السلام عليكم خواتي انا صارلي 3 سنين متزوجه وماحملت سؤالي ان انا سمعت اللي تبي تحمل لازم بعد الجماع ماتقوم وتقعد ساعه او اكثر على ظهرها... انزين يعني ماراح يصير الحمل اذا قمت علطول لان ماعندي وقت انام على ظهري علطول اتسبح منو منكم احملت وماكانت تنام على ظهرها يعني احملت وكانت تقوم علطول بعد الجماع بنات لاتخلوني بليز محتاجتكم فهموني
حبوبه لازم تنامين على ظهرج ساعه او اكثر او تنامين فيها بعد وتنامين على ظهرج وترفعين ريلج عرفتي انا الدكتوره قالتلي والله والله يرزق كل محرومه
بس انا ماعندي وقت اني انام ساعات اضطر اقوم اسويله عشا اوشي.مشكورة ع الرد فديتج بس بنات منو منكم احملت او عرفت وحده حملت وماكانت تنام بعد الجماع
اذا تبين تحملين بعد الجماع ارفعي منطقه الحوض بمخدة من تحت يا تكونين على بطنج او ظهرج بس شوي يعني 10د تقريبا والله يرزقج ان شالله
حبيبتي مو شرط سااعه علاقل 10 دقايق ولازم تكونين مسترخيه وهاديه مو شاااده ولازم ترتااااحين معااه فهمتيني ولاايسوي بسرعه خليه يتاخر شوي مووو يقذف بدقيقه ومااايصير حمل لاا خليه يطول بالمعااشره وحااولي تسوين روحج تعبااانه بعد المعااشرة عشااان تضلين علي ظهرج ربع سااعه واسترخي واستخدمي المرة بعد الدورة يمكن الاتهاابات
اذا تبين تحملين بعد الجماع ارفعي منطقه الحوض بمخدة من تحت يا تكونين على بطنج او ظهرج بس شوي يعني 10د تقريبا 9aa7 klaaamich ana 7maalt chethy bs 6yaa7t
الغالية:اكثري من الاستغفار استغفري الله بنية انج اتحملين والله بيرزقج هذي قصة واقعية مجربه والله يرزقج
حبيبتي اخاف عندج مشاكل بالرحم يعني نازل او شي ثاني يبي ردادة ترددج و اخذي لهوم وقت الدورة تنظف الرحم و شربي بردقوش ينشط المبايض ورحتي فحصتي والا لا؟؟؟
مرحبا اختي بشاركج تجربتي .. انا حملت بعد ماكملت سنه تقريبا من زواجي وكنت فبداية اول 5 شهور من الزواج ماخذه الامر عادي بس بعدين تميت افكر واقول متى ياربي بحمل لدرجة اني احيانا ابجي .. بس صدقيني بعدين حاولت اهدي نفسي والحمدلله ريلي انسان متفهم كان دايما يصبرني ويقولي هالشي مب منج ولا مني بايدين الله سبحانه وتعالى والحمدلله صبرنا بس نصيحتي لج انا كنت دايما ادعي ربي ويوم الجمعه اقرا سرة يس والصافات وادعي ربي خصوصا فاخر فترة العصر قبل المغرب بشوي الدعاء مستجاب والشي الثاني اني سرت عند دكتوره بس اطمن على صحتي قالتلي كل شي على مايرام وانشالله بتحملين قريب وهالشي عطاني امل الحمدلله,,,وصدقيني بعد كم شهر حملت وشكرت الله سبحانه وتعالي وانشالله ربي يرزقج قريب بس اكثري من الاستغفار والدعاء فصلاةالتهجد وقراءه سورة يس والصافات وسورة مريم بعد ..وبخصوص النوم عالظهر سمعت عنه وجربته بس انا نفس حالتج ماعندي وقت كنت بس تقريبا 5 دقايق واذا كثرت 10 دقايق وانشالله ربي يرزقكم جميعا وبدعليج فصلاتي انشالله تحياتي لج
والله انا نمت على ظهري وشربت اعشاب قالوا زينه وحطيت مخده ماصار شي ويوم تهاوشت وياه بعد الجماع وقمت بسرعه وخليت هالشي يد الله ولا تفكرين التفكير مو زين انسي الموضوع جان احمل ومو حاطه بالي كنا بنسافر وكنسلنا لاني حملت الله يكتب والله وموفقه يارب اقري قران ووالهي باي موضوع ثاني
يا الغالية ... عندج طريج واحد ماكو غيره ... وهو طريق الدعاااء لله سبحانه بقلب صادق ومنفطر والدعاء بهذا الدعاء " اللهم لا تذرني فردا وأنت خير الرازقين " والله ما دعى به أحد إلا استجاب له بإذن الله وهو مجرب والله على ما أقول شهيد ... الى جانب كثره الاستغفار والإلحاح في الدعاء في السجود ... وربي يرزقج بإذن الله ...
السلام عليكم شوي حبيبتي فيه واجد حملو من غير ما ينامو على ضهورهم وفيه الي حملو من برة بس بس كل واحد وجسمه وانتي مبين انه عندك صعوبة فالحمل الله يرزقك بس انا اعرف وحدة 3 سنين ما حملت والله وقلت لها هالطريقة الي سمعتها من الدكتور ومجربة انك تنامين على ظهرك وتحطي مخدة تحت ظهرك وتحلي السائل برحمك لا تخليه ينزل واقعدي ربع ساعة وحاولي تحسبي ايام الاباضة متى تكون وحاولي تسوي جماع مع زوجك فيها كل يوم الله يرزقك ويفرح قلبك يا رب
شوفي ياقلبي بعد الدوره حسبي فترة التبويض عندج وبعدها خلي الجماع يكون بينج وبين زوجج وسالفة انج تنامين فهذا غلط هالشي يسونه حريم اول بس ترى اكتشفوا الطب ان اللي تقوم مباشره من بعد المعاشره يصير حمل فعادي بعد ما تخلصين المعاشره قومي ودشي سبحي وخلج طبيعيه بس يستحسن ان يكون الجماع بعد الدوره وعند فترة التبويض عشان بسرعه يلقط معاج انا جذي سويت
