السلام عليكم خواتي انا بدخل بسالفتي على طول ما حاب اطول عليكم انا طبعي ما احب اكلم اهلي بكل سوالفي مع زوجي واهله كتومه حييييييييييييييييل:red_smile: المهم ان صاري متزوجه سنه ونص وعندي ولد عمره 10 شهور مع العلم احب وزجي وااااااااايد واموووت فيه وهو بعد من تزوجت وزوجي اغلب حركاتنا وطلعانتا ةسوالفنا يروح يقول لامه انزل عندها تقولي كل شي كلمته مرات وقلت لا تعلم اهلك عن سوالفنا يقول ليش هذول اهلي نخانقنا واجد وصارت سوالف يموت باهله والمشكله اللي شاغله بالي ان هم مو مخليني بحالي كل يومين طالعين بسالفه عني زوجتك قالت زوجتك حطت زوجتك سوت عاد هو يجي منهد علي ما يعرف يتفاهم اي يقولنه عني هم صح انتي غلط:47_47: تحملت واجد صبرت ما كان عندي الا البكى ما اعرف اكلم اهلي عندي حماتي الكبيره حاطه دوبها بدوبي مع اني كافيه خيري وشري ماشيه بالحيط تجي تقول لزوجي زوجتك تشوف اخوك الصغير عمره21تطالعه تضحك بعدين تغطي نفسها انا كذا مره شفتها بس اهو والباقي ما تسوي فيهم كذا شرايكم:47_47: المهم: اخر زعلاتنا الحين جا زوجي سألني عن اهله وينهم قلت طالعين ثاني يوم راح لاهله يناقشهم ليش امس رحتهم متأخر وبدون محرم مع العلم ماخبرته التفاصيل سوا لي سالفه اني اناجاسوسة بكل شي اخبره وخالتي تقول ما ابيها بيتي طلعها زوجتك جاسوسة تبي تخرب بينا وحماتي داز لي مسج انتي غثيثا ع البيت وسبات رحت لخالتي كل مانزلت السلم عليها تقط لس كم سبه صار الحين 3 اسابيع ما نزلت لهم ما يبوني وزوجي عاجبه الوضع ما يعرف يكلمهم يخاف يقومون عليه ساكت وللحين خواتي وامي مايدرون بس انزل ولدي تكفون بنات ابي حل معاهم انا الصراحة ودي اطلع بشقه بس ودي اقوله اخاف يردني لانه وايد مع اهله فيدوووووووني ادري صدعتكم بسوالفي في اعبر من كذا بي اختصرت لكم ابي ردود وايد عشان اشوف الحل لهم:thumbs_up:
نفس حالتي انا كنت جذي مع زوجي صبري ودلعيه وتدلعي وخجليه بالهدايا وبالحركات كملي 3 سنوات لين تحطينهم خاتم بصبعج وراح يقلب على اهله صدقيني
مرحبا أختي أم سطان اول شي بقولج الله يعينج وثاني شي أن الله مع الصابرين بحكم أني توني بنت وعمري23 وماعشت الحياة الزوجيه للحين أبي أقولج وجهة نظري وان شاءالله تكون سبب في حل مشكلتج < اول شي كثري من الاستغفار لان علاج المشاكل والهموم ولاتنسين ربج وكثري من الادعيه اللهم سخرلي زوجي وألف بين قلوبنا,, اللهم ملكني قلب من أحوجتني اليه وإسلل سخيمة قلبه وإهده وإصلحه وسخره لي.عندج هذا دعاء اللهم حنن علي عبادك وإماءك واغني عني شرار عبادك ياارحم الراحمين يا ودود ياذاالعرش المجيديافعالا لما يريد اسألك بعزك الذي لايرام وبملكك الذي لايضام وبنورك الذي ملا اركان عرشك ان تكفيني شر (_____ ) يامغيث اغثني 3 واذا تبين تكسبين زوج اكسبي اهله شوفي شنو يحبون شنو يكرهون_ وابي قولج أذا عندج احد من اهلج يكون شخص متزن وينصح بالخير استشيره بالي قاعد يصير فيج يمكن يحل لج المشكلة لا تدخلين اشخاص راعين مشاكل . وأرد أقول كثري من الدعاء والاستغفار وعسى ربي يهدي لج أهل زوج ويسخرهم لج ويصلح فيما بينكم ويجمعكم ع الخير لاتنسيني بالدعاء
