شنو رايج بالمشاغل عندنا ؟؟؟؟؟

ااااه يابنات انا حزينه لحال المشاغل اللي عندنا بالكويت

كل مال الذوق ويتدنى للاسفل

لحد يلومني هذي وجهة نظري

وخاصه المعارض كل من هب ودب يعرض


بقولكم موقفي وانتو حكمو ؟

من شهر رحت لمعرض ولقيت كل البدل تشابه

غاااااااااابه مو معرض اللي حاطه غصووون و ورووود فرااشات

هذي تسرق من هذي ...

فكره مني وفكره من هذي ومن الكاتلوج صارت مصممه

ومحد يكلمها ...............................


المهم الدنيا ارزاق وربي يوفق كل من تبحث عن الحلال ويرزقهم
المشكله وانا امشي بالمعرض لقيت وحده عارضه بدل حلوه وغريبه وشدني الشغل
والاسعار على 90 و100 وطالع

<<<<<< قالت مو مشكله اذا الشغل يسوى نقط هههههههه
وخيط اللي عجبتني وصاحبة المشغل عشتو ما تنازل وتكتب لج الفاتوره جايبه عارضات

والعارضات اللي جايبتهم 4 يعرضون ووحده ترد على الزباين وتكتب الفواتير
فصلت ودفعت عربون وقلت متى تخلص ؟ قالت بعد اسبوع
وطاف موعد الاستلام مارحت .. رحت عقب اسبوع من موعد الاستلام


ويوم جيت ياليتي ماجيت بيتها

قالت لي المشغل بالسرداب .. نزلت السرداب

والا قبر موووو سرداب

تخيلو معاي ... المنظر لا يوصف

مشيت اتلفت .... مليكانات مايله وطايحه على الارض

وستاندت مغبره عليهم هدم مكروووفه

ومحذفه عالاستاند حذف بدون تعليق

طاولات مغبره طبقاااات الغبار ومار عليها سنين محد لمسها

الارض ماتقدرين تمشين هذا طايح .... تمشين وتدوسين

عقب هالمسيره من الفوضى وصلت للمشغل وسلمت الفاتوره

وقالت الخياطه ماما يبي يدور دقيقه

وننطر الدقيقه صااارت ساعه ... وتدور بين الخام اللي طايح عالارض والطاقات

ومالقت بدلتي ............ عصب وقلت وينها .. والحل شنو ؟
قالت شوفي هالبدله اذا قياسج اخذيها ... بدلتي عباره 4 قطع

يعني السالفه اللي يحل يحل .......... مصخره بمعنى الكلمه

واخذ قطعتين قياسي ..... صارلي اسبوع اتردد عل وعسى تسلمني القطع الباقي


وعالفكره هالمشغل مدحوووو البنات هني .. وراعيه المشغل الله يسامحها ادق ولا ترد وانا حايسه بين الخياطات

بالامــــــانه ش رايكم بالمشاغل عندنا ؟؟؟

وخاصه المعارض ؟

واللة انج صاجة ..انا تبت اخذ من مشاغل ..انا بعد لو اقول قصتي تنصدمون ..واللة واللة واللة يحاسبنى ان كنت اكذب ..انى مرة رحت مشغل وعجبتنى دراعة لمجة حماي حيل حيل عجبتنى بالغصب اخذتها ب65 ولا جاهزة اذا تبين تفصال ب80 واللة عقب جم يوم رحت العربيد واللة واللة الدراعة هي مو اختها هي نفسها ..الخامة اللون القصة نسخ ,,,بجم ؟؟؟واللة 15 وكاسرتة قال اخر شي 12 تخيلو ...................انقهرت قهر ...مت مت من الحرة يعني لواحد يسالنى واقو من مشغل وشايفينها بالعربيد مايصدقونى ... وشكيت لزوجى يقول تستاهلين الحريم يقصون عليكم ..روحى اشتري خامة وكلفة وخياط شاطر ماتكلف 20 .. من يومها نبشت على خياط محترف اللي ابية يسوية وبجم يخيط ب 10 اغلى شي ...تووووووووووووووووبة من الحريم

نفس حالتي لقيت دراعه عند وحده ب 70 وماتنزل ولا فلس

وقلت عندي ضغط هالشهر باخذ كرتها واجيها بعدين


ورحت العربيد عقبها

والا الدرااااعه عند محل وجميـــــــــــــــــــــع الالوان ...

