بسم الله الرحمن الرحيم ... في قسم الثقافة الجنسية ... تتحدث المواضيع حول الوعي تجاه بعض الامور التي تجهلها المتزوجات ... بصراحة أستغرب وجود فتيات غير متزوجات بالقسم!!! و عندي سؤل فضولي ... نحن المتزوجات نقرأ لنتثقف لأنها ثقافة جنسية و الجنس لا يكون الا للمتزوجون ... و لكن أنتِ تقرئين لماذا؟ تريدين أن تطبقي ثقافتك مع من؟ ما فائدة الثقافة الجنسية بالنسبة لكِ؟ لا تقولي من أجل المستقبل أو عندما أتزوج ... فربما لن تتزوجي أبداً و تبقين بحسرتك تبحثين عن الثقافة عبثاً و بدون فائدة... ... هل تعرفين ماذا سيحدث لكِ عند قراءتك للمواضيع الجنسية في هذا القسم .؟؟ خيالك سيذهب بكِ الى أماكن كثيرة ... فأنتِ تقرئين و تقرئين و تثارين و تشحني طاقتك الجنسية الى أعلى المستويات ... ثم لا تفرغي هذه الطاقة فتتجهين لما هو محرم كالعادة السرية او التخيلات الجنسية او المواقع الاباحية او النظر فيما حرم الله ... أو حتى البحث عن عشيق تصرفين فيه ثقافتك ... لذلك احفظي نفسك و ابتعدي عن هذه المسببات ... مما رآق لي
انا في رايي المتواضع ان المقبلات على الزواج ضروري يعرفوا كل ما يخص العلاقة الجنسية والدخول لقسم الحياة الزوجية فيه الكتر من المعلومات المفيدة التي لا يمكن ان اعرفها انا شخصيا من شخص اخر بالاضافة لاخد النصيحة ممن لهم خبرة وتجربة في هدا الجانب لان الالمام بهده المسائل قد تساهم في تفادي الكثير من المشاكل في هدا الجانب سواء لارضاء الزوج او ارضاء نفسي معاه
صباح الخير احترم وجهة نظرج لكن هذا منتدى وقسم للمتزوجات يعني مفتوح للكل وصدقيني الي يبي يشوف ويسوي الغلط مفتوح له مو بس بالنت يعني الحين النيا تخوف وصدقيني البنات الحين يعرفون اكثر منا يالمتزوجات في اشياء ممكن تثقف فيها البنت قبل الزواج لكن مو هالاشياء بقسمنا بعض منها مشاكل لمتزوجات وتطلب استشاره يعني ماتفيد البنات نهائي وتسلمين
عشقي شمر صح كلامج وانا أأيدج الراااي صدقوني البنت تتثقف بعد الزواج بسنه ع الاقل احسن اول سنه بالزواج مايبيلها تثقف لانها فترة اكتشاف الشخصين فأنا ما انصح البنات يدشوون هالقسم
يووووووووووووووووووه الحين البنات كل شي يعرفووووونه انا مستغربة \\تصدقون في بنت تعلم وحدة مقبله على الزواج كيف تمارس الجنس مع زوجها وبالشرح اللي نسويه مع ازواجنا بعد زواجنا اللي مررررررر عليه اكثر من سنة من وين تعرف هالتطبيق الله يستر عليها يارب
يعطيج العافيه آنا مومتزوجه بس اشوف مافيها شي اذا تثقفنا يفيدنا بعديييييييييييين انشالله وكل واحد له وجهة نظره
هلا اختي عشق شمر ..انا احترم وجهة نظرج ..لكن لااااااااااازم البناات يتثقفوون .... وشوفيها يعني ..وبعدين البنت اذا تبا تسوي شي بتسوي ..يعني مااببتتريا موضوع منج انتي ولا من غيرج عشان تسوي شي حراام ... الحرام بكل مكان لكن البنت اللي تصون نفسهاا .. والبنت اللي اهلها مربينها عددددددددددل غيير.. اذا انتي ترمسين عن فئه انتي تعرفينها فهذا شي يعنييج .. لكن نحن والحمدالله ماعدنا هالشي ... وبعدين يعني لا تمنعيين البنات من قرااءة هالمواضيع شو فيها لو قرواا ... تراهم يجوفون هالشي بكل مكان .. ولعملج الخاص ... يعني .. انهـ البنات يعلمون المتزوجات .. وبعدين البنات عندهم افكار حلووه وايد وانا اجوف في هالقسم ... يعني ممكن يفيدون المتزوجات بمشاكل في حياتهم ولا غيره ... _-فطامهـ_-
مشالله الحين بناتنا يعرفون اكثر من المتزوجات ولا تنسين ان الانترنت موجود فيه كل شي ومعروف كل ممنوع مرغوب
أختي عشقي شمر أشكرج ع النصيحه الي أحسها من القلب وبارك الله فيج وودي أقولج أن كل شخص له تفكير معين ووجهات النظر تختلف من شخص للاخر ممكن يكون عندج شخصين بنفس العمر والمرحله بس تفكيرهم مختلف والزمن تغير والاجيال تغيرت والحين البنات الي بالمتوسط يعرفون أكثر مني ومنج <<< أنا عمري 23 ونوني سمعت بالسوالف هذي بحكم اني بمجتع كله متزوجات بس الحمدالله حافظه نفسي وعسى ربي يحفظني من كل شر<< اللهم أمين وما فيها شي اذا أخت تنصح أختها وتدلها ع الشغلات الي تفيدها وتنفعها لان أختها مو من جيل النت ولاتعرف فيه شي وبالنسبه لي << أنا أدور الي ييفع أختي لاني أبيها تعيش حياة زوجيه سعيده كذلك حياة أسريه مبنيه ع الحب والتفاهم وممكن تلقين بنت غير متزوجه تفكيرها أعقل من مرة متزوجه وأم عيال أو تلقين مرة طايشه ( بين 20_45 ) أردى من بنت عمرها 15سته وغيره من الانواع والشخصيات المختلفه وهذي هي الحياة فيها تبادل الخبرات والمعلومات بين جميع الفئات العمريه وأشكرج أختي ع النصيحه دمتي بحفظ الله وهذي هي وجهة نظري وان شاءالله ماازعجتج بشي
انا مو متزوجه بس لما ايي واقرى قسم متزوجات واخذ جم معلومه اقدر اقولها وفيد البنات الي معاي ويكون واعيه شقاعد يصير من حولي قبل لما يني ريال ويخطبني ما كنت فاهمه شنو زواج وشلون راح اتعامل ويا طرف الاخر بس الحين يمكن اقدر اشلون اتعامل مع جنس الاخر
اول شي الحمد الله والشكر والحمد الله على نعمة العقل توني ادري حرام هههههههههههه اصلا مو حرام اذا وحده قرت عن الثقافة الجنسية شنو هالتفكير انتي في اي عصر يمكن عصر الديناصورات الناس الحين كل شي اتعرف مو شرط متزوجه حتى الي مو متزوجه لازم اتعرف عشان تتثقف وتستفيد حق حياتها الزوجيه بعدين وما تنصدم واساسا ماله داعي الغلط وتقولين يمكن البنيه ما تتزوج ابدا وليش هالكلام والغلط
عشقي شمر فديت قلبج ليش غاطه ؟؟ فقدانج طمنينا عليج يالغاليه ...... يعطيج العافيه ع الموضوع الرائع ومن خلال اللي قريته اختلفت وجهات النظر (( وكلن وراأيه ماتقدرين تفرضين عليهم )) لكن بتكلم عن نفسي .. انا ما كنت اقراه ولا اهتم بهالمواضيع مع العلم اني عرفت شغلات كثيره من اللي حولي وخاصتا اللي حولي متزوجات وبنفس عمري وبعد ما ملجت حبيت اتثقف عشان اتأقلم وما اتفاجأ ويصيبني خوف ورعب واستنكار و و ...... يعني من هالسوالف .. وهم اشوف ما احسه عيب بالعكس عادي اذا كان التثقيف لنوايا طيبه اما اذا تتثقف عشان ما حرم الله فهذي الله يعينها ..... ماقصرتي حبيبتي
كلامج صحيح 100 % نصيحتك مره حلوه واللي تدخل وتحس انها بدت تسير مو صاحيه تطلع المفروض وماعد دش عشان لا تروح فيها.:75_75:
وانا مع فطامهـ الخراب بكل مكان والبنت المتربيه تحفظ نفسها والرديه الله يهديها ان شاء الله ,, ومو شرط اقرى عشان اطبق لا عشان استفيد والفايده حلوة ,,
