ساعدوني بنتي تدش مواقع

حبايبي السلام عليكم اولا

ثانيا انا عندي مشكله مع عيالي وحاسه اني شايله جبل على صدري وما عندي احد يساعدني خصوصا اني ارمله(من8 سنوات)

ثالثا انا متوهقه وما ادري من وين ابدي علشان جذي راح ادش بالموضوع على طول

الموضوع اني طحت على بنتي وعمرها 13 سنه بمواقع وسخه بالنت وبعد الطق والتكفيخ قالت انها خذت المواقع من صديقة اختها ( بنت عمرها 8 ) تصورا ان بنت عمرها 8 تاثر على وحده ام13 يعنى ان اي وحده او واحد بيقول لها اي شيء اهي راح تركض وراهم من غير اي سؤال ولا حلال او حرام واخاف انها تدمن على هلمواقع وبلاويها .

لا واللي كمل على ان الولد اللي شاده الظهر فيه طلع اردى منها .......وشلون يبت هل مواقع قال من رفيجي اللي بالمدرسه

يعني ما ادري شاسوي تراني مراقبه النت عن طريق برنامج خاص وما اطلع من البيت الا للمدارس او الطبيب او الجمعيه ولا عمري رحت زواره مثل الناس شسوي اكثر من جذي
ساعدوني ولي يعافيكم ​

الله يعينك

مشكلة الاولاد في هذا العمر مشكله كبيرة

حاولي تقربي من اولادك في هذه المرحلة وخليكي رفيقة بنتك اكتر من اي رفيقة بعمرها

وحسسيها بالامان حتى من الواضيع الحساسة

خليها من خلال تعاملك معاها ترجعلك دايما من خلال النصائح والمشاركة في ارائها وافكارها

يعني انزلي لمستوى تفكيرها

ووعيها وفتحي نظرها ودايما حذريها ولكن من خلال لسان صديقة وليس ام

وصدقيني راح تكسبيها

وان شاء الله تمر هالفترة على خير

وتشوفيها ببيت زوجها وتفرحي فيها

حاولي انج ما تخلينهم بروحهم قعدي معاهم اذا يبون الانترنت واقضي وقت فراغهم معاهم والله المستعان ويعينج ان شاء الله

الله يعينك وياجرك خير ويعينك على تربيتهم بس نصيحتي لك انك تخصصين لهم وقت للكمبيوتر وياحبذا يكون جهاز ثابت مو لاب توب ويكون قدامك وماعليك منهم ترا هالمواقع تجرهم لطريق الشيطان وحافظي عليهم قد ماتقدرين وامنعي انهم يروحون بيت صديقاتهم اذا بغو يتقابلون يكون امافي مكان عام او مطعم ويكون برفقتك طبعا اجلسي على طاوله وخليهم بطاوله واشغلي نفسك باي شي
[/size]

لاحول ولا قوه الا بالله العظيم الله يعينج على تربيتهم ويسااعدج يارب

الله يعطيكم العافيه يا بنات ما قصرتوا

هلا حياتي ربي ياجرج ويساعدج شوفي حاولي تدخلي بشي عملي يعني نوادي او حلقات تحفيظ القران في برامج واجد ومتنوعه وتشغلهم ولا فيها تعصب او شي لا ابدا بالعكس على الاقل يطلعون طاقتهم بشي احسن من المواقع وبعدين حياتي بعمرهم يعني يحبون الاكتشاف لاتصارخين عليهم لا قريبي منهم ولا تشدين خليج وسط وبنفس الوقت لاتمنعين النت لانه لعلمج الممنوع مرغوب يعني فهميها وصادقيها وربي يعينج ويوفقج

الله يهديهم يارب ويبعدهم عن الحرام

ربي يعينج على تربيتهم ةيهديهم ويصلحهم لج يااارب

الانترنت عااالم مثل الدنيا فيه الشي الزين وفيه الشين وبحسب الانسان وميوله تلاقينه يايروح للزين او الشين

وهذيلا اطفالج يمرون بمرحلة مراهقة ونهاية الطفولة المتأخرة يعني طووولي بالج وخاوي عيالج وخليج صديقة لهم

والكمبيوتر حطيه بالصالة وما يتزحزح من مكانه وسألي بنتج بروحها ليش تبي تشوف هالشغلات ؟ ولدج بعد وفهميه إن رب العالمين مطلع عليهم . . .وحاولي تودين عيالج لمراكز تحفيظ قرآن وخصوصا الولد الحقيه بنوادي آمنة وثقة

اي و الله البنات ماشاء الله ما خلوا شي بس لا تحاتين راقبي رفيجات بنت و كأنج تسألينها شسويتي بالمدرسة اليوم لا تكفخينها عشان لا تعاند و خليج قدوة لهم صلي واقري قرآن جدامهم عشان يستحون و الكمبيوتر بالصالة و الولد احسن شي الرياظة او اي هواية يحبها تلهيه عن هلسوالف موفقة انشاله​

بصراحة حبيبتي
الله يوفقك ويعينك على تربية اولادك ويآجرك عليها
حاولي تنزلي لمستوى بنتك حاولي تتحنني عليها خلي وقت لها ووقت للولد احضنيهم بوسيهم
قوليلهم احبكم بس لاتزوديها في البدايه عشان مايحسوا انها مفبركة ومع الوقت حتلاقينهم من حالهم يجو يبوسوك ويتقربوا منك
قوليلهم شي من اسرارك (يعني مو سر ماينقال ي عادي تقولينه)قوليلهم انا ماعندي بهالدنيا غيركم
خليكم جنبي وانتو بعد مالكم احد غيري خلينا نكون مع بعض شوفي كل واحد شنو ميولة ودخليه في المكان المخصص له بدون فرض اختياراتك
خليهم يروحون معاج الجمعية حاولي تخلي بنتك معاك بانك تقوليلها ادخلي النت وطلعي فكرةحلوة ل حلو نعمله مع بعض او انتي تعملينه بروحك تراك كبرتي ولازم تكونين عون لي والولد خلي احد اقاربك يجي ياخذه للمسجد يصلي فيه او انتي واهو وبنتك لو عندك سيارة تروحون وتصلون بالمسج وبصراحة وقعها حلو على النفس
آسفة طولت عليكي بس موضوعك هزني شوي
كمان لاتنسي صلي بالليل وادعي الله ان يجعلهم من الذرية الصالحة ويحنن قلبهم عليك ويرزقك برهم ويعينهم على برك ويحفظهم من الشرور الله يصلحهم ويسعدك بيهم ​

السلام عليكم ..

