السلام عليكم ورحمة الله وبركاته شلونكم خواتي ان شالله طيبين اليوم جايبتلكم خلطة عجيبة من محلات القرشي هو زيت مقوي للشعر وزيت تطويل المنتج إسمه "جدايل" بس تروحين تقولين له أبي جدايل وهو يقولج عنه أنا بصراحة شريتهم أثنينهم وقيمة الإثنين 10دنانير وقاعدة أستعملهم وحدهم جنان راح تقرين على العلبة مكونات الزيت اللي هي زيت زيتون وزيت سمسم وزيت خروع وورق غار وأشيا وايد ماتحضرني ألحين بس كلها أعشاب طبيعية والإقبال عليه شديد سامحوني خواتي طولت عليكم بس لأني استفدت منه حبيت أنقله لكم تستفيدون لاتنسوني من صالح دعاكم والله يخلي لي جبوري
فعلا انا رفيجتي تستعملها ووايد زينه حق الشعر بس عيبها شي واحد انج لازم تستعميلنها علطول واذا وقفتي يطيح الشعر ... انا هذا اللي سمعته
مشكوووووووووووورهـ اختي على المووضوع وانشاللهـ بجربهـ سلم ولدهم ياللهـ خلهـ لمهـ ياللهـ وسلم جبور ياللهـ خلهـ لمهـ ياللهـ <<< لـووووووووول
شرفني مروركم حبيباتي لاخلا ولا عدم بالنسبة لسؤالج اختي اصيله سأليني انا مجربته احسه حده حلو ومايطيح الشعر واللي استخدمه هو الزيت المقوي أكثر أما مطول الشعر مو قاعدة أستخدمه ولو ماشريته أحسن لأن أهم شي شعري يتقوى ولا قوى الشعر أكيد بيطول أنا بصراحة أستخدم من اسبوع اين اسبوع مرة حنة ومرة سدر ومرة هالزيت وماشالله تغير وضع شعري للأحسن بفضل الله حبيبتي.. هالزيوت مكوناتها كلها طبيعية وموجودة على علبة الزيت وراح تشوفينها لاتحاتين ومراح يطيح شعرج إن شالله داهية مطير تو الناس ع القرقيعان لووووووووووووووووووووووووووووووووووول عسى الله لايحرمني منكم خواتي وشاكرة ردودكم الراقية مثلكم
هلا حبيبتي هالزيت طبعا يستخدم مرتين في الإسبوع تزيتين فيه فروة راسج وتخلينه على حسب اللي مكتوب على العلبه تخلينه ساعه بس بشعرج بس انا اخليه اكثر وعلى فكرة انا اكتب هالرد والزيت بشعري الزيت طبعا ينبت الشعر ويخلي الشعر فيه حيوية ولمعة أنا انصحج اختي تستعملينه وراح تدعين لي
بصراحه انا شريت الاربع انواع وخلطتهم وتميت استعملهم ماحس انه تغير شي بشعري ابدا وقطعته يمكن يختلف من وحد لوحده
