شوفي حبيبتي اولا اهو غلطان لان مد ايده عليج كان المفروض يسمعج لي الاخر موعيب اذا انتي طلعتي الي بقلبج المفروض كان يمتص غضبج .. ثانيا مو من حقه يغلط على اخوانج .. وبعدين كافي انج شايله البيت ومصاريفه على راسج وماكو تقدير بعد وزاد الطين بله ماكو معاشره مثل الناس .. شوفي انا ما احرشج .. بس انتي شوفي شنو قاعده تقدمين له وهو شنو معطيج بالمقابل .. تفاهمي معاه على هالامور وناقشيه لازم تواجهينه عشان يعرف اغلاطه ويتسنع الزواج مو لعبه وخصوصا انه بينكم ولد وهذي مو تصرفات شخص ناضج ( سوري حبيبتي يمكن كلامي قاسي شويه بس هذا الي مفروض يصير من وجهة نظري ) .. والله يوفقكم انشالله
وضعج مأساة !!!! أنتي تصرفين عالبيت وساكتة .. وماكو علاقة بالفراش وساكتة .. وغلط على أخوانج وساكتة .. وطقج ومد إيده عليج وساكتة !!!!!!!!!!!!!!!!!!!!! بنات كيفكم ما أشيشها عالطلاق بسسسسسسسسسسسس وين كرامة البنت ؟؟؟؟ أللي قالوا لها تعوذي من إبليس وصبري وهذا ريلج .. انا مو معاهم شنو هالسلبية ! يطقني وأسكت .. ما ينام معاي إلا كل 6 شهور مرة وشاب صغير (( شوفوا منو أللي مشبعته )) وكاشت بهالمسكينة ! وطاقها ويبي يسافر .. يا سلام ؟؟؟؟؟؟؟؟ أمبين أنج حيل طيبة .. ولدرجة السذاجة يعني قاص عليج ! وقفيه عند حده .. زعلي منه وأنتي في بيتج .. 1- قصي قصة شعر يديدة وعلى الموضوة وحلوة على ويهج عند صالون غالي مو عند بو طقققققة علشان تعرف حق ملامحج شنو يركب عليها . 2- صبغي صبغة يديدة لون يشده ( عسلي أو نحاسي أو بلاتيني ) 3- أشتري لبس مو متحجبات ولبسيه بشقتج جدامه .. وبلليل لبسي بيجامات أللي على شكل شورتات .. وثري كوارتر .. 4- حطي غلوسات .. وحمرة وردقة وكحل وماسكرا 5- خليج 24 ساعة حاطة من هالعطووووووووووووووور القوية .... 6- كله سوي نفسج مشغوووولة ولا تعطينه ويه كلش .. ولا أدقين ولا تدزين مسجات .. وإذا شافج بالبيت كله مثلي أنج حدج مشغولة .... (( الريال تذبحه المرة أللي منشغلة عنه )) ويموت بعرف هذي ليش ما تعطيني ويه !!!! أتمين جذي شهرين تفلفلينه .. ويا ويلج أذا خذا منج شي ............................. نطري لحد ما أييج وهو يتوسل والله العظيم بيردلج بس اهتمي بنفسج .. وغيري سوي نيو لوك ..
بدون زعل انتي الغلطانة لو انج ساكتة ومكلمتة بأسلوب انجان تحسف واستحى ووداج القمر بعد واللة الرجال طفل مهما كبرت اخطاءة
يابنات كونو واسطة خير اتشيشونها تراها ان شاشت وطلبت الطلاق ذنب هالطفل برقبتكم بضيع بعدين حبيبتي ترا مافيها شي لو تصرفين عالبيت الدنيا تعاون واخذ وعطى .و الرجاجيل ممومكاين 24 ساعة فراش فراش ؟ ؟ حلاو هو .. الرجل يمكن يتعب اللة خالقة جذي موشهواني شيسوي نصيبج ..والفراش موك شي بالدنيا ..اكيد مثل مافية شين فية زين لاتقولين بس شوفي الزين فية وراح تنتسين الالم
انا موزعلانة كلامج مية مية مومن حقه يطق ويغلط وفعلا كان من المفروض يسمعلي اهوا دايما جذيه اذا كلمتا بشي يشب نااااار
حبيبتي مايصير دايم انا اسيكت وراضيه لا وادلعه عشان اذا بغيت شغله منا شنو ابو ولدي يكبر علي خلاص انفجرت انا فعلا طلبت الطلاق وقالي روحي المحكمة وبعدين اذا بزعل عشان الفراش من حقي انا موطالبة 24 ساعة ابي والله كرهت هالشغلة من كثر ما يكشت فيني ما اطلبها خلاص اخلي الحرررة بداخلي ادري زوجي في شي زين بس الشين اكثر
اذكري الله وهدي شوي المهم لاتسكتين عالطقة وقفيه عند حده انا ما اشيشج عليه لاوالله بس اذا سكتي راح يتمادى بالطق وموحلوةة كلش الريال يمد ايده على مرة والله يهديه لج ان شاء الله
غاليتي أنا شاركت لاجلك قرأت عن مشاكل مثل حالتك وفي النهايه عرفت مايريده زوجها منها فأصبح قيد حبها بمجرد زيارت الأستاذه ناعمه الهاشمي ولها مقالات في بعض المواقع حفظك الله وردي علي أذا قرأتي ردي
الله يكون بعونج يا اختي بس ماقول الا الله يفرجها عليج والرياجيل كلهم جذيه لاتتوقعين منهم يكونون دايم حنونين اذا اهلنا وهم اهلها واخوانا واهم اخوانا اذا عصبو كل شي يقولونه ويجرحون بكلمات قويه بس احنا متاكدين انهم يحبونه لانهم اهلنا وزوجج لابد ان راح يهاوش لان مافي انسان طيب على طول لازم الاكشن هذا بالحياه واكبر دليل لو مايحبج كان طلقج من زمان لا تقولين وده يطلقني بس ماعنده فلوس وفقير بقولج مافي رجال يكرهه مره ويقعد عندها عشان فلوس حبيبتي تعوذي من الشيطان شوفي يمكن الرجال كان معصب من شي ولازم المعصب يخربها خاصه الطيبين يخورونها بالكلام احيانن وتاكدي ماراح تعسره الفلوس لو كان مايبيج ابسطها من شي يطلقج ويرتاح نفسين ويدور غيرج بس هو يحبج لاتخلين ابليس يضحك عليج ترى الشيطان شاطر في التفريق بين المرء وزوجه
مشكورين على مشاركتي مشكلتي بس انا للحين اكلما رسمي انا كرهته ادري في محاسن بس انا عفته تونا متهاوشين مو قادرة اتقبل كلمة لانه عبارة عن طوفه لا احاسيس ولا مشاعر يبيني اركع تحت رجوله انا عرفتله بس متأخره حيل نتهاوش يجي يراضيني ببوسه اكشخله يقولي عندي دوام او تعبان يهيني بأنوثتي ماااا بيه لانه بكل بساطة تافه
صراحه ومن غير زعل أنا أشوف أغلب الزواج من بعد علاقه حب صراحه فاشل بالنهايه والله يسخر لك زوجك يالغاليه