و20 دينار من الصدمه ما كاسرته

<<<< العاده انشف ريقهم هههههههه

فصلتها بدون تردد وحرمت افصل

لكن اللقافه خلتني افصل

وانا بعد منقهره

مشكوره انك تكلمتي في الموضوع انا نفس الشي رحت حق معرض من المعارض المعروفه وحصلتلي بدله حلوه وفصلتها 80 وقالتلي بعد اسبوع والحين لها شهرين حسبي الله عليها ولا ردت علي تلفونها بس مره ردت وكلمها والله بادب وسكرت التلفون في وجهي الله لايوفقهاوالله اكثرهم نصابات وتوبه مافصل لاانا ولا خواتي عند مشغل واسم المشغل الريان مشغل الريان ودايم موجوده في الرقعي والروضان ومشكوره ياقلبي علشان انبه كل الحريم منهم والله العظيم اني مااكذب عليكم ربي بحاسبني علي كل كلمه قلتها:cry_smile::cry_smile::cry_smile:

موفقين ان شاء الله
يسلمووووووووووووو

صاجه وربي انا بعد صار معاي هالمووقف ياخذوون البعض مو الكل من العربيد ويبيعون وربي انا الحين افصل موديلااتي بنفسي الا اذا تبون الصج اروح افصل للعيد الفخماات بس عند أللي ماتعرض بمعاارض واحس شغلها غريب ماشفت نفسه بالعربيد والحمدالله عالعااافيه ياابناات يسلمو عالموضووع مهااوي قلبي

ام السعاده حبيبتيمايضيع حق وراه مطالب ركضي ورا حقج اذا كانت لي الحين موجوده بالمعارض

ونقطة ضعف صاحبة المشغل لاتسبين شغلها جدام الناس .. انت روحيلها بالمعرض واذا شفتي عندها زباين وريها فاتورتج وقولي ابي عربوني .. بطلت اخيط عندج .. وصدقيني تستحى على وجها وماتبي الزباين يهجون

وراح تكلمج بادب وتردلج عربون وهي مبتسمه

انا مجربه هالحركه .... حركات يعني جدام الناس حنا طيبات وخوش خياطات





عسوله سعوديه اشكرج على المرور والدعوه الحلوه .. ربي يوفقج




ريونه كويتيه والله انج صاجه بكل كلمه .. يستغلون حاجتنا وياخذون من العربيد ...........


يالله يابنات كل طقه بتعلومه

ام السعاده انا نفس الموقف مريته ومن نفس المشغل اثرهم مع كل الناس وانا احسب بس انا عموما بنات لاتحبطوني انا بديت مشروعي بدل للعيد ورمضان وحجزت الهيلتون اعرض فيه وشغلي ما فيه تقليد كله من افكاري تنصحوني ما دش معارض زين وين اعرض عفيه ساعدوني والله انا مو نفس هالحريم الجذابات انا هوايتي تصميم يعني ماعندي سرقات وكل اللي يعرفوني شجعوني قالولي انتي عندج ذوق وفناتق واغلب اللي بالمعارض كله شغل عربيد ومع ذلك ماشي شغلهم ابدعي واشتغلي بس انا خايفه من التقليد اخاف ادش ويبوقون افكاري بنات انصحوني

حبيبتي قلبي طيب ربي يوفقج

والهيلتون من المعارض المميزه وفيه قبول .. وبالعكس احنا نبي بنات من عمرنا وكويتيات يصممون

وانا احي فيج هالموهبه .. وربي يوفقج .. من كل قلبي

معرض الهليلتون انا خذيت منه بدله قبل سنه والبسها وكل من سال عنها

والحمدلله ماشفتها باي مكان ثاني ...

الهيلتون مكان راقي و انصحج تعرضين فيه وسوي كرووت عشان الناس تجيج بالبيت ومن وحده لي وحده تصيرين مشهوره


واهم شي دزيلي عالخاص بلغيني متى العرض علشان اجيج


وربي يوفقج

فديتج يامهاااي ونشالله ابشري اول وحده راح توصلها الدعوه انتي ياقلبي

حياكم الله بمعرضي للقمصان والبدل اسعاري من 15 الى 30 وربي يشهد
وماتتعاملين مع اي احد تتعاملين معاي واذا مستعجله يخلص ب 4 ايام وبدال الخط حاطه خطين وماحب استلم طلبات وايد يعني كل اسبوع 3 اوردرات مو اكثر عشان اركز فيهم وارضي الزبونه يعني بصراحه اشتغل بضمير
وان شاء الله تغيرون فكرتكم عن المصممات بعد التعامل معاي

حبيبتي لولو ستايل اشكرج على المشاركه

وربي يوفقج ويرزقج بحلاله عن حرامه

و كونج تردين عالمكالمات وتجابلين شغلج

هذا بحد ذاته اكبر اهتمام

وربي يوفقج ... وانشالله بمر عليج قبل رمضان

صج كلامج بس الحاجه وما تسوي