السالام عليكم وبادخل بالموضوع على طول قبل فتره اخذت عند الاستاذة سعاد دوره عن الطريق الى الوصول لافضل انواع العلاقات الزوجيه وكان فيها عدد من الاخوات وكانت دوره مفيده وممتعه بنفس الوقت ما تصدقون كنت انا وريلي عايشين بنكد وهواش على طول بس الحين والحمد لله قلت الهوشات وايد عن اول بس مازلنا نتهاوش بين الحين والاخر>>>>>>>>>>>>>ترى متعوب على هل جمله زبده الحجي اني سجلت معظم المحاضرات والمشاكل اللي تكلموا فيها الخوات واستاذنت منهم ومن الاستاذه اني انزلهم لكم فوافقوا مشكورات بشرط تغيير الاسماء وهكذا كان>>>>>من تاثير ولدي الصغير والامتحانات اليوم راح اسولف لكم سالفة الاخت مريم وسكرتيرة ريلها السكرتيره هذي بنت عربيه لها طموحاتها وعلى فكره تراها حلوه موت المهم الاخت حطت عينها على صاحب الشركه وبشطارتها يابته وتزوجها المدير على بنت عمته وام عياله ومحد درى بالسالفه بس الطمع وما ييسوي قررت السكرتيره انها ما تبي شريكة وانها لازم تكون الزوجه الوحيده علشان تتمتع بكل الثروه وكان لها اللي خططت له وتطلقت الزوجه الاولى ولجات الى الاستاذه سعاد ( معروفه عندنا بالسوسن) وقالت سالفتها مع الزوجه اليديده اللي خذت منها ريلها وولد خالها وابو عيالها وسالتنا الاستاذه شلون يتتصرفون لو كنتوا مكانها وكل وحده فنتكت شكل اللي قالت اشتكي عليه وطالبيه بالنفقه واللي قالت اخذي البيت واللي قالت طلبي الله يهديه واللي قالت قطي عياله عليه ويا كثر الحلول اللي عطيناها وكلها من حرة قلوبنا عليها من مرته الثانيه بس الاستاذه ما شاء الله عليها قالت خواتي بموقف مثل هذا لا تفكرون بالانتقام فكروا بالحل وين الحل بكل اللي قلتوه ؟ اذا اشتكت عليه ما همه عنده بدال الالف الوف وبدال البيت بيوت واذا قطت عياله اهم اللي راح يتبهذلون ............لا موجذي التفكير الاخت تبي ريلها ما تبي تخسره والحل عندي اهو في الزوجه الثانيه لازم ندرسها ونشوف شلون قدرت تقلب الريال قوف تحت بمده بسيطه شنو عندها -الشباب - الجمال - الدلال - اللسان الحلو وانتي يا مرته الاوليه شنو عندج من هذا ولا شي قالت المره اهي صغيره وتعرف تتدلل وتتدلع وبعدين اهي حلوه وايد وانا لا يعني شلون ؟ ردت عليها ومنو يقول انج مو حلوه غيرج ---ومنو يقول انج ما يصير تتدللين على ريلج حتى لو كبرتي بالعمر --- وبعدين الريياييل يملون بسرعه من الدلع الزايد يعني ينبهرون فيه شويه وبعدين يملونه المهم ان الاستاذه طلبت منها انها تغير ستايلها بلمره ولما يات ثاني مره ما عرفناها وجنها صغرت 10 سنين وبعد ذلك ( لازم شوية فصحى) طلبت منها انها تروح الاماكن اللي تعرف انهم يروحون لها بس تروح مع صديقاتها وتقعد بمكان ملحوظ وتتبوسم وتضحك على طول علىشان يلاحظها ابو الشباب الخطوه اللي بعدها انها تطرشله مسج على اساس انها مطرشته بالغلط وانه حق رفيجتها ويكون نكته زوجيه ( عرفتو القصد) اللي بعده انه راح يدق عليها ..............تجاهليه تماما.......اشتري سياره يديده اخر موديل وتكون غاليه واخذي اليهال وديهم لابوهم زياره وكوني كاااااااشخه وقوليله خل اليهال عندك لاني ابي اطلع وخليه يلاحظ التغيير اللي سويتيه ( وكثري منها هل روحات) ثم بعد ذلك اتروح له الشركه ( وتكون بقمة الكشخه ) وتقول حق الفراش يروح يبلغه انها تبيه وتروح تقعد بمكتب ولد عمه ( نائب المدير ) وتسولف معاه باي موضوع واذا ياها الفراش وطلبها تقول له لا انا ما كنت يايه حق المدير انا كنت ابي نائبه وتسولف معاه باي سالفه وبعدين تقول له مثلا ان ابوها يبيه اليوم بالبيت اللي صار ريلها ياها يركض لما درى انها يايه تكلم ولد عمه مو له وشافهم يسولفون الظاهر تحسف عليها ولما سمعها تقول له ابوي يبيك دش بالموضوع جان يقول لها وابوج شيبي ؟ قالت له انا كنت اكلمه اهو مو انت ....قال شدعوه ما جني ابو عيالج ؟ قالت له صج يعني متذكر؟ والله زين ..........وتركته وظل يدق عليها اكثر من اسبوع واهي ما ترد عليه الزبده طولت عليكم اهي الحين ردت لزوجها عقب ما ين عليها واول شي قال لها شلون سويتي فيني جذي يننتيني ما كنت اقدر انام الليل وطول الوقت معصب ومتضايق بس اهي طبعا ما علمته وطبعا لازالت الثانيه موجوده وما دريت شنو صار عليها لاني انقطعت عن المجموعه وبس وخلصنا ترى السالفه اطول بس انا اختصرت فيها وايد وان شاء الله راح اسولف لكم سالفه ثانيه بعد جم يوم( جني يديده حبابه):tongue_smile::tongue_smile:
من صجكم خذيتوا دوره عند سعاد العلي وما قلتولي هذي خيانه:cry_smile: متى كانت الدوره ومتى الدوره اليايه ؟ المهم الله يكون بعونا من هل اشكال ورياييلنا ماشاء الله عيونهم تقولين رادار ما يطوفون اي وحده بس ياريت تقولين لنا شصار علي الثانيه
