الـــــمموش

الله يسلمك حضري المقادير التاليه
1- ربيان ناشف ( للحشو فقط )
2- كوبين رز يفضل اكس ال
3- كوب ماش ( المش يشبه العدس بس لونه اخضر لكن بشرط الماش تكون حبته مفتوحه نصين )
4- بصل مقطع صغار + 5 حبات ثوم فصوص كامله + شدة شبت صغيره مقطعه صغار
5- بهار بودره مشكل ملعقتين
6- حبتين طماطم مقطعه صغار

والحين سلمج الله الطريقه

طبعا الرز يغسل وينقع بالماء لحين الاستعمال
يسلق الماