على السرير وشلون انام عليه(الله يقلعه مايميز بين الورود والعشب).
...بالله مو المفروض تنثر على السرير تين شوكي عشان يتأدب ذا الباصق......



وهذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها
يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا
يطلب كل مالذ وطاب على حسابها ..عاد هي جتها ام العبيد وقالت انا اوريه عشان يتأدب
ويعزمني بدال ما انا أعزمه...قامت وعزمته زي كل مره ويوم خلصوا ماكلين
قالت له اكرمك الله ياابو فلان على العشى...عاد هو شرق بالعصير من الروعه
, قال لها وشلون يعني؟؟؟قالت له الله يسلمك الفاتوره
دفعتها من جيبك اخذت المبلغ من بوكك قبل مانطلع....
.تقول عقبها طاح وجهه تأدب وصار يطلعها كل سنه مره(تعب نفسه صراحه)......



وفي وحده لاهي ولازوجه يدلون الرومانسيه وكانت بيوم راح تنقل لبيت ملك المهم شارت عليها
إختها إنها تشتري حركات فطلعت مره هي وزوجها يشرون شموع اشكال والوان وبعد فتره هي كان
زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس
شاف الدنياظلام يوم دخل على زوجته ولع النور وطفى الشموع قالها الله يهداك الحين أنا شاريهن لاطفى الكهرب<<<<<قمة التحطيم


هذي وحده جنااااااااانها البلونات عااااااااد ذاك اليوم فكل جدر حطت نفاخه ..وشك شك هذا طبعا صوت مفاتيح الباب جاء رجالها ..ومن غير مقدمات يوم شاااف البالونات فقعها وووهو معصب وقال لها لو يجونا ضيوووف وش يقولون.. هذولي لسع ما تخرجوا من الإبتدائي ..والله مسكين ووووبايخ حطم الحرررررررريمه..
ههههههههه



وحدة تقول أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها >>>>>> المهم ما أطول عليكم .
رحت وشريت لي كتاب رومنسيات زوجيه قالك بتثقف وأصير رومنسيه حتى أعجب أبوالشباب
وأنا كنت بداية الاجازة أروح لأهلي وأطول عندهم كذا يوم وهو قاعد بالبيت
قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه ......
واختكم في الله سوتها ......... تتوقعون إيش كانت النتيجة ............ ......... ......... ..اهئ اهئ
لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة >>> زوجي كتوم جداً
قلتله ياعيوني ياحبيبي عجبتك الحركة .........
قالي أي حركة لا عد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه .
إيش رايكم فيه >>>>>> طعس صحيح .


وحدة تقول مره سويت لزوجي ليله رومانسيه على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال تكفين تكفين حكي ظهري فوق شوي لالا تحت شوي وانا ميته من القهر هههههههههه


منقوليشن ن ن ن​

.
.

ههههههههههههههههههههههههههههههه

الله يونسج ياأم عبدالله والله ونستينا

بتذكر مواقف وأرد أكتبهم

:rose:

ههههههههههههه ام عبدالله والله موتيني ضحك صج هذي سوالف الرجال ههههههههههههههههههههههههه ولا الي قالها حكي ظهري لومكانها كان مت قلبي عورني عليها

وااااااااااااااااااي عوار قلب ، خاصة الي يقول قعدي اليهال الاكل وايد خل ياكلون معانا هههههههههه

شفتوووووووووووووا شلون في رياجيل مو كفو رومااانسية . . .

خل أقولكم موقف زوجة أخوي وأخوي . . .

بأول زواجهم زوجة اخوي حبت تسوي مفاجئة له :

أخذت ورد مجفف وطبيعي ونثرته من باب شقتها لغاية باب غرفة النوم . . .

أول ما دخل أخوي رفع دشداشته ويقولها فلانة شنو هذا سحر ؟!!

هااااههه ونستيني أم عبدالله بس صراحه بعذر الرجاااااااااااااااال حنا نثقف بنفوسنا وهم على الفطره لازم الحركااااااااااااات نخففها شوي بس ذكرتيني باللي جاايبه حركه حلوة وتقول غلفي نفسج وبتغليف الهدايا وقولي أنا أهديك نفسي< قرأتها بمنتدى ثاني> صراحه عبااااااااااااااااااااااااااااااااطه بعض الحركااااات أحسها استهبااااااال وبعض الرجااااااااااال فيهم بلااااااااده ولكاااااااااااااعه.. وبعض الحريم يحبون ويطبقون اي حركه من غير مايقيسون ردة فعل الزوج..وعقليته ... ومدى اهتمااامه بالاشياء ..

هههههههه الله يسعدك يام عبدالله موتيني ضحك

لوووووووووووول مو كفو الرياييل بس حرام على نياتهم كااااااااك

هههههههههههههه


الله يعطيج العافيه

صج صج سوالف تضحك وتبط الجبد بنفس الوقت​

هلا خواتي أسعدني مروركم العطر

فعلا بعض حركات الحريم تودي بداهية . . .

هههههههه
والله ضحكتيني من قلبي
تذكرت موقف صار لي مره ناثره ورد من باب الشقه الى غرفة النوم:rose:
وذيك الفتره شغالتي مسافره فلما دخل ابو الشباب
وشاف المنظر الرومانسي بنظري
قال صج انج ماتسوين بدون الشغاله علام البيت وصخ:48_48:
عاد شوفي الدموع والصيحه اللي صارت:cry_smile:​

ههههههههههههههههههههههههههههه يعطيييييييييج العااااااااافيه ام عبدالله
بقولكم سالفة زوجة اخوي واخوي اللي لايمت للرومنسيه بصله هههههههههههه
في يوم زواجهم هي قررت انها ماتحتفل فيه وهي بوامها تسولف حق رفيجتها وقالت لها تصدقين اليوم يوم زواجي قالت وشنو سويتي قالت ماحضرت شي ومالي خلق احضر له لانه دايم يكسر فيها المسكينه هههههههههه المهم رجعت البيت والا اختها زوجة اخوي الثاني قالت لها اليوم يوم زواجكم وماسويتي شي قالت والله مالي الخق الهم اقنعتها انها تطلب كيكيه وخرابيط من عالم المنجا وسوت غرفتها وحضرتها بالشمووع وكشخت هي دزت مسج للمحرووس وقالت له تعال بسرعه
اول ماشاف الكيكه قالها اعذريني حبيبتي نسيت عيد ميلادج ههههههه قالت مويوم ميلادي قال اجل عيد ميلادي قالت ولا يووم ميلادك قال اجل شنووو بهالتاريخ قالت تذكر قبل كم سنه وقبل نجيب عيالنا قال اي يوم زواجنا تصدقين بسرعه تمشي الاياام والحين يعني صارلنا 4 سنوات قالت صارلنا 7 سنين من تزوجنا هههههههههههه
تقول شوي وابجي منه .
تقبلي مروري وشاااكره لج ام عبدالله موااضيعج الاكثر من حلووووه دائماااا

لوووووول مساكين احنا يالحرييييم عادي ما استغربت لمن قريت القصص لان المواااقف الي صارتلي ألعععععععععن بواااايد

والله شر البريه ما يضحك
الله يعطيج العافيه على كثر ما يجابلون هالفضائيات لكن ماكوا فايده

حبيبتي مره من المرات اللي كنت اعاني فيها من العبط <<وهي على فكره وايد <<< قررت اصير رومانسيه وقمت وسويت احلى عشى وجهزت روحي وسبيت الشموع وتوني طالعه الصاله لقيت ذاك المحترم حاط الغتره والعقال وماشي =====هي وين رايح ======حلوه هي بس طلعت من القهر .
رد الاخ وبكل عبط رايح الديوانيه الشباب عندهم عشي .
والاكل اللي سويته ؟
عادي خليه حق باكر .............. وطلع ولا حتى مع السلامه
بس وغلاتكم ما طوفتها له لما ياني بعد يومين يقلقس ويطامر وبس قال تعالي لغرفة النوم جان اقول له خله حق باكر لاني بانام عند اليهال مراضه .............مساكين . قال لي هاه يعني وحده بوحده قلت له بالضبط ومو حلو الريال يستعبط .[/size]

هههههههههه

والله عليج سوالف شي شي مو أي شي يا أم عبد الله

والله مت من الضحك والله يسعدك قلبج

آآآآآآآآآآآآآآآآآآآآآآآآمين

هلا خواتي

مواقفكم


اسعدني مروركم حبيبااااتي

ههههههههههههههههههههههههههه
هههههههههههههههههههههههههههههههه
ههههههههههههههههههههههههههههههههههه

يعطيج العافيه حبيبتي ..




..


..

هههههههههههههههههههههههههههههههههههههههههه


حدج بدعتي على هالموضوع تسلم ايدج على النقل ...........................

هلا خواتي

اسعدني مروركما العطر