مشكلتي ابي اطرحها عليكم وابي الراي من الجميع لاني خلاص على حافة الجنون والله اني ماعندي من اشتكي له بعدالله الاانتم مشكلتي طويله وابي احاول اختصرها انا متزوجه من 20سنه وكان عمري 14سنه اول خمس سنين عشت مع اهله بظلم وطغيان من امه ومن سلفتي اللي خلت حياتي جحيم وكانت تلاحق زوجي وتغريه حتى الجوع جعته عندهم وانا بنت ناس وعايله كانت امه تحط له الاكل وتحط لي فضلته وصبرت وهو لحد الان زين معاي وجانا الغزو وفرقني عن اهلي اللي مصبريني ورحت معاه هو واهله وخواته حسبي الله ونعم الوكيل شفت الضيم والظلم وكان معاي ولدي وحامل المهم رجعت الكويت والله لواقول شنواصار فيني تنجنونمرت علي ايام عساهاماتمرعلى مسلمه ورجعنا اه اه من همي المهم صار بيتي بروحي بس معاي سلفتي وظلت على حالها وانا ابي انجن حتى حماي كذامره طردني من بيتي ويحرش اخوه علي بسبة السوسه زوجته تحرشه علي المهم ارجع لهمي الاكبر زوجي باختصر يعاشرخدامتي يهجرني بالسنين راعي حريم وسفرات حرمني من دراستي ويبي يحرم بناتي يقول البنت مكانها البيت مع انه بنت من زوجته الاولى موظفه وتسوق بعد معها نقال وانا لو يشوف معاي تلفون ولدي فضحنا وسوا سالفه مع انه هو شاري لبنته وشرا لها لابتوب وانا يقول اغضب عليك لو تروحين لاخوانك ماتلمسين كمبيوتر طبعا مافيه طلعات كلش ولا اسواق الابالاعياد لا ويقول عطوني المقاسات انا اجيب لكم انا الحين على لابتوب ولدي طبعا هو مايدري الولدنقال ولابتوب وسياره وفلوس والبنات عكس المهم اناطالبه الطلاق وهو رافض ذاليني بناتي لان الصبيان ميهموني طلعوا نيجاتيف منه حجم مصغر له ترى والله ماكذبت بحرف عليهم وهذا 50% من اللي مر علي حلفتكم بالله شنوا الحل ساعدوني (تابع
الله يهون عليك حبيبتي ..ويكون بعونك اولا عليك بالدعآآآء اناء الليل واطراف النهار .. والاستغفار(( من لزم الاستغفار جعل الله لة من كل ضيق مخرجا ومن كل هم فرجا ورزقه من حيث لايحتسب)) ثانيا: حاولي تدخلين طرف ثاني بالموضوع يكون شخص فاهم وصالح ويمون على زوجك .. يعني حاولي ماتتركين زوجك لبنات الحرآآم ولك الاجر بأذن الله اجر صبرك علية واجر هدايتة بأذن الله.. اسعي بكل السبل الى اصلاح حياتك لانك بالاخير انتي اللي ربحانة عشان بناتك مايضيعون بالذات ان ابوهم مو كفو.. اسأل الله العظيم ان يفرج كربتك ويكشف غمتك ويكتب لك السعادة في الدارين
حبيبتي انتي صبرتي عليه طول هالسنين فكري في بناتج شنو بيكون مصيرهم حرام صبري عشانهم والله يسخره لج ويهديه انشالله
صباح الخير اختي والله عورتي قلبي شوفي انتي تخلين احد من خوانج يكلمه ويفهمه لانه جذيه مايصير ولا انتي حاولي معه وعصبي عليه وزفيه بعد والله قهرتيني كل هذا وساكته في مليون طريقه عشان يتعدل وبعدين تبين نصيحتي تطلقي والمحكمه تعطيج حقوقج وزياده وخليه لنزواته وشهواته ابدا ماعليج راحتج وكرامتج جم مره بتعيشين اظن كافي جذيه والله اني ميته قهر من رسالتج الله يعينج ويصبرج
السلام عليكم اختي الغاليه انا راح ادش يالموضوع على طول حرااااااااااااام عليج يامره انتي عندج بنات يعني اتقي الله فيهم ما تدرين ان الدنيا دواره وان من زنى يزنى به حبيبتي انتي نسيتي نفسج قلنا اوكي يس ليش يعرضين البنات للي تعرضتي له ؟ مابي اقول مدام تدرين بطبعه ليش يبتي هلعيال انتي اللي مو فادره تتحملين مسئولية نفسج؟ بس ابي اقول لج شي واحد .................... هدي كل شي واخذي عيالج وطلعي ............وديهم مكان نظيف علشان يعيشون صح واول شي تسوينه انج تطلبين الطلاق واللي يقول حرام يتفضل ويعيش مكانج يوم واحد بس يا ناس ترى الله ما حلل الطلاق بدون سبب ومو اي وحده تشتكي من اي مشكله يردون عليها البنات الصغار اللى ما يعرفون شي بالدنبا حبيبتي لا تطالعين وراج لان ما في شي يستاهل ابتدي اول خطوه صح وراح تكملين من غير اي مساعده
السوسن انااا معاااج بكل كلااامج اللي ايده بالماي الباردة مو مثل اللي ايدة بالماي الحارة نتكلم على كيفناا واحنا مو غايشين المأساة الله يفرجلهاااا كربتهااااا وترتاااح من الضيمخ
كلش ولا الكرامه تري احنا ماعرفنا ظروف المره كامله فماراح نقدر نحكم -1-اهلك موجودين بالديره؟إلجئي لهم 2-اذا كانت الاجابه لا عندك دخل ثاني؟ 3-انتى من نفس جنسيته؟ 4-اذا كل الاجابات نعم انا اقولك وانتي مغمضه وكلي المحاميه نداء الاثري بنت رجال جابت حق اختي غصبن عن زوجها وهى ما عندها عيال
اصبري واحتسبي بس عشان البنات ولا تزوجوا اطلبي الطلاااااااااااااااااااااااااااااااق وارمي هو وعياله وتونسي باقي عمرك بما يرضي الله الله يهون عليك وعلى بناتك والصابر له 100 فرج
اول شي على قولتج ريلج ينام مع الخدامه انتي ماتخافين على نفسج من الامراض هذا اقل شي ايدز وبعدين ياليته على جذي فوق هذا مايصرف وراعي بنات يامعود خليه وروحي حق محامي واشتكي عليه وبيدفع لج نفقه لج ولبناتج وكل شي والله يصبر قلبج
الله يصبر قلبج وبمثل هالموقف لازم ما تسكتين عشان بناتج ماينظلمون تحركي بسرعه ولا تسكتين عن حقج لان الساكت عن الحق شيطان اخرس والله يعينج عليه وعلى ظلمه
حبيبتي الصبر لازم بس مع هالاشكال لا انت بنت ناس لازم توقفينه عند حده طلبي حبيبتي الطلاق وغصبن عنه يدفع النفقه لان الحياه معاه مستحيله الا اذا كان فيه خير حاولي معاها بس علي كلامك الصبر معاها مستحيل ولو صبرتي تظلمين بناتج معاج لان البنات مايحبون يشوفون امه منهانه او متضايق الحل هو الطلاق وللاسف
حبيبتي الله يكون بعونك ...و انشالله بميزان حسناتك ... اقرئي سورة يس على نية الفرج و التيسير ...و يس لما قرأت له .. و صدجيني مجربة ... الدعاء يا اختي يغير القدر ..و ربك العدل الرحيم
حبيبة قلبى والله اتأثرت بكلامك اوى ومضايقة وايد اسأل الله ان يفرج كربك حبيبتى وييسر لك امرك وما عليكى الى الدعاء لله والدعاء يرفع البلاء الله يعينك
لا بد من الطلاق هو الحل الوحيد للفوز والنجاة ببناتك من براثن الفساد والله معك يحميكم وان شاء الله في اولاد حلال وايد يقدرو يساعدونك
العمرررررررررر واحد والنفس غاليه بس تقدرين تتحملين ور الاب والام مع بعض انت فكري اذا قعدتي شنو تستفيدين ووواذا تطلاقتي شنو تستفيدين بس خلج قد قرارج ولا تندمين
انا اقول اني مثل راي اصيله والبنات جزاهم الله خير شوفي حياتج احسن من القهر لو انا جان تطلقت من زماااااااااااااااان لو يعاشر خدامتي بيتي والله ما اقعد دقيقه وحده عنده رووووحي فرشيلج زوليه وجم مطرح ويا عيالج ابركلج سامحيني عالتعبير ةالله يخليج لعيالج:emoticon_U:
