سلام عليكم خواتي أنا توني والد صارلي شهر بس بليز أبي أسأل عن أفضل مانع حمل تنصحون فيه لأن الصراحه أن أدرس وما أفكر أحمل مرة ثانية ، وأنا أخاف من اللولب لأنه وايد حملوا منه ولحبوب يقولون تترس الجسم ماي ، بليز ساعدوني شنو أفضل مانع حمل ومضمون ؟؟؟
السلام عليكم مين قال انه الحبوب تترس الجسم ماي انا اعرف انة الحبوب تنزل الوزن,وانا استخدم حبوب ياسمين لمنع الحمل لنها اخف نوع واذا بتاكلين حبوب منع الحمل كولي معها حبوب فيتمينات حقت الحمل لون الحبوب وردي علشان ماتاثر على الشعر والبشرة
لاحبيبتي غلطانة الحبوب مافيهه اي ضرر استخدمي الحبوب افضل شي........ انا استخدم حبوب ياسمين حيل حلوة ماتسويلج الم اثناء الدورة ومدة الدورة قصيرة وماتمتن ولا تضر بالبشرة اتمنى اكون افدتج
انا استخدمت حبوب ياسمين صج اهيا خفيفه بس ما نفعتني ف استعمل جينيرا ، جينيرا اهيا الي ناسبت جسمي بس تييبلي الاعصاب حتى هالشهر ماكليت واحس اني مرتاحه
ايي أنا سمعت انه لحبوب لها أضرار مثل اتييب الأعصاب عشان جذييه خايفة من لحبوب اشرايكم بالواقي ((ديوركس )) بس أخاف يخون ؟؟؟
اختي العزيزه الحبوب زينه بس لها اثار جانبيه مع كثرة الاستخدام.. يعتمد شكثر انتي ودك تأجلين الحمل؟؟ اذا اكثر من سنه فاللولب احسن و الي يحملون عليه 30% و في نوع هرموني يكون افضل بس يقولون يمتن... الحبوب يبيلها التزام مرت علي حالات اعمارهم بالثلاثين صار فيهم شلل نصفي لأنهم ينسون انهم خذوا الحبه و ياخذونها مرتيين في اليوم... ماكو شي مضمون 100% و الي الله كاتبه بصير....
نصيحه ديري بالج من هالحبوب لان بنت عمتي يابت بنت بعدها شربت منع حمل الحين تبي تحمل ماكو حمل موفقه يارب
حبيبتي مو انا والا غيري ينصحوووونج ... لازم دكتوره تسويلج تحاليل وتقولج شنو الافضل .... انا استخدم الياسمين ومرتاحه عليها وماغير على شي لابجسمي ولا بشرتي ولاشعري ... الحمد لله ... رفيجتي جربتهم جتها حاله نفسيه وعصبيه ومتنت عليهم .... لازم تشوفج دكتوره ياقلبي ...
مشكورة حبيبتي السجينه وصح دكتورتي نصحتني فيهم بس أكيد ماتدري انه راح اتضرني ولا لأ وياما ناس نصحوهم الدكاترة بس هم ضروهم فالخبرة والتجربة أكيد أحسن
اختي انا الحين استعملت ياسمين وطيحت شعري وموكل حبوب تناسب جسمي انا كنت استعمل بيلارا والحمد لله فضيعه وكانت هي الحبوب الوحيده اللي تنظم الهرمونات وسعرها ثلاثة دنانير وربع ومو شرط تناسبج بس للأحسن أسألي دكتوره احسن لج
والله انا انصحج ماتستخدمين الحبوب نهائيا لانها موزينه ولعبت فيني لعب ونفسية متعبة صراحة وسببتلي الحين ضعف
