تجمع بنات التجاري

مرحبا بنات

حبيت اكتب هالموضوع لبنات التجاري
نتجمع هني ونتناقش عن دراستنا واساتذتنا
ونشكي همومنا
يللا منو معاي

اهلين معاج ريكا متخرجة صارلي 6 شهور ولي الحين ما توظف بسبب تخصصي الي طايح حظة

شنو تخصصج اكيد قانون

اي قانون للأسف :sad_smile: وانتي؟

انا تخصصي ادارة وانشالله خريجة بالصيفي بس انتي ادعيلي

الله يوفقج تخصصج حلو وبسرعة تتوظفين انا كل رفيجاتي الي تخصصهم ادارة توظفوا ومبروك التخرج مقدما

تسلمين حبوبة وانشالله تتوظفين باسرع وقت

الله يسلمج وين قطوح ميداني؟

هههههههه حلوة قطوج هذي
حطوني بمنطقة حولي التعليمية

هااااااااااااااي بنوتات .... ياي ذكرتوني ايام التجاري ايام ماتنسي مع احلى رفيجات <<<<اندمجت:teeth_smile:
الله يعينكم ذكرتوني بماساتي انا متخرجه صارلي سنه ونص تقريبا والحين متوظفه صارلي اربع شهور :74_74:
عانيت معاناة عشان الوظيفه ؟؟؟ والحين كارهتها "محد عاجبه حاله"....
اسمحولي طولت عليكم بس "قلبه متروسه" هههههههههههه وسراحه العنوان جذبني

اتمنى لكم التوفيج ....
تقبلي مروري .....
:rose:

حياج الله شفايف توت
يابختج تخرجتي وافتكيتي عاد انا ما احب هالكلية وانطر اليوم اللي اطلع منها على نار

يسلمووووووو حبيبتي وبييج اليوم اللي بتطلعين منها ان شاء الله

وبتكون ايام التجاري ذكريات سهالات .... بس نصيحه لاتفكرين

واااايد صدقيني ....ونبي نشوف عاد حماسج للوظيفه:wink_smile:

تقبلي تحياتي ....
دمتي بصحه

لول لانة ما يحطونة بالمكان الي نبيه يقطونا قط الله يوفقج بس انا بعرف المنتدى فية وايد ناس بس ليش مافية مواضيع؟؟؟ شي غريب

هلوووووو
بنات كليتي شلونكم
انا صارلي سنو بالكلية وتخصصي ادارة

ريكا يلا همتكم حطو مواضيع

فديت عيوني هلا ومرحبا فيج حتى انا تخصصي ادارة

هلا بنات آنا خريجة معهد تجاري وصارلي 4 سنوات متوظفة وتخصص إدارة بس أحس روتين الدوام ، وقدمت أوراقي أكمل دراستي بالجامعة العربية المفتوحة وناطره النتايج وإن شاءالله يقبلوني

هلا سنابل
انشالله يقبلونج وموفقة انشالله

اي بس شي غريب صج مع انة وايد بنات يدشون المنتدى شنو اهو قديم ولا يديد توه؟؟

ريكا والله مادري بس اتوقع جديد

السلام عليكم ...

بنات بسألكم هل في فرصة إن أكمل الدراسة في المعهد التجاري وأحصل على شهادة البكالريوس ...

بإنتظار ردودكم ، ومشكورين ما قصرتوا :smile:...