بنات انا مخنوقه وماله من حياتي مشكلتي من زوجي ضعيف شخصيه واذا بغى يتشلطر تشاطر علي انا شخصيتي قويه اعرف ايش ابي بس هو يغرق في شبر مويه مليت من التفكير واتخاذ القرارات منها الصح ومنها الخطا سبحانك يارب فعلا الرجل قوام على المراه لان المراه ضعيفه مهما كانت قويه ماتقدر تستمر لها وضعها وعيشتها بس انا اه اه اه تخيلو اولاده لابغو شئ جوني اردهم له ابيه يطلع قدامهم رزه وشخصيه يقوم يقول شوفو امكم ويوم هاوشته قلت لاتردهم لي هم اولاد مو بنات لازم تكون انت الاول في نظرهم وجهم يقوم يخرب الدنيا يتخذ قرارات من جنب القده مو عارف يتخذ قرار زي الاوادم مثلا يتهاوشون الاولاد على السوني يقوم يعطي الصغير ويضرب الكبير بدون مايسال من المخطي وانا كنت جالسه ابيه يتصرف هو افك الهوشه اناديه واقول انت تضرب بدون ماتتفاهم ترى الصغير غلطان يقول خليه ضعيف والكبير ولدك قوي لين الولد الكبير حقد عليهم وكله يقول انت تحبه والله لاقتله بالسكين ومره رايحين نتمشى والاولاد يبون يروحون الله يكرمك الحمام بعيد شوي قالهم روحو لوحدكم انا انجنيت كيف قال مافي الا العافيه اي عافيه الناس تحرص على عياله وانت مو خايف ولد حرام يخطفهم او ؟؟؟؟؟؟؟؟؟؟ بموت منه لمن اروح محل لاحياة لمن تنادي كانه مو اب مايقول عيب اقعدو مايصير كذا وووو لين اقولهتكلم عيالك كبرو ربيهم حسسهم انك قوي واحكم زمام الامور البيت من الرجال لازم تتنور وتفهم المسؤليه يقول انتي معقده بالله ايش رايكم فيه بالاضافه الى اني كشفته اكثر من مره يكلم واختبرته وماصدق على الله والله تدرون متى في رمضااااااان اه اه قلبي بيوقف من التفكير عندي منه اربع اولاد ماشاء الله تبارك الله والله كنت عند اهلي اهتم بنفسي واخر دلع يوم تزوجت وعشت معه ماحس فيه وقت رجال ومره في وقت واحد تصدقون جاني القولون العصبي من وراه ايش الدبره اتطلق واريح نفسي مادامني متحمله المسؤليه بس للامانه هو اللي يصرف انا مو موضفه وكمان هو اللي يودينا المشاوير (فهمتوها) خايفه على عيالي من بيتحمل مسؤليه تربيتهم وتوجيههم انا مهما كان مره والام مو زي الاب معهم حتى برا البيت البعض يشوف المشكله تافهه بس والله اللي عاش الماساه هو اللي يقدر امانه لاتردون علي بردود تغث واحمدي ربك ومدري شنو اللي هذا ردها لاتقوله وامانه ادعولي ان الله يلهمني الصبر ويطرح البركه في عيالي ويجعلهم من الذريه الصالحه ولاتنسون الملائكه تقول ولك مثله اسفه طولت عليكم ودمتم بود
مزنة ,,,, اول شي الله يفرج عليج همج يا رب,,, واذا تبين نصيحتي شيلي من بالج فكرة الطلاق والانفصال ,,, وجود الرجل في حياة المرأة والاولاد شي ضروري لو كان مهمش ,, ومدام انتي كلمتيه اكثر من مرة وما فاد فيه الكلام ,,, انا انصحج انج تتجهين لعيالج وتحاولين تفهمينهم انهم بدو يكبرون وملازم يعتمدون على انفسهم ,,, وحاولي بالكلام توصليلهم انهم لازم يكونون مسؤولين عن تصرفاتهم بدون لا تجرحين صورة والدهم ,, وحاولي تكون نقاشاتج مع زوجج بعيدة عن الاولاد ,, وحتى الصغار حاولي من الحين تزرعين فيهم المسؤولية ,,, ما راح تضرهم بشي ,,, وارجعي وحاولي مع زوجج تتلكمين معاه بالهداوة بالوقت اللي يكون فيه هادي ورايق ,,, وحاولي توصليله اللي تبين بس بدون لا تحسسينه انج تلومينه او تعاتبينه عل تصرفاته ,,, الرجال يكره العتاب واللوم من المرأة خاصة ,,, حاولي انج تبينين له انج تعبتي من العيال وتربيتهم صارت صعبة وانهممحتاجين لابوهم ,,, فهميمه بهداوة ان العيال يحتاجون الاب اكثر من الام ,,, بس ديري بالج تكلمينه بصيغة العتاب على تصرفاته ,,, ولازم يكو الحديث بهداوة وروقان واذا شفتي انه عصب سكري الموضوع وحاولي بوقت ثاني ,,, وطبعا اللي افضل من هذا كله هو الدعاء : اللهم سخره لي و لأولادي ,,, لا تنسين الدعاء من ربج ,, والله يفرج همج ويعينج يا رب ,,, اتمنى تجيب نتيجة معاج واتمنى اني قدرت افيدج ,,, تقبلي مروري
حبيبتي زوجج حاط في باله انه مهما يسوي شي ماراح يعجبج لانج قوية الشخصيه حسسيه انج انتي الي محتاجه له ولا تتذمرين منه كثير بالعكس اي شي يسويه امدحيه وبينيله مدى فرحج لقيامه بها الشي لااا تناقشييينه وتحاولين اتغيرينه نصيحه في كتاب انا قريته واستفدت منه كثييير لانه يوضح لج كيفية التعامل مع الرجل الا هو الرجال من المريخ والنساء من الزهره تلاقينه بالمكتبات اقريه والله يوفق لج امورج غاليتي
لا لا تربين عيالج عالغلط ومهما كان الموقف سوي اللي تشوفينه صح دامه بدون شخصيه او وتالي راح يستغلون العيال هالشي خليج قوية مع عيالج عالاقل يفيدونج باجر ان مافادج ريلج
اولا شيلي طاري الطلاق من بالج بعدين انت تقولين انج قويه الشخصيه يمكن هالشي اللي مخليه سلبي لان يدري ان اذا سوى شي ماراح يعجبج غيري شوي من اسلوبج يعني مو علطول انتقاد ’’ مدحيه بتصرف سواه ...... قوليله انا ما استغنى عنك ....... لازم آخذ رايك بشي انا محتاره وادري انك راح تعطيني الحل .... يعني حسسيه بالثقه وكبريه بنظر عياله ترى اهم شي .......... الله يوفقك