إختي اخذي مني النصيحه انا صغيره بالعمر واعرف شلون ابي امي تتصرف معاي .. خليج دايما رفيجتهم ضحكي معاهم بس خل يكون بينكم احترام البنت حق امها .. انتي قوليلها ماما سوي كل شي بس قوليلي انتي شنو قاعده اتسوين عشان انصحج واعلمج اكثر وقوليلها انا ماراح اطقج على كل شي او ازفج بس انصحج وانبهج (((وانتي اختي بطريقتج تعطينها طريج الامان وتقوولج)))وحاولي تتعرفين على كل صديقاتها وسألي دائما عن سلوكها بالمدرسه .. وااااااااااااااااااااااااااااااااهم شيييييييييييييييي ((((( خلي بنتج تتستر من صغرهااااااااااااااااااااااااااااا والله صدقيييييييييينيييييي راح تخاف وتحس بغييييره على روووحها .. ودائما عطيها قصص عن الرسل شلون كانو يغضون البصر وعطيها وعلمييييييهاااااااا )))

والله يهديها ياااارب

الله المستعان حبيبتي عليج بالدعاء قيمي الليل وادعي ربج الله يهديهم ويصلحهم والطق عمره ماينفع بالعكس يضر

حبيباتي شكرررررررررررررررررررررررررررررا لكم على الردود اللي تطيب الخاطر وتفرج عن النفس

بس بغيت اوضح لكم جم نقطه عن عيالي اول شيء البنت تحجبت من نفسها وعمرها 10 سنين وانا علمتها الصلاة من عمر6 سنين والولد يصلي من عمر 6 سنين بس والله ما يصلون الا برقابتي يعني يطنشون لما ما اراقبهم او انبهم لوقت الصلاة والبنت معاي او مع خواتي معظم الوقت والولد مع اخوي بس المشكله انهم كبروا وبدوا يخشون على اشياء وايده واهم يدرون اني ما اقدر اكون حولهم على طول لاني لاهيه بالولد الصغير ( اهو مريض بعيد عنكم ) وانا يا بالمستشفي او بالمدارس او ورا طلباتهم والله اني ما قصرت فيهم لا من اهتمام او تربيه بس ليش جذي ما ادري ...................والخبر الثاني اني معاقبتهم وما اكلمهم وشلت عنهم كل شيء علشان يدرون ان الله حق وما ابيهم يتعودون على هل شيء وحتى ما درستهم ولا سالتهم عن امتحاناتهم تدرون جم يابو ؟؟؟؟؟؟؟؟؟؟؟؟؟؟؟؟؟؟فوق ال90 % يعني تفوق ونا كل اللي خايفه منه انهم يتعودون على الكذب ومنه على باقي الاشياء يعني تدرون عن البلاوي اللي نسمع عنها في المدارس والله اني ميته خوف واحيانا اتخبل الاشياء الاسوء واخذيله بكي طول الليل ولما يساوني اقول ابجي على حال الصغير خايفه عليه

سامحوني تراني طولت عليكم بس شسوي قلب الام

الله يشفي مريضك ويعافيه ويهدي اولادك ويعينك على تربيتهم التربيه الصحيحة ويعينهم على برك يارب الدعااااااااااااااااااااااااااااااااااااااااء دائما والله معاك
موفقه يارب طمنينا دايما حبيبتي عنكم​

الله يكون بعونج حبيبتي

الله يعينج ..

هذولا واهم صغر جذي عيل لو كبروا ...

شوفي مافي الا تسوين حضر ع المواقع .. << اولا

وثانيا .. تشوي حظر ع الصور بالنت .. عشان تتحاشين هالسوالف ..

واذا انتي كنت ع النت بأمكانج تشيلين حظر الصور واذا

خلصتي تردينة ..


الله يهديهم يارب ..

ويخليهم لج ..

حبيبتي صاااادقيها و فهميها الصح من الغلط و عطيها مواقع مفيده و مواقع العاب و قعدي معاها و اتسلوا مع بعض الحل مو بالتكفخ راقبيها بدون ما تحس كلميها قوليلها انا وااااااااااثقه منج بنتي احسن البنات عامليها احسن معامله لا تحسسينها انج تراقبينها و حااااااولي كثر ما تقدرين اتقربين من عيالج و تفهمينهم الصج من الغلط قبل لا يكبرون و ما يسمعولج كلمه و مووووووفقه و يا ربي تحلين مشاكلج يا رب

البنات ما قصروا وقالوا اللي بقوله
الله يكون بعونج ويعينج على تربيتهم

حطي باس ورد على الكمبيوتر ومحدبيقدر يستخدمه الا باذنج وانتي معهاهم ولا تعطينه حد منهم انتي افتحيلهم الباسولرد [size="5"]ويخلصون الي يبونه وعلى طول بتدي اذا تبين عيالج اتعبي شوي لانهم امانه عندج الله يعينج ويحفظهم ويحفظ عيالنا وعيال المسلمين[/size]