مساء الخير اخواتي صديقتي متزوجه له شهر توهم يعني الشهر الثاني صارت مشاكل قالت راتب زوجها مايكفي ومن هالكلام رغم انه مايقصر معه قالت راتبه ضعيف ماادري تزوجتها عشان راتبه!! طبعا زوجها طفش منه وداها بيت اهلها وسبعه شهور بيت اهلها احلفت انه ماتعود بعد السبعه شهور زوجها صار له حادث انقلاب تكسرت اضلاعه وارجوله وقررت الزوجه العوده له ...بعد ان اصبح طريح الكرسي نطلب من الله الشفاء العاجل له وان يصلح زوجته لها ابي رايكم بصراحه الزوجه تزعل بيت الاهل فما الحل
يالله شي مؤلم فعلا لما كان بصحته وعافيته نشزت عنه وتركته لسبب يدل فعلا على ضيق صدرها تدرين اختي أنا خايفة على هالزوج من هالزوجة اللي فعلا ماخافت ربها وحمدت ربها على الستر وصبرت . . . هالنوعية من النساء ينخاف منهم ماتحملته علشان ضعف راتبه تبي تتحمله الآن وهو مصاب الله يكون بعون الزوج ويشفيه يارب ويهدي هالزوجة
يعطيك العافيه ام عبدالله والله صادقه في كلامك تخلت عنه في عافيته لكن الله يهدى من يشاء وشكراااااااااا
مساء الخير حياتي الله يشفي زوجها صراحه لوقعدت في بيت اهلها احسن الي تركته عشان راتب وترجع وهو مريض تبين الصراحه رايي من راي ام عبدالله ينخاف منها هالنوعيه شكلها تحب التظاهر والتفخر قدام الناس وربي يهديها لزوجها المريض
الله يشفيه ويعافيه بصراحة مادري شقول بس اهي بكل الحالات غلطانة لأن المفروض من البدايه كانت اسكتت وتحملت معاه على الحلوة والمره اللي سوته اكبر غلط
الله يشافية بس بصراحة ما عندها سالفة واذا كانت تبي واحد معاشة قوي جان اسألت قبل لا تتزوج وعموما اثبتت الدراسات ان اكثر حالات الطلاق سببها الخلافات المادية لا حول ولا قوة الا بالله الله يهديهم حق بعض ويصلحهم
يعني ما كانت تدري جم راتبه قبل لا تاخذه؟؟ الله يعينها على نفسها ويعينه على ما بلاه هذي بتصبر عليه شوي لانها تشفق عليه الحين في الوقت الحاضر بس عطيها جم شهر وهذا ويهي اذا اقعدت معاه