حبيبتي انتي عندج مشكلتين مو وحده ............ الاولى مشكلتج مع زوجك وحفظ الاسرار والثانيه مع اهله و الغيره اللي بينكم حبيبتي اذا انتي جاده وتبين تحلين مشكلتج ما يبيله مسكي ايد ريلج ونزلي تحت وقعدي جدام اهله وتكلمي لان ما في احد راح ياخذ حقج مثلج والريال ما دام انج ساكته عن حقج ما راح يدورلج عليج وفيه رياييل يحبون المره اللى تدافع عن نفسها وعن زواجها مثل ما قلت لج قبل شوي نزلي ولميهم وتكلمي بكل صراحه ومن غير صراخ وانفعال وسالي حماتج وبوجود حماج متى انتي سويت جذي وسالي حماج انت متى شفتني اسوي جذي وقولي لامه ليش تسبيني بالطالعه والنازله اذا انا مو زينه قولي شنو سويت جدام الكل ولازم زوجك يكون قاعد وتكلمي بكل صراحه والاهم ان يكون معاج شخص من طرفج بس يكون عارف ان فيه مشكله ونج تبين تحلينها علشان اذا بعدين صار شي ثاني يكون فيه احد من اهلج شاهد على الحق والشي الاهم من هذا انج اول شي تسالين نفسج شنو سبب المشاكل الحقيقي لاننا مرات نشوف المشكله وتطغي على السبب ويقعد نفكر بالوضع اللي احنا فيه مو بالسبب اللي وصلنا لهل وضع حبيبتي فكري عدل وشوفي نفسج بالاول اذا كنتي غلطانه بشي ترى الكل يغلط والحلو ان الناس تسامح وعلى فكره ترى غلطه منج او منهم يمكن انها توصل لمجموعة غلطات كبيرة وتتعقد المشاكل وان شاء الله اذا انحلت مشكلتج لا تشيلين بقلبج عليهم وتحياتي لج
شوفي حبيبتي انا مابيج تزعلين من كلامي ..اوكي ..الانسان مايشوف عيوبة..يعني انا مثلا امى ماتحب وحدة من حريم خواني والباقي عادي قولي يش؟لان كل سالفة تقولها لزوجها ويجي اخوي يهاوش..انا والحمداللة عمتي تموت فيني واللة عمرى ماحرشتة عليهم ..تخيلي سالني عن اختة قال حامل قلت مادرى وانا ادري انها حامل..مرة كنت توني فاتحة سيارتى من الوكالة وجانى حماي الصغير قال بروح الفرع وعطيتة سيارتى راح كسر البريك ..ثاني يوم رحت الدوام ولا البريك مكسور..زوجي شافة انجن وزفنى زف سنة بساعة انتى غشيمة وانتى وانتى وانتى سكت ..قلت سيارتي وكيفي رحت صلحتها على حسابي وبعد كم يوم كنا متجمعين وحماتي قالت جدام زوجي بجم كلفتكم دفاشة عبداللة..الى هو حماي الصغير..زوجي استغرب قال شكو عبداللة ..عمتى هنى انصدمت وقامت باستنى على راسي وقالتلى حيي اللة المرة اللى ماتفرق وثاني يوم راحت شرتلي خاتم ذهب..امانة لو انا قلت لزوجي جان راح طق اخوة وعمتى زعلت وكبرت السالفة..الحين منو اللى ربحان انا ولا هم..اتعظى حبيبتي ..ومهما كان لاتحرشينة على امة ..ترا كما تدين تدان واللة..واخيرا تصبرى
شوفي حبيبتي المشكله كلها تتلخص بشخصية ريلج أولا وايد ضعيف جدامهم وأهله شايفينا جذيه فوايد يتحكمون فيه ويتدخلون بحياتكم فبما إنه صارلج فتره ماتنزلين عندهم آنا من وجهة نظري هذا أفضل وخلي طلعتج ودخولج من باب ثاني مجرد السلام وعليكم السلام لاتزودين كلام وياهم عيشي كإنج في شقه بروحج ودام الكلام والقعده وياهم تييب عوار الراس فالباب إللي إييك منه ريح سده واستريح وبالنسبه إن ريلج كلشي يقوله لأهله فمالج إلا كثرة الحنه يعني دايما قوليله لا تقولهم،هذا الموضوع بيني وبينك،مابي أهلك يعرفون يعني على طوووووول نيهيه وقطي عليه نغزات وكثر الدق يفج اللحام
الله يعينج عليهم بس مردهم بيملون انزين وحولي انج ما تربطين حياتج بحياتهم وطنشي ولا تهتمين لهم ابد واذا ريلج سئال وينهم ما وينهم كلا قولي مادري ولا تقعدين حتي ويهم سلام سلام واذا اسئلوج عن شي جوبي بس عسؤال لا تكثرين ولا تيبن حق ريلج طاري ترا الريال ما يحب احد يتكلم عن اهله مثل ما انتي ما تحبين اهو يتكلم عن اهلج فلا تتكلمين عنهم جدامه وحولي تصلحين الامور علاشان لا تطلعين بشينه جدام ريلج وعيشي حياتج ولا جنهم موجودين فيها وكشخي ودلعي زوجيج ولا تهتمين وحولي تسعدينه لان الريال ما يحب انجره علا طول وخصتن لين تكون السالفه فيها اهله واذا علا الشخصيه مرده بينقرص منهم وراح تشوفين انتي حالتج نفس حالت ريل اختي بس اختي من النوع الي ما يسكت دايمن تتكلام وما تسكت عن حقها بس انتي لا تحولين انج تطلعين بشينه دايمن عمليهم احسن من معاملتهم عادي روحي اعتذي من خالتج بس علشان ريلج مو علشان شي ثاني واذا حسيتي ان كل شي يدرون عنه وسبب ريلج صرحيه وقوليله انا عندي خصوصياتي وما حب احد يعرفها اذا هم اهلك اهم مهمان ان غريبه متعلقه فيك مو فيهم وما حب احد يعرف كل شي عني انا اهلي ما يدرون عن اسراري معاك ولا افكر اني اتكلم عنها ورجوك يعني لا تكبر المشاكل بينا وبينيله ان الزواج شي بين اثنين مو عشر وهذي حياتج انتي وياه بس محد لازم يدخل فيها لان اذا دخلو راح ادشين مشاكل مالها اول ولا تالي ولا تين بوقت ويكون مطنقر شوفي الوقت المناسب ولي تحسنه زين للمصارحه مثل طالعه ولا علا الفراش قبل لا تنامون جذي يعني وصدقين اهو تعود ان يقول لهم كلشي فصبري لين يتمكن من نفسه و بعدين انتو توكم متزوجين ما صارلج وايد فصلحي من الحين ولا تسكتين كلمي ريالج وخذي صوبج حولي تطلعين بعينه زينه تقدرين والله والله يعينج ولا تنفعلين وتصارخين حولي تبينين المور عاديه وتتصلح بس يبلها وقت شويه والله يكون بعونج
انا كانوا معاي نفس الشي و زوجي كان نفس زوجج بس لما طفح الكيل و وصل الوضع ان حريم اخوانه يغلطون اشكره و اخته اصغر مني اللي السانها اشطوله و كذااابه قامت اتألف سوالف عقبها صرت اقعد بغرفتي و حتى الاكل امي تطرشه لي مع السايق أو اطلب من المطعم و اعيالي عندهم تحت, بس انا شايله نفسي و بالاخير خالتي امسكت زوجي تسإله اشفيها عازله نفسها فوق (يعني ماتدري) عاد زوجي ياني و قالي امي تسأل عنج و مستغربه من قعدتج فوق جان اقوله صج؟ عيل تعال معاي انا بكلمها جدامك و طبعا رفض و استغرب ليش وجوده قلت له ما اضمن ان اللي ينقل لك الكلام ينقله صح 100% نزلنا و كانت مع بنتها جان ابط كل السوالف و اهيه توهقت جدام ولدها و عقبها قلت فوق كل اللي صار منكم شفتوا مني شي؟ قالت لأ قلت لها يسلم راسج و انا بطلع من بيتكم مثل مادخلته بالطيب عقبها بأقل من شهر طلعت في شقه (طبعا عقب مازوجي اقتنع و شاف المناقشه بعينه)
