ساعدوني بنتي تدش مواقع

اللهيشفي ولدج ويقومه بالسلامه و يعينج على تربيتهم ويصبرج
أسأل الله العظيم ان يهديهم ويصلحهم ويسخرهم لج ويبعد عنهم رفقة السوء
لا ترخي معهم حيل ولاتشدي لكن وقت الغلط عاقبيهم عشان يحسبون حساب لكل شي ومايكررون والطق ينفع احيان لازم يشوفون وجه ثاني لانج ان زفيتيهم وحقرتيهم ماراح يخافون لكن ان درو في عقاب وحرمان من كل شي وطق بيتعدلون بس لازم تراقبينهم لا تسامحينهم بسهوله عشان يحسون بغلطهم واسالي عن اصدقاءهم وسلوكهم ومو اي احد يماشونه وحاولي تشيلين اللاب توب وخليه بس للشي المهم المواقع هذي تفسد الاخلاق
وشركي البنت بحلقات حفظ القران او الاترجه او قصيلها قصص من تأليفج عن الكذب وقوليلها عن العقاب والثواب
اوصيج يا اختي بكثرة الاستغفار والدعاء الله يحفظهم لج
والله ان الاستغفار بيفتح لج ابواب كثيره من الخير
وكله اجره عند ربج عسى الله يهديهم والله قلبي تقطع عليج وعليهم

الله يعينج ومشكلتج قويه

واتضيق الخلق .. بحاول اسااعدج

اولا : لازم اتعرفين لكل مشكله حل .. من جذي انتي لجأتي لنا عشان الحل ! ( برافو عليج )

ثانيا : قريت انج طقيتي بنتج وكفختيها .. انا اقولج اكبر اكبر اكبر غلط هالتصرف .. اهي صح اغلطت بنتج .. لكن ترا هم انتي غلطتي بالحل

ساعات الطق مايفيد ولا الهواش يفيد !! .. لازم اتروحين لها بطريقه تكونين فيها هاديه .. وتحاورينها " الحوار " ( سين جيم )

وتكون اسألتج لها اجوبه مقنعه ..عشان تفهمينها ليش سوت جذي ؟ وشاللي خلاها اتسوي جذي ؟؟

اعتقد حتن انتي ودج اتعرفين ليش سوت هالشي ؟ قبل لاتروحين لها .. حطيلج ورقه وكتبي الاسئله .. عشان يمكن شي تنسينه من الحجي والحوار

ثالث شي : تخيلي انتي الام انج طفله وسويتي شي غلط .. واحد ايي يزفج ويطقج .. شنو الشعوور اللي راح يكون داخلج ؟؟

خووف .. عدم الامان .. كره حق اللي طقج حتن لو يبي مصلحتج ويبيلج الخير !!

آنــا دايما احط نفسي اني طفله شنو راح يكون شعوري .. فاحاول احط اسأله احسن من اني اطق !!

رابع شي : انا ما راح اقول انج ماتدرين عن عيالج بالعكس انتي تدرين وتحبينهم وتخافين عليهم ! ومن جذي طقيتي من القهر اللي فيج

لاكن هم تخيلي معاملتج هاذي اللي " بـــيـــنــج وبــيــن بنــتج " جدام رب العالمين !

راح تتصرفين احسن التصرف .. صح ولا لاء ؟


بنتج ياهل شنو 13 ؟؟
الياهل .. فضولي يحب يعرف .. وشحقه وليش ومن شنو والف والف والف سؤال في باله واهوه يحاول يدور الاجابه !

قولي الحمدلله انج عرفتي الحين ولا ان صارلها من فتره !

وتخيلي نفسج ..

بنتج بالمره الاولى دخلت هالمواقع .. وطقيتيها ..... ومافاد

وبنتج بالمره الثانيه دخلت هالمواقع .. وطقيتيها حرمتيها .. ومافاد

وبنتج بالمره الثالثه دخلت هالمواقع .. وطقيتيها وهددتيها .. مافاد

وبنتج بالمره الرابعه دخلت هالمواقع .. ماكو شي اتسوينه !!!!!!!!!!!!!!!

طق طقيتيها تهديد وهددتيها وحرمان حرمتيها !!

شنو اللي يفيد ؟؟

عقلج و الكلام الزين والمواجهه الدقيقه .. خليها من اسألتج تنبعص تتوهق عشان اتحس باللي سوته ان غلط فهميها

عدل لاتقولين توها صغيره .. اهي صح اصغيره بس تفهم وتعرف الصح من الغلط

قولي انتي تدرين ان هالشي غلط ؟؟

ليش اتسوينه ؟

قوليلها انا احبج وانتي بنتي واخاف عليج .. ومابي شي موزين يصيرلج ما ابي اطقج لاني حيل احبج .. وانا اسفه اني كلا اطقج

لاني والله احبج اكثر من كلشي .. ولميها ونصحيها انها ماتعيد هالحركه


واسفه عالاطاله .. وان شاء الله يبعد ربي عنكم الشر

ويخليلج بنتج .. بس طولي بالج :*​

السلام عليكم......حبيبتى يمكن ردى متأخر لكن عمر الطق ما جاب نتيجة لكن العكس ..وكل ممنوع مرغوب..عالعموم خليلهم جهاز واحد بس ويكون فى مكان مفتوح مثل الصالة....وتحت عينج..وبما ان الصيف جاى شركيهم بالسراج المنير او حلقات تحفيظ القرآن...واللة يعينج

البنات ماقصرو الله يصلحهم ويخليهم لج ويشفى الصغير يارب