ضروري بروح ماليزيا

السلام عليكم ورحمة الله وبركاته...،​

عندي بعض الأسئلة عن ماليزيا بروح لها بإذن الله هذا الصيف وماني عارفة شي عنها سوى إنها روعة في الطبيعة والتسوق ..
:75_75:هل هي رخيصة أم غاليه ؟ وكم يكفيني للإقامة 10 أيام
:75_75:كم عملتها تساوي بالدينار الكويتي ؟
:75_75:أحسن الفنادق ؟ وكم أسعار الغرف ؟ ( طبعا أنا وزوجي ولدي عمره ثلاث سنوات )
:75_75:أحلى الأماكن السياحية والأسواق ؟ ومكان شراء العود البخور وشنط التقليد

• إذا كان هناك بعض النصائح والإضافات الله يجزاكم خير

نسييييت حبايبي أبي أعرف شنو الأشياء الضرورية آخذها معاي وكم قوة الكهرباء
مشكووووورين ،،، :redface:

هلا رياااااان
ان شاء الله تسافرين وتستميين بالسفره وتكون حلووه ومميزه وانا رايحه لماليزيا من خمس سنوات وهي مو رخيصه ولا غاليه
عادي واسعارها منااااسبه والفندق اللي ساكنين فيه كان اسمه برنس كان سعر الليله بهذاك الوقت 27دينار بس الحين اكيد غلا
وعن العمله هي تساوي بالضبط الريال السعودي والبخور والعود راح يدلونج عليه الكل هناك واللي يبعون فيه مغاربه يعني عرب وفي سواق تكسي تعاملنا معاه اسمه عبدالله هو ماليزي بس يعرب يتكلم عربي يعني مايحتاج تتوهقوون واذا لقيت رقمه بدزه لج لان اذكر كان عند اخوي وهي العطله اللي طافت كان في ماليزيا هو وزوجته وبسأله لج واذا حصلت الرقم قلته لج.
ونصيحتي روووحي جزر مو بس العاصمه كوالالمبور لانها رطوووووووووووبه خييييييييييييييسه اما الجزر جوها حلو وفيها براااد .
واتمنى اكون فدتج ويفيدووونج البنات ..
وتقبلي مروري حبوبه ..

جزاك الله خير يالغاليه q8-3soola أكيد إنك فدتيني بس راح أمصخها معاك وتكثر أسئلتي :
الكهرباء نفس الكويت ؟
أسماء الأسواق ،،،
والأشياء التي تمنيتي تاخدينها معاك من الكويت

هلا أختي دخلي منتدى المسافرون العرب بتحصلين معلومات أي أي بلد سياحي وإن شاء الله الاخوات يفيدونج من واقع خبرتهم الفعلية

والله ماادري عن الكهرباء اعذريني لان مااخذت ادوات كهربائيه وياي الملابس نوديها المصبغه والسشوار انا مااستعمله بس على مااضن نفس قوة كهرباء الكوبت .
والاسواق في توين تاورز المجمع التوامين هذا مورخيص لانه كله ماركات عالميه
وفيه سوق الاحد يصير السبت بالليل حلوو هذا ورخيص نفس سوق الجمعه وفي تقليد الماركات درجه اولى من جناط وساعات
تلقين فيه يبيعون كستنا تهببببببببل ههههههههههههههههههه
هذا اللي اذكره عزيزتي لاني فقدت الذاكره من عيالي ههههههههههههههههه
ومن الحدايق في الشلالات وفي حديقة الفراشات وفي ويندرلاند .
وتقبلي مروري.

وأنا الله يجزاكم خير بعد بروح شهر 7 مع زوجي وبنتي 3.5 سنوات فيدونا أنا ودي اروح بيننج وصن واي لاجون وجنتق الجبل وافاموسا واخر شي كوالمبور العاصمه حق التسوق يعني السكن ماادري لي الحين وإلي تعرف تقولنا وعن الاشياء الغريبه إللي تونس ناطرين ردودكم

السلااااااااام عليكم
شوفوا يا حلوين انا وحده رحت ماليزيا 3 مرات ورى بعض رحت لها شهر 12-2006 وشهر8-2007 وشهر 8-2009 بس آخر سفره كانت ماليزيا 15 يوم واستراليا شهر -- آآآآآآآآآآآآآآآآآآآآآآخ ودي اسفر بس للأسف هالسنه ما اقدر حامل ....
المهم يا خواتي بالنسبة للمعيشه اهناك والله الصراحه تقدرين اتقولين انج بالكويت تقريبا والكهربا بعد يعني انا ما لاحظت اختلاف بالكهربا وبالنسبه للفنادق عاد هذا تخصصي - شوفوا حبايبي انصحكم ابمنتجع صن واي لاجون لأن الصراحة أكثر من روعه اهو يتكون من فندق وشقق فندقية وفللللللللل ومدينه ملاهي واكوا بارك عجيبة ومجمع تسوق عووووووووووووووود وضخم - وانصحكم تقعدون فيه بس 3 ايام كفاية وبعدين عاد قربو دشو العاصمة واتغلغلو فيها - أقصد ان هالمنتجع ابعيد اشوي عن المنطقة التجارية واللي فيها الحركة يعني اول الوصول حق كوالالمبور قعدوا اهناك يومين ثلاث وبعدين عاد حولوا على احدي الفنادق اللي بشارع العرب ( تسميته اهناك وجنه اسمه اهناكphuket pentang street المهم حبيباتي بالنسبه لي انا كنت بس مع زوجي وقعدنا بفلل صن واي لاجون يومين وهذه صورة الفلل طبعا من النت لأن الصور وايد شخصية - تدرون بعد حمام سباحه خاص ومحد يدري عنكم .....


وهذه صورة المنتجع


وقدرت اطلع لكم صور الشارع اللي اقول لكم عنه تسكنون فيه بالعاصمة

وبالنسبه للفنادق اهناك الصراحه اغلبهم 5 نجوم وعني شخصيا اول مره قعدت بالفندق اللي يم البافليون بالضبط ما ادري شسمه نسيته بس هالحجي بال2006 ما كان موجود المجمع حزتها حتى هالسنه غيروا اسم المجمع - المهم والسنه اللي وراها قعدت بالماريوت وهالسنه بالوستن والصراحة واحد احلى من الثاني والحين الاسعار - يعني اقل غرفه بالوستن مثلا 55 دينار الليله والسويت اينن طبعا والله قعدنا الليله تقريبا 100 واشوي بس عجيب بحط لكم صور منه
طبعا هالغرفة اللي فوق اقل وحده يعني الفرق الفيو التون تاور وهذه العام حاسبينها اب60 الليله

وهذه السويت تكرمون الحمام والغرفه


وعنكم الماريوت الحين شوفوه
ويتبع ..... تابعوا معاي ما خلصت وأبي التشجيع يا جمااااعة خصوصا من اللي يبون المعلومات

اي حبيباتي وصلنا خلصنا من فندق الماريوت وعلى فكرة هالفندق فيه مجمع من 5 او 6 طوابق كله بس ماركاااااااااااااااات شي عجيب
والله كل الفنادق اهناك حلوه بس اذا ابنتكلم عن كل فندق ما انخلص !!!
وبالنسبة للمجمعات عاد اهناك تخصص تسوق وخساير انا شخصيا كنت اقعد من الصبح اتريق وابدأ المشوار ريلي يكون نايم ما يقعد الا بالوحده الظهر ويدق ويقول لي وينج انا ياي - طبعا اهناك المجمعات اتبطل من العشر ليه العشر بليل واختكم من عشر الصبح بالسوق لا وخل أضحكم اشوي ساعات لمن ريلي ايي لي اكون خالية ما معاي شي يقول لي غريبه مو شاريه شي اقول له جان سألت اللوبي اهناك شنو عندهم امانات حق غرفتنا :tongue_smile: ....
المهم بالنسبه للمجمعات خواتي فيه اللي بالشارع نفسه البافليون وهذا ترى بطل توه بال2008 شي خيااااال الافنيوز يطلع حفيده :biggrin: وفيه بعد lot 10 وفيه يمكن ابهالشارع 5 مجمعات وفيه بعد التايم سكوير يعني مشي من فندق وستن ربع ساعه تقريبا وهذا هم يتكون من فندق وشقق ومجمع ومدينه ملاهي وصالونات عربية ومنتجعات صحية والله اينن بعد
يالله تستاهلون المجمعات
lot 10

البافليون



وهذا التايم سكوير الملاهي والمجمع

وهذا klcc اللي يم البرجين التوأم

اشدعوووووووووووووه ماكو اي مشاركة ....... الله كريم

المهم انيي الحين حق منطقة جنتنغ هذه تبعد تقريبا ساعه ونص من العاصمة اهي فوق الجبل وفيها تلفريك وملاهي وفنادق وسوق انا الصراحه ما رحت لها ولا مره بال3 مرات لأن المكان يشبه اماكن رحت لها ابسنغافوره واستراليا فالصراحه مليت من التلفريك



انيي الحين حق الجزر انا رحت 3 جزر لانكاوي وبيننج وبانكور
اول شي بانكور الصراحه قعدت يومين بس بالمنتجع اكل ونوم وسباحة فقط وقعدت بالكوخ اللي عالبحر وهذه صورته

والحين الفندق اللي قعدة فيه ابلانكاوي اسمه وستن لانكاوي وانا قعدت بالفيلا معاها حمام سباحه شي خياااااال وهذه الصور



والحين هذا اللي قعدت فيه ابجزيرة بيننج الصراحه اهو احلى فندق اهناك في واحد 6 نجوم ورحت له تافه وكئيب وشهر 8 المنظر فيه جنكم قاعدين ببنيد القار من الملابس المشروره عالبلكونات
بحطلكم الاثنين أول شي اللي قعدت فيه مرتين وره بعض اسمه بارك رويال



وهذا اللي خابينه عالفاضي واسمه شانجرلا راسا سايانج


طبعا جزيرة بيننج فيها مجمعات ورحلات وكل شي بس لانكاوي يعني حق شهر عسل حلوه وتقدرون تطلعون رحلة من بيننج حق لانكاوي اهي اتصير يوم كامل من الصبح سفينه تطلع واتروح اهناك واتزورون كل الرحلات اللي فيها ابيوم واحد كفاية - ولا انسى اقول لكم وانتو رايحين بالطريج اتشوفون العباره توقف ابجزيره وينزلون ناس اهناك هذه رحله اتيننننننننننننننننننننن مو اتطوفكم هذه الله يسلمكم رحلة snorkling يعني غوص تلبسون الزعانف والنظارة واللي تتنفسون فيه وتسبحون واتشوفون السمج الملون ويخلونكم تقريبا 5 ساعات بس وناااااااسه والله انصحكم فيها
اممممممممممممم
خلأشوف لكم صور من رحلات لانكاوي
بس بالتكملة

ما راح اكمل لمن اشوف تشجيــــــــــــــــــــــــــــع

روووووعه الصراااحه والاحلا الفلل الي بالمسابح عجييييبه تسلميين على الموضوع الشيق احب هالسوالف هههههه

يا رررررررررررررررررررررررررررررررررررررريت اروح ماليزيا

يالله ياشيرين



وينك



الصور تحفة

روووووووووووووووووووووووووووووووووووووووووعة

بصرااااااااااااااحه وصفج لها روووووووووووووعه و يليت يا حياتي تقولين جم تكلف الرحلة بالأسعار أهي غاليه حيل و ألا شوي و بحدود جم وشكرااا ومتابعه معاج

مشكوره عالموضوع

سجلت عشانه

^_^

حبيبتي انا رحت لها السنه اللي طافت (طبعا جنتغ عجييييييييبه سكنت بفندق the first world) فندق وداخه كافيهات ومحلات والعاب بره وداخل الفندق وجرها حلوو )

(كوالمبور) حلوه طبعا التسوق فيها عجيب وانتي من تركبين التاكسي سأليه عن الشوبينغ وبيعطيج اسامي المجمعات وذا تبين جناط رخيصه روحو سوق الليل ويكون عنده كاتلوجات الاماكن ..

وفي سفاري (حديقه حيوان) ,., وجزيره بلينغ عجييييبه سوالف بحر ووبرشوتات ..

واذا عن الاسعار على حسب في اشياء رخيصه وفي عاليه ,., ولا تنسين تروحين شارع العرب ,., وانشالله اكون فدتج ..

الله يعطيج العافيه تقرير وايد حلو انا انشالله بروح شهر 8 يله ننطر البقيه

يلللللللللللللله كملي انا اول المشجعين لجح لان بروح بتاريخ 20-7

يعطيج الف عافيه على هالمعلومات والله فدتيني لاني بروح تاريخ 5_8 كوالالمبور فندق ماريوت وبيننج فندق هوليدي ان واول مره اروح انا وزوجي وابي معلومات
وشكرا