الصلعه ومادراك ماصلعه

السلام عليكم بنات انا عندي بنت عمرها اربع شهور وكان فيها حساسيه وطاح شعرها كله من عمرها شهرين والحين عمرها اربع شهور ولاطلع وياليت تساعدوني بالخلطه اوشي علشان يطلع شعرها
لان شكلها لله لايوريج كانها صبي :cry_smile:

وعليكم السلام ورحمـة الله وبركآته

آختي نصيحـه لوجـه الله بنتك مآزالت طفلـه

ولاتتحمل خلطآت قد تضرهآ اكثر من نفعهآ

انصحك بمآ اوصانا به الرسول عليه الصلاة والسلام

وهو زيت الزيتون وان زدتي عليـه زيت سمسم نضيف ومن العصاره

يكون افضــل

وان شااءلله تشوفينها عروسه وشعرها الين ركبتهآ

وحفظـك الله من كــل مكروهـ​

صدق يا إختي نصيحة لاتسعملين خلطات
هيه بعدها صغيره نحن اليهال عندنا جذيه تقريبا لمدة سنه
وبعدين يطلعلهم يا محلاه
صبري عليها وإن شاء الله تشوفين شعرها طويل وتمشطينها بعد وتسويلها تسريحات

لله يجزاكم خير
ان شاءلله اشوف شعرها بس الي باط جبدي الناس يضحكون علي يقولون هاذي بنت ولا ولد وانا انقهر منهم

فديتك انا لا تنقهرين بنتي كانت نفس بنتك صلعه وكلن شافها ضحك عليها وانا ميته قهر بس داومت عالحنه وزيت الزيتون والحين بنتي عمرها 3 سنوات وشعرها يهبل وطويل وثخين ماشاء الله

اختي انا بنتي كان شعرها خفيف حيييل لدرجه تشوفين الفراغات بفروة شعرها
واستخدمت لها الاكسجين السائل من الصيدليه تحصلينه وعند العطار بعد
والله انه ثقل شعر بنتي واهي الوحيده من بناتي اللي شعرها لفخوذها
واذا تبين تشوفين نتيجته قبل تحطينه على شعر بنتج ... سوي هالطريقه
اخذي منه شوي وطبقيه على نفسج ودهني منطقه بسيطه من الساق
مو شعرج لا ساقج .. وشوفي شلون الشعر والبصيلات بتزيد ... بتظهر بصيلات اكثر
واللي يقولج اكسجين خطر ماعليج منه
الاكسجين السائل اللي اقصده يستخدمونه لتطهير الفم واسالي الصيدلي عنه بترتاحين اكثر
والطريقه ( تاخذين قطن طبي وتنقعينه شوي بالاكسجين وامسحي على شعرها ..)
بس ديري بالج يكون شعرها مكشوف
لانه عيبه يشقر الشعر .. واذا غطيتي راسها بيكون لونه غامج ومايتشقر
الاكسجين مثل ماقلت لج مطهر ومامنه خوف
والله المستعان
يارب اكون افدتج بشي
تحياتي

بنتج صغيره وعلى فكره اذا حطيتي حنه وهي ماعندها شعر بتصك المسامات انتي حلقيها ثاني مره ولا تقصينه ولا تسوين شي لين يصير عمرها سنه
وشوفي حرام تخربين فروه راسه بالخلطات

فعلا اختي احلقي شعرها وكل ما يطول قصيه بس يكون على يد وحدة زينة

وربي يسلمها لج