عاااااجل الكل يدش بنات انا مالجة من شهرين وريلي يدرس باستراليا يعني مامداني اتعرف عليه عدل ملج علي وسافر علطول وماكنت اعرفه قبل بس والله مو مقصر معاي كله يدق علي ونسولف بالساعات خلاني اموت فيه واعشقه واهو بعد يحبني وماصار بينا شي قبل لا يسافر بس عندي مشكلة اعاني منها الله يوفقكم ساعدوني انا منحرجة منكم بس بقولكم والله يخليكم شوفولي حل بعض المرات لمن يدق علي نقعد نسولف عادي بكل شي يقولي انتي غامضة وانا اموت بالبنت اللي تكون غامضة وانا والله لا غامضة ولا شي وبعض المرات لمن يدق نقعد نسولف وبعدين يعر معاي بالكلام انا بالبداية تفاجأت بس صار كل مايدق تصير هالسالفة اعتقد فهمتوا امس طبعا قعدنا نسولف ساعتين ونص تقريبا وكنت متوقعه ان راح يصير نفس كل مره فقعد يلمح ويقولي يالباردة ويكررها المهم كل مايتعمق ويندمج بالموضوع يقولي يالبارده لأني موقاعده اتجاوب معاه قعت اقوله انا استحي وما احس نفسي اقدر اتجرأ واسولف هالسوالف يقولي انتي ماتحسين فيني بس انا وانتي ماعندج احساس طبعا يقولي هالكلام بكل هدوء يعني لا معصب ولا شي وانا تقبلت كلامه عادي افهمه اقوله انشالله من ترجع بالسلامة راح اعوضك ومن هالكلام وقعت ادلع عليه ومو راضي يقتنع يقولي لو انتي باردة انا بموت اشلون بعيش معاج انا واحد وايد حار ما اعتقد راح تتحملين اسفة بنات على هالكلام سامحوني بس عشان بوضحلكم المهم قعد يسولف وصار اللي يصير كل مره و5دقايق تقريبا وقالي انا بروح الحمام شويه وادق ومادق شسوي لا تقولون لي تجاوبي معاه ماقدر اصلا مستحيل محتاره وماقدرت انام طبعا انا عادي ماعندي مشكلة ان مادق ولا راح اقوله بس انا مضايقني هالموضوع اقوله مابقى شي كلها 20 يوم وترجع بس احس كأنه ماسمع شي وانا ما ابين له نهائيا اني اتضايق اهو وايد زين واخلاقه وايد حلوة واهم شي ان يحبني ويحترمني ويخاف علي ومايحب يزعلني امانه يابنات فيدوني عسى الله يوفقكم وسامحوني طولت عليكم
لا حبيبتي خليك كذا الحياء زينة للبنت وترى هو لما قال لك انه مايحب البنت الباردة كان بيشوف ردة فعلك وايش راح تسوين بس بينه وبين نفسه عاجبه حيائك. لأن الرجال قبل الزواج مايحبوا البنت اللي تكون جريئة في مثل هالأمور. بس اهم شي كلما فتح الموضوع اسكتي وبيني له انك مستحيه وبعدين غيري مجرى الموضوع. وانتبهي تجرحينه بكلمة في الموضوع اللي فهمي فهمك لأن الجرح هذا راح يعتبره جرح لرجولته
بعد عمري مشكوره عسى الله يوفقج ريحتيني انا طافتني هالشغلة انا كله اسكت وما اتجاوب معاه نهائيا بس مره سويتها وغيرت الموضوع جان يعصب ويتنرفز علي وقمت من يتكلم اسكت واخليه براحته يقولي جنج الوسادة اللي يمي والله ما ازعل اقول عادي واطوف واحيانا اقول ماني رادة عليه لما يدق بس اخاف يروح باله لبعيد بصبر مالي غير الصبر
اولا مبروك الزواج وثانا حبوبه في رد راح يخليه يوقف هذي الشغلات كلها اتقوليله بصراحه انا ماعرف شعوري من هشغلات لاني ماجربت من قبل وانت شوي شوي معاك وانا على ايدك بتعلم لاني احبك ومابي اقصر معاك وحبوبه لا تدقرينه انج ماتدقين عليه او ماتردين عليه خلج متساهله لاعصبيه ولا تنرفز وعلى فكرة بدايه كل زواج لازم تصير شويه اعصاب سواء من صوبج او منه لانه مايعرف طبعج وانتي ماتعرفين طبعه ف خلج متساهله وادعي ربج انه يسهل عليج باذن الله وموفقه
مبروك على الزواج وربي يوفقج وانا رايي من راي ام عبودان وباجر تقعدين معه في بيت واحد ودام يحبج لاتضايقين حتى لو قال بارده عادي طنشي اهم شي مايصير شي وقت ماتزوجون بكيفج لانه بيصير احسن وقربج له بيغير وينسى كل شي قاله