السلام عليكم جميعا , خواتي ولدي يعاني من هذي المشكله الا وهي بطء التعلم توني اكتشفت هشي من فتره بسيطه كنت اضغط عليه بلمذاكره واعصب واتنرفز لما كنت ادرسه ما في اي استجابه نهائي وهو في الصف الاول ابتدائي في مدرسه انجليزيه من kg دايما المدرسات يشتكون من حالته يقولون الطفل مايكتب بصف ماينتبه الانتباه عنده امشتت كثير الحركه عنيد جدا رحت و قابلة الاخصائيه قلتلها والحل قالت الطفل مايستفيد من المدرسه نهائي وضايع بصف مافي غير انج اتودينه تفحصينه في مستشفى الصباح في قسم الاطفال لطب التطوري طبعا اول مره اسمع بالطب التطوري رحت خذيت موعد طبعا الموعد ابعيد وديته افحصته الدكتوره وقامت تختبر ذكائه بلعاب ورسومات وسئلتني اسئله شنو كنتي تاخذين احبوب لما كنتي حامل فيه هل كان الحمل كامل تسع شهور ولا ومن هلاسئله المهم نتيجة التقرير اطلعت عطته نسبة ذكاء 84% والتشخيص بطء تعلم المهم تكدرت وضاق خلقي من التقرير خذيت التقريل للمجلس الاعلى لشئون المعاقين خذيت كتاب منهم وطلعت منهم على طول ورحت لطب التطوري مره ثانيه اسلم الكتاب للجنه قابلة دكتور خير قالي ولا يهمج راح نهتم بلموضوع خلال ثلاث اسابيع راح تلقين الاورق موجوده وجاهزه في المجلس انا طبعا دمعت اعيوني من الفرحه ماعرفة شقول يعني لو ما طحت بهلخير جان موضوعي ياخذ اشهور وما نخلص بس الحمدالله ربي يسرها فلمجلس راح يخيرني بلمدارس اي مدرسه ادخل فيها الولد ومحتاره الصراحه وخايفه اني ما اصيب في الاختيار لاني ابي احط ولدي ابمكان صح فياليت الي حالت ولدها نفس حالت ولدي تفيدني وتقولي ولدها تغير صار احسن بتعليم والشخصيه لانه ولدي الشخصيه عنده معدومه في مدارس اتقوي شخصية الطفل وتعطيه ثقه بلنفس اتمنى خواتي تفيدوني هذي اول حاله عندنا فماعندي فكره عن المدارس لبطء التعلم محتاجه توجيهكم ومساعدتكم انا من سكان منطقة العقيله افضل تكون مدارس قريبه علينا ولو مافي انوديه ابعيد ميخالف بس المهم مايضيع الولد
هلا اختي نسبة ذكاءه 84 شي طيب أختي انا بحكم كوني تربوية قاعد يمر على نفس حالة ولدج نشاط زاااااااااااااااااااااائد جدا تشتت لدرجة البنت تغني بالصف بينها وبين نفسها المرحلة الابتدائية مرحلة جديدة على الاطفال وصعب يتأقلمون ويا المدرسة والصف والانتظام بسرعة يبيلهم معلم فاهم يعلمهم عن طريق اللعب ووسائل جاذبة . . . أنا ماعندي خبرة بحالة ولدج لكن لاتستعجلين عليه نطري شوي لي كبر وفهم شنو مدرسة وشنو دراسة وميز هالامور اتخذي قرارج يعني لي صار بالصف الثالث الابتدائي . . .مدارس الحكومة براي احسن جربي قبل ماتدودينه خاصة
السلام عليكم اختي الله يكون بعونج مع طفل جذي راح يستنزف طاقتج بالبدايه اليمن يبتدي يمسك اهو الخيط ويكمل المشوار عن نفسي فانا عندي بنت عندها الدسلكسيا وعمرها 10 سنوات وكانت تدرس بالحكومه بس المدرسات الله لا يسامحهم مرمروها واخذي طق يوميا وكانوا يسمونها الغبيه وما يشركونها باي نشاط ولما اشتكي يقولون بنتج جذابه المهم لما دخلت البنت ثالث ابتدائي طقتها الابله على راسها فاغمى عليها ودقوا علينا ولما قلت للناظره قالت بنتج طاحت محد جاسها قلت ما يبيلها خذيتها على اقرب مدرسه اجنيبه وردوها اولى ابتدائي بس الحين بنتي تقرا انجليزي احسن مني لا وعندها شهادات تفوق والحمد لله اختي خلج من الحكومي اذا تبين ولدج يكون له مستقبل لانهم بالاخر راح يقولون لج وديه المعاهد الخاصه لك تحياتي
