.: الأرتيكـــاريـــا :.

السلام عليكم ورحمة الله وبركاته



باختصار يا بنات والموضوع باين من عنوانه .. حساسية الارتيكاريا ،

مت منها ذبحتنييييييييي قمت احكحك جسمي كأني مدمنه ..

ومرات الجسم يشب لووون احمررر كأنه جمرررررررررره

و الادهى انها تطلع وبعد شوي تختفي كُليّاً كأنه اللي جرى ما كاااااان .. وتطلع بمنطقه ثانيه!
كأنها تلعب معاي .. تتنقل بالجسم مثل الحيه ..
ومرات تاكل الجسم كله مررره وحده .. يسمون هالحساسية ( بالآآكلة )


وهذي صوره بسيطه لها يبتها من النت .. يطفح الجلد وينتفخ بهالشكل واكثر







سوولي تحاليل وما بين من شنو .. ماعرفوا لا من اكل ولا من دوا .. يقولون نفسيه

وفي ناس يقولون من العين ،، والله احترت


ياريت اللي عندها هالحساسيه وعالجت تفيدنا جزاها ربي خير وفي ميزان حسناتها :cry_smile:​

هلا أختي

اذكر من زمان طلعت فيني نفس طريقتها صوب الرقبة من جدام وكنت احكها وكأنها قطرة ماي تسيل من مكان إلى مكان كانت شي غريب عجيب لما اتذكرها استغرب !!
يعني بمجرد ما احكها تغير مكانها وتتمغط وتغير مكانها بسرعة !!
رحت للمستوصف وقالت لي الطبيبة هذي حساسية وعطتني مرهم واستخدمته
فهل ياترى اهي نفس الاعراض اللي وصفتها أختي ؟​

بعد قلبي ام عبدالله تسلمين عالتجاوب
اي والله نفس الاعراض ،، ان شاء الله تجاوبنا اي عضوة عالجت علاج معين وياب نتيجه معاها
وياارب تشافي كل مريض يااااااااارب

حبيبتى شفاك اللة و عفاك ان شاء اللة
و اللة ما لها علاج نهائى
اسبابها كتير جدا
بس خدى بالك من اكل السبايسى و نو عية البس و الاياف
و الحل الوقت هو علاج موضعى و حبوب للحساسية​

شفاك الله شوفي حبيبتي انا كنت اعاني من الارتكاريا من تقريبا 15 سنة بعد ماولدت بنتي مباشرة جتني شي عجيب لدرجة ان زوجي كان يتطنز على ويقول حشى متزوج صخله بس تتحكك وكانت شديدة لدرجة اني كنت اطق ابر كل يوم لمدة اسبوع كل شهر وطبعا عيزت وانا ازرط من الحبوب ولما سويت تحليل وطرشوا لندن قالوا لي اني فيني حساسية من ريش البط ( ما ادري من وين ايني البط ) المهم حبيباتي قعدت اعالج يمكن 7 سنوات وماكو فايده وكنت مع الابر وحبة الزيرتك آكلها 3 مرات باليوم لما الهمني ربي عز وجل وقلت حق روحي خليني اجرب اخفف جرعة الزيرتك بالتدريج يمكن يتعود جسمي وقمت اخفف الجرعة قمت آخذ حبتين باليوم لمدة شهر وبعدين حبة وحدة وبعدين حبة كل يومين لما امن الله عز وجل على بالشفاء والحمد لله والحين قامت ماتيني الحالة كلش والحمد لله واذا يت تجي خفيفة جدا بحيث ما يورم جسمي بس حكه خفيفة وتروح ثاني يوم

اي والله يبتيها عالجرح انا هالحساسية صارها 6 شهور معاي مرات كل يوم الاقيها بمكان ومرات كلش ما تطلع شعر او اكثر ورحت حق اكثر من دكتور جلدية قالي من الأكل ولا تاكلين شي في تاريخ انتهاء الصراحة مالقيت شي مافي تاريخ انتهاء المهم انا الحين صارلي سبووع مسوية رجيم ومو ماكلة غير مشاوي وهم فجأة صارلي 3 ايام ما راحت كلش كل يوم يزيد مكان يديد والصراحة لاعت جبدي الانتفاخ يفشل وكلة يقولولي شنو قارصج وللأسف علاجها ابر كورتزون تخفيها شهر وترد ومثل ما كلكم عارفين ابر الكرتزون مو زينة كثرتها وتسوي ماي بالجسم ..
والله انا الحين قاعدة ارد عليج واطالع الي بيدي وريولي (
تكفووون شالحل ؟؟

الله يشفيج ياارب

حتى انا كانت معي وعملت تحاليل وماطلع شي .

وكانت تطلع في كل مناطق جسمي .

احيانا باليدين واحيانا بالكتف واحيانا بأرجولي وأحياناً بالفخوذ .

بس صرف لي اخصائي الجلدية علاج والحمد لله اذا اكلت العلاج
وقفت الحساسية على طول .
واعطاني حميه وهي الابتعاد عن الفلفل والكلوركس بالذات لأنه كان السبب في الحساسية اللي فيني كذلك الإبتعاد عن جميع المنظفات اللي فيها كماويات مرتفعة , كذلك الملابس الجديدة يعني الأفضل لبسها بعد الغسيل .
انا بدأت معي من لبست ملابس داخلية جديدة

الآن الحمد لله من فترة طويلة انتهت معي هذي الحساسية .

مسببات هذي الحساسية كثيرة جداً حسب كلام الأخصائي والأهم متابعة جميع النشاطات اليومية لمعرفة المسبب الرئيسي لهذه الحساسية .
وهذي صورة العلاج بس ارجو مكم أخواتي عدم استخدامه الا بعد الإستشارة الطبية لربما تكون له آثار جانبية غير مستحبة لبعض الأشخاص




​