رقــــــــص الحريم في الزوجات ....

[ رَقص الحَرِيِـم فِيِ الزَوَجَااااتْ]


****************************************




الحريم فالزواجات حدث ولا حرج وبالذات إذا جت حزة الرقص...!!!



منهن من تثير الشفقة، ومنهن من ترسم علامات التعجب فوق راسك ( ما تدرين ترقص ولا تخض لبن)

ههههههههههه

ومنهن من تجعلك ترددين ( الحمد لله على نعمة العقل ) من أ ن تضع قدميها الكريمتين

عالمنصة إلى أن تنهي وصلتها الاستعراضية

أنا مدري الوحدة منهن تفقد عقلها اذا سمعت الطق؟؟؟؟!!!!!! ( الله أعلم)

وحدة تهز الوسط وما تحته

والثانيه: ترج المناطق العلوية وما جوارها بتوقيت الرياض

والثالثة: تنفض شعرها بطريقة الفريرة تقولون داخلته حشرة تبي تطلعها

والرابعة: تحرك يديها بطريقة لولبية كوكبية متوازية الاضلاع كنها تخبز تميس

والخامسة: تطامر يمين ويسار كسرت ارقاب الاوادم من كثر ما يتلفتون

والسادسة: تترنح على أنغام البوب بطريقة هستيرية كنها صرصور باخين عليه بف باف

والسابعه: تتهزهز تقولون ماسكها كهرب 220 فولت

والثامنة: تصفق بيديها من تبدأ إلى تنتهي ما تدرون تصفق لنفسها ولا للحضور

والتاسعة: ترقص جنب الطقاقات وتخش في وجيههم عشان يزينون لها الطق والطقاقات ودهم

يصكونها بالطيران صرعتهم بريحتها ( الله لا يلومهم ) افراز الروائح من جميع الاتجاهات وفي

جميع الاتجاهات ( الحمد لله إني مانيب طقاقة
والعاشرة : تسوي حركات تشكين في قدراتها السيكولوجية والفسيولوجية والامبريالية؟؟؟؟!!!!

مره حضرت أنا وبنات عمي زواج

قامت وحدة ترقص والله العظيم إني أحسبها متخلفة عقليا

بنات عمي تسدحوا من الضحك!!!! أنا بصراحة رحمتها وقلت لهم وجع استغفروا البنت معوقة

الله يشفيها بعد ما خلصت من الرقص وراحت السكرة وجت الفكرة اكتشفت إنها بكااااااااامل

قواها العقلية إلا بعد أصحى مني

وأنا ما يبط كبدي من الحريم إلا اللي تكون رابسه برقع ( تدق التسريحة والمكياج والفستان

المشخلع والمخلوع بابه وتلبس برقع) وشلون تجتمع ماااااااااأدري

وإذا طلبوا لها أغنيه تجيكم طااااااااايره من آخر القاعة ( جاكم الإعصار ما شين يعيقه )

وإذا وصلت المنصة تمسك البرقع بأقوى ما عندها ثم تررررررررميه على الواقفات عالمنصة

والشاطرة تمسكة عاد

واذا خلصت وعينت من الله خير قامت تدور برقعها مثل المسعووووورة لأنها من الحماس ما

تدري وين أراضيه وإذا لقته كنها لالالالالاقيه كنز على طووووول تحطه على خشتها ما تبي

أحد يشوفها ( طيب يا ماما طول الوقت وأنت كاشفة الكبوت ) صدق عقليات

واللي يبط تسبدي أكثر وأكثر اللي ترقص بولدها ( يالييييييييل أم حبيليص الساااااااري)

ياشيلي يا أم الشباب ياتمايلي

وإذا قام البزر يصيح تنزله وتكمل رقص والبزر ياعمري يتعلق في فستانها الارجواني

ويجرجرفيه يجرجر فيه وهو يشاهق من الصياح

تحسبونها توقف لالالالالا إلا أكمل الرقصة إن شاء الله يموت من الصياح اجل أخلي فلانه اللي

طلبت لي الاغنية علشان هالعله لالالالالالا وألف لالالالالالا.............

وما يضحكني إلا اللي تدخل اسمها في الاغنية واسم العيلة وعيلة العيلة ( ياشين السرج

عالبعارين)



والأغاني المستخدمة لهذا الغرض تنقسم إلى قسمين :


مدح مباشر مثل :

ياصايغين الذهب عطوا الذهب فلانه ... ادعسسسسسس

ردوا سلامي على الفلاينه اللي ما يهابونه .... ياولد

فلانه كل الحلا فيها احترت أنا مدري وش اسميها ..... لا تحتار الله يرضى عليك بهيمه ما يحتاج

فلانه غزال صادها القناص...... ياحلالااه يا حماية الحياة الفطرية أي والله


والقسم الثاني مدح غير مباشر:

الله يازين اللي حضرت غطت على كل الحضور..... بالعدال ياديانا سبنسر.

( بس هالاغنية قديمة حيييييييل)

وقولوا بسم الله على غزالن طب قولوا بسم الله (هاذي عاد ضاربة في القدم) بس إلى الآن

متداولة للآسف على كثر الأغاني ضااااااااااقت ياسبحان الخالق

نورت ياحلاها شمس الأقبالي والعذارى شموعن من حواليها ( هاذي عاد من تحت

الأنقاااااض)


****************************************

منقول

وأعذرووووووووني يالبنااااات ويالحريم >>>مزحه لاأكثر...


****************************************

[دُمْتُــــم بِوِدْ]​

هههههههههههههههههههههاااااااااااااااي صاجه شفنا اشكال عجيبه غريبه

بصراحة انتي روعة واسلوبج يهبل الله يسعدج وسعتي خاطري كنت متضايقة حدي عساج دوم مرحة وصج ان شر البلية مايضحك

خل العالم تستانس وتطلع الي فيها شوراهم

ههههههههههههههههههههههههههه

الله يسعدك

وكلـن بعقلــه رآضــي


لـكِ شكري

يسلمـــــــــــــــــو عالردود
نورتوا صفحتي ​

هههههههههههههههههههههههههههههههههههههههه
والله انج ضحكتيني
وانتي صاجه اشكال غريبه

هههههههههههههههههههههههههه حلوه ياام هباش (( ياصايغين الذهب))