كاسترد الشوفان.. سهل وسريع

السلام عليكم ورحمة الله وبركاته



:: المقادير ::

4-5 أكواب حليب
1 كوب شوفان
1\2 نص كوب سكر ( ممكن تزيدين او تنقصين حسب كيف نسبة الحلى تبين)
3-3 ملاعق ماء ورد ( مثل السكر ممكن تزيدين او تنقصين حسب رغبتج)
1 ملعقة هيل مطحون
1 ملعقة صغيرة قرفة
شوية من الشعيرية الباكستانية ( نسيت اصورها) ( والكمية تعتمد على رغبتج)

المقادير مثل ماقلتلكم سهله ومتوفرة في كل البيوت أعتقد
( وممكن الاستغناء عن القرفة اذا ماتحبون او تحطين فانيليا بدل ماي الورد اذا ماتحبين.. بس ماي الورد نكهته احلى من الفانيليا .. ومثل ماقلت كلن وذوقة)

هاي صورة الشوفان




:: الطريقة ::

تحطين كل المقادير في اليدر وعلى نار هادية وتحركينه لين مايغلظ ويتماسك شوي ..

وهاي صورة الخليط اول ماحطيته عالنار


وخلال هالوقت .. ظهري الملال وغسليها ونشفيها .. وبين فترة وفتره حركي
الخليط لين ماتحسين انه تماسك وغلظ ...

ووممكن تسوينه في طبق واحد اذا ماتبين في ملال


هني عقب ماحطيته في الملال .. وفيج تزينينه بالطريقة اللي تبينها

أنا حطيت عليه فستق مبشور




وهني رشيت عليه قرفة مطحونه ولوز مبشور




أتمنى أنه عيبكم السويت... وان شاء الله تيربونه وتدعونلي كالعادة بدعواتكم الطيبة

وفي انتظار تعليقاتكم

منقول​

شكرااااااااااااااااااااااا

شكراااااااااااااااااااا روعة

رووووووووووووووووعة

thanks for you ......................

شكله لذيذ حده
يعطيج العافيه حبيبتى
انا اسويه حق بناتى بس بدون ماي ورد
بجرب احط معاه ماي ورد ان شاء الله

يعطيج العافيه حبيبتى

الله يعطيج العافيه اعيالي يحبونها وهي خفيفه جدا