انا قلت دقي ودزي مسجات بس موتكبرين راسه .. خلاص سكتي عنه فتره ولاتدزين مسجات ولا تدقين ثقلي حييل عليه حسسيه انج تعبتي حاولتي تراضينه بس ماكو فايده لانه اهو يدري انج تحبينه وماتستغنين عشان جذي مخليج على ماي بارده.. لاتفسقينه نصيحه..
حبيبتي حاولي تخلين احد يعزه من اهله او اهلج ان يكلمة ولا تحنين علية بس قوليلة انج تحبينه وان بينكم بنت وما تقدرون تعيشون بدونه وبس وخليه يقعد مع نفسة لان الريال يمكن جدامج يبين ان مو عاجبة كلامج ويحقر بس عقب يفكر بالكلام الله يهديكم ويردكم على بعض اكثري من الاستغفار وقراءة سورة البقرة وحرصي على صلاة الفجر بوقتها
يعطيكم العافيه خواتي حبايبي حبيت ابشركم انه احنا تراضينا ورجعنا حق بعض وقا احاول انه ننهي اي مشكله تسير بينا وانشاللله اتكون اخر مشكله يعطيكم العافيه يا احلى منتدى واحلى قروب كلكم عطيتوني نصايح حلوه يعطيكم الف عافيه وانشاللله ولا وحده اطيح بمشكله
الحمدلله الله يخليكم حق بعض انصحج باذكار الصباح والمساء عشان الشيطان ما يصير بينكم وبعد كل صلاة لااااااااااااااااااازم انج تقرية اية الكرسي
حبيبتي الله يعينج يمكن عين او سحر شوفي احد من القريبين منه خليهم ياخذونه للمطوع يقرون عليه انا ريل خالتي جذي جته فتره مايكلم احد 24 ساعه ساكت ومهموم حييييييييييييييييييييل وبعدين اخوانه ودوه للمطوع واللحين اسم الله عليه مافيه شي حبيبتي صدقيني عين او ان ريلج عنده مشاكل ماديه ويمكن مايقدر يصرف عليج ولقآآها حجه عشان يطلقج لان ا الريال مايحب يحس بالعجز او انه مايقدر يصرف ع بيته ع العموم خلي ابوج يكلم اخوانه او ابوه ويوددونه للمطوع حرآآم تتطلقين توج صغيره وعندج بنت وعسى ربي يكتب اللي فيه الخير
انتييييييييي غلطااااانه شنو تروحين وتخلين بنتج بيد خدامه بيديتي عرس مادري حفله على بنتج وريلج مو غلطان وعلى فكره انا متزوجه عن حب وزوجي اخس من زوجج من كل شي مانعني حتى من اهلي شرايج !! لبس ما يخليني البس وحرم علي المكيااااج حتى بالمناسبات
شالسالفه شغله بسيطه وماتسوه بيطلق هذا يبى الشاره خلي احد كبير يتفاهم معاه عدل ابوج اخوش عمش يقولوله بنات الناس مولعبه شغله تافه يطلق عليها
صرااااااااحه صج ريلج عسر و السالفه صج صج ما تسوى الله يعينج و يصبرج بس ابيج اتفكرين بشي اذا انتي الحيين على هالسبب بيطلقج اشلون اذا رديتي و تميتو جم سنه قولي 10 سنين مع بعض ترى اهني بتبدي المشاكل صج
شوفي حبيبتي انا نفس سالفتك بس انا ما كنت غلطانه اهله الفوا لي سالفه انا ماقلتها كنت حزتها انفاس واحبه واموت فيه وهو بعد بس حاولت دزيت له مسجات يمكن باليوم خمس وجتني فكره دزيت له مسج قلت له بغيت الادويه اللي عندك انا تعبانه راح جا عند البيت دز مسج انا برا طلعي الخدامه انا الي طلعت له لبست عباتي ركبت السياره قلت له حرك واحنا بالطريق فهمته اللي بخاطري مقفل قمت اكسر خاطره بولدي اللي عمره اسابيع كانوا ناوي يطلقني شفته مانفع كلمت اخوي راح كلمه وكلمت رياجيل غير ثاني يوم خذاني كنت خالصه من الاربعين دزيله له هالمسج كاني فقدت الهوى بأسباب زلاتي آدم فقد جنته بأسباب تفاحه وجعل ربي يوفقج ويصبرج وانا حاسه فيج وثاني مره لاتكذبين عليه والله العظيم انتي نفس حالتي صبرت والحمد لله انامعه الحين
هلا حياتي انتي غلطانة ليش من الاول كذبتي عليه بخصوص بنتك مافيها شي كان من الاول قلتيله انها مو معاكي الان الزوج من يكتشف ان الزوجه كذبت عليه لو موضوع عادي يقوم يفكر ان اكيد قاعد تسوين شغلات ثانيه وانتي خاشتها عليه وهم حرام تضلمون بنتكم هي ماله ذنب انها تربه بين اسره متفككه بس لا تزعلين من كلامي انا والله ابي مصلحتك والصراحه اكثر شي كاسر بخاطري بنت وعسى ربي يهديكم ويصلح بالكم اللهم امين
الصراحه شي مايستاهل الطلاق !! كلميه فهميه قوليله بينا بنت وبعدين احنا كبار مو ياهل على اقل شي تقول بطلقج ,.,باجرمحد بيضيع غير البنت ,., كلميه بهدوء ويفضل انج تشوفينه ,., والله يكتب اللي فيه الخير حبيبتي ..
حبيبتى اللى اقدر اقوله لج عليج بالاستغفار وطنشيه عشان يقعد مع نفسه ويفكر ولا دزين له مسجات ومره ثانيه لا تجذبين عليه عشان الجذب حبله قصير وانتى تقولين انه يحبج من حب عمره ماراح يكره تحياتى اختى
الله يكون بعوونج يا الغلاا وربي حاسه فيج وبمشاااعرج بس شوفي لا تفقدين الامل وقعدي حاااولي معاه مره ومرتين وثلاث ومليون مره ابد لا تياسين قوليله علي ايامكم الحلوه ذكريه فيها ذكريه في بنته وقوليله تبيك ومن هالكلااااام حاااولي معاااه بس بصراحه انتي المفروض ما تسوين جذي يا ختي سمعي كلااام زووجج حتي لو انتي ما تحبين يقولج جذيه عااادي طوووفيها لا واحد فيكم يضحي علشان الثاني افا عليج سمعي كل كلمه يقوله لج تمسكني ليمن تتمكنين منه ويا رب يا رب يردلج مثل قبل واحسن بعد يا حيااااتي وترجي ربج وادعي ليل مع نهاار وخليج محاااوله وباذن الواحد احد يرد لج
حبيبتي انتي الله يكون بعونج انا حاسه فيج وحاسه بحرقة قلبج مو طبيعيه لان انا سالفتي نفسج بس تختلف شوي وهم انا متزوجته عن ومشاكل وبلاوي وعندي بنوته والحين حامل ولازالت البلاوي بس الوحده فينا شنو تسوي تستحمل وبما انج اتحبينه فعلا انا مع كلام الاخت خلي نقطة ضعفه البنت دقي من اي رقم مو رقمج وخليها اتكلمه خليها تقوله بابا مشتاقتلك بابا انا احبك ومن هالحجي وصدقيني اذا فعلا يحبج ويحب هالطفله راح يلين قلبه لان كلام جذي من طفله صغيره تذوب حتى الحديد وحاولي من هالمسجات الحلوه وبينيله انج فعلا ندمانه وقوليله مستعده احلف على قران اني ما اعيدها وبشرط انج ما تعيدينها ويارب الله يوفقج بحياتج وانشالله يردلج زوجك وترد فرحتكم مع بعض يارب وانشالله يلين قلبه عليج وعلى عياله
