رجيم دكتور وائل ......الي بالجرايد

شلونكم بنات
مابي أطول عليكم .... بس حبيت أتكلم عن تجربتي مع رجيم دكتور وائل
طبعا قريت الإعلان بالجريده ... وشدني وطلبته بعد ماسألوني بعض الأسئله عن وزني وغيره

بصراحه انا جربت الرجيم وما قدرت أكمل لهذه الأسباب
1- ان الأكل شويه حيييييل يعني ما يشبع كلش
2- أول عشرة أيام يوم رجيم ويوم تنظيف 000تدرون شنو تنظيف يعني بس تاكلين فواكه وخضار ( مع اني سألت السكرتير قبل ما أطلب في عشا أو غدا فواكه قال لا ) جان ما طلبت حسبي الله عليه وهقني
3- الحبوب تاكلينها بيوم الرجيم قبل الغدا وقبل العشا بنص ساعه وقبل لا تنامين حبة أوميغ 000قاعده بس أطالع الساعه منو يقدر يلتزم وبهالفترة الطويله ؟؟؟
4- الأكل محدد 000وصار عندي اكتئاب حاد 00خصوصا لما بطلع مكان ( بيوم الفاكهه شسوي بالسوق أمووووت بصراحه ما قدرت أكمل كلش 000ووقفته
صراحه حسيت انهم غشوني وراحت علي فلوسي شدعوه هالمبلغ ما يستاهل كلش 00زياره لدكتور ما تكلف 20 دينار لا وأكل أكثر وكاكاو 00هذا ممنوع فيه الكاكاو والمكسرات فتره طويله
000انا أتحدى وحده تقدر تكمل 000كانج بمعسكر بس تنطرين متى تاكلين الحبوب ومتى تشربين الماي 00لأن الماي ينشرب قبل الوجبه بنص ساعه كوبين0000يعني مقيده 000 وتنحرجين حيييل لما تزورين
حبيت أكتب تجربتي مع هالرجيم
لمدة 5 أيام بس 00 نزلت 2 كيلو 00000 مع اني متعوده على الرجيم 00بس من دكتور رجيم 0000

وعلى فكره انا اكلي شويه وجذي مت من الجوع الله يعين الي متعود على الأكل الثقيل[/center][/size]

خو احنا ركضه كل ما حطو شي بهالجرايد
لازم نسأل احد مجرب مستفيد بعدين نروح
الله يعينج صراحه انا انقرصت من هالاعلانات مو كل شي يعلنون عنه صج ترى كله خرابيط
اختي ليش ما تروحين للتغذيه بمستشفى الصباح صراحه وايد زينين وصلت الوزن المثالي معاهم

والله عقبها تبت من الإعلانات
مشكوره على المرور

ليش مافي ردود ولا تعليق
معقوله محد قرأ عنه ؟

ويييييي انا مابحب الرجيم اللي بتقيد في باكل معين جد بصيبني اكتئانا انا متبعه شي واحد كل يوم الصبح عريق بشرب كاسة ماء مع عصير ليمون ومعلقة عسل صغيره لموناضه وبلليل عشى خفيف وطبعا شرب ماء اقل شي 8 كاسات بليوم ويكونوا قبل الاكل هيك رح تنزلي حتى لو بوقت اطول بس افضل من انك باسبوع تنزلي 2 كيلو او اكتر الوزن اللي بتنزلي بسرعه بيرجع بيتخزن بجسمك اسرع مجربي هشي يعطيكي العافيه واتمنالك دوام الصحه والرشاقه ..............

السلام يا كرام
انا انقرصت من هالنصاب والنصابة سكرتيرتة اصلا راح تحسين انها فيها ضحكة واهي تكلمج وتشرحلج جنها تقول ضحكنا عليكم
والله انقهر كلما تذكرت عند الطلب والتوصيل الكرتون اشكبرة وانا اقول ووااااااي شنو فيه
وأقول حق المندوب خلني افتح الكرتون جان يقولي لو سمحتي عطيني الفلوس ترى تأخرت وعندي توصيلة ثانية ويوم عطيتة الفلوس عساها جهنم في بطونهم طار وانحاش

ويوم فتحت الصندوق شنو شفت امبيييييه شفت خبز يابس جنه حق الدبش والغنم وورقة فيها التعليمات واظن ماخذها من الانترنت وحبوب تاكلينها قبل الوجبة بنص ساعة
ويوم التنظيف عساهم يغسلونهم بكلوروكس فواكة مادري مارلين مونروو
على العموم
انشاء الله نتوب من هالنصابين ونسكر حلوجنا بارادتنا

اي والله مافي أحسن من الأشياء الطبيعيه
ومشكوره حبيبتي على المرور

واي نفس الصدمه الي انصدمتها لما شفت الصندوق
والله صاجه الخبز يابس ما ينوكل ، ويوم التنظيف هذا بروحه مأساة
والمشكله حاط اعلان جديد هالأسبوع بالممتاز
مشكوره عمري

السلام عليكم

حبيت اضيف تجربتي وياه نفس ما صار وياكم صج نصبو علينا هذا مو ريجيم جنه يتعامل عزكم الله مع صخول بس حاط لنا بالكرتون النخالة والشعير ماقدرت صراحة اكمل اكثر من اسبوعين لانه حيل متعب بس ما اقول الا حسافة على الفلوس اللي خذاهم . ​

حسبي الله عليهم ونعمه الوكيل
ياريت البنات يقرون التجارب ..... عشان ما تصير لهم نفس المشكله​

مشكوره حبيبتي على الإضافه

وين باجي البنات

للأسف ما سمعت عنه

خواتي يبيلكم بس ارادة وابتعدوا عن السكر + الدهون + الكربوهيدرات

وسووا رياااضة والله بتضعفون

واتركوا عنكم هالنصابين اللي عبالهم بنات الكويت مستودع فلوس يبون يقصون علينا بسوالف رجيم ومارجيم

وبالاول والاخير الرجيم يعتمد عليكم انتوا وعلى قوة ارادتكم

صح لسانج يا أم عبدالله

الله يعوضج اختي تسلمين[/URL][/IMG]

مشكوره عالمرور

انا بعد طبقته شهر ونزلت عليه 6 كيلو

بس للاسف تعبت نفسيا منه

ماشاء الله عليج قدرتي تكملين شهر
ماتسوى عليج هالـــ6 كيلو :cry_smile:
وسلامة نفسيتج من التعب ..... وانا بعد حاشني هالشي

مرحبا ياالغاليه..............

الله يعينك الصراحه احنا المغفلين لان اول مانسمع عن شي او دعايه رحنا نركض ونقط الفلوس واخرتها نتحسف

ولانتوب.......بس ماقول الاحسبي الله ونعم الوكيل الله لايوفقهم اللي يستغلون الناس

شلون اروح مستشفي الصباح تحويل مستوصف