شلونكم أعضاء منتدى سيدات الكويت أنا بصراحه متضايقه حيل حيل ما تتخيلون مع إنى حديقه مملوءه بالزهور قلبى طيب إنسانه خلوقه وكلى إحترام لكن للأسف طعنت من قبل إنسانه من أهلى بكلام لا تتخيلون جارح جداً ولم أرد عليها نهائياً ولو كان أحد غيري جان والله ذبحها أنا ما سويت شي دشت البيت على وتصرخ وتسب وتلعن وتطق وتحذف تكرمون بالحذاء على سالفه هى كانت السبب فيها قال لى من حولى إذا يت البيت لا تردين عليها كلش وما رديت عليها كلش بس اللي سوته مو شوي أنا ما قصرت معاهم وكنت واقفه بالحلوه والمره معاها ومع ريلها بس للأسف هذي حال الدنيا ومن يومها زعلت وايد ولو إنى كنت أقدر أرد عليها بس ما رديت ىإحتراما لوالدي ووالدتى وإلحين صار يوميين بس قررت ما أكلمها كلش ولا أعبرها للأبد لآنها ما تسوا الواحد يكلمها إنسانه هابطه بمستواها الأخلاقى هذا اللي فكرت فيه بس هل تتوقعون تفكيري صحيح أم أروح أرد عليها وأأدبها لا ما أحب أكون هابطه بإسلوب مثل إسلوبها وشنو الواحد المفروض يسوي ويا هالناس اللي جذى أخلاقهم ناس غرباء سليطيين اللسان أرجوكم ساعدونى أنا بالإنتظار .
لاحبيبتي اعملي بأخلاقك ولاتردين لها بمثل اللي سوتة وان شاء الله ربي بياخذ حقك منهآ عموما ياقلبي خيركمآ اللذي يبدأ بالسلام .. يعني انتي رآعي اللي بينك وبين الله ومالك ومآل الناس .. لاكن خلي العلاقة بحدود لاتتجاوز رد السلام وزيارة المريض ....الخ من الحقوق الدينية لأن قطيعة الرحم مو زينة حبيبتي.. والله يهدي بالك ويصلح بينكم ... ويعطي كلن على قد نيتة
هي اصلا مستواها هابط سوري حتى لو كانت من قرايبك مو معقولة تتعامل بهالهمجية وطريقة بنات شوارع سوري يا اختي الي عملتيه كان صواب سفهيها لانو هدا مستواها والله يكملك بعقلك واخلاقك
ياغلااااي انتي ماعليج ولاتضايقين نفسج ياقلبي انسي الموضوع ولاتعطينه اهمية انتي شايله هم الموضوع ومتضايقة واهيا اللي قاطه الكلام مستانسة ومرتاحه لا تشكين للعباد اشكي لرب العباد احسن منا كلنا
وحبيبتي زين سويتي ولا ترديين عليها وحرصي على اخلاقج العالية بس اذا بالكلام كيفها واذا حاولت تطلع حجي واتشوه سمعت بين الناس لازم توقفينها عند حدها
السلام عليكم ورحمة الله وبركاته اعجبني تصرفش أنش مارديتي عليها لان واحده نفسها ما تستاهل تردين عليها أختي حبيبتي أنتي لا اتضايقين نفسش عشان وحده مو محترم نفسها وغيرها أنتي كوني احسن منها وبعدين أنتي عاد مو كلش تسكتين لازم اتوقفينها عند حده ولا بتقول عنش هذي أنسانه ضعيفه وما تقدر اتسوي شي وكل يوم اتسفل فيش أنا مو أقول والله طقيها والا اتهاوشي معها أنا اقول واقفيها لازم اتوقفينها عند حده هذي نصيحتي وأتمنى يارب لش التوفيق (( يارب سهل أمورها ووفقها وارزقها الجنه وساعدها وفرج همومها يارب العالمين )) يا قلبي أتمنى ما ضايقتش وأنا أقول رحوله بعد صادقه بكلامها تقبلي مروري يا حبي
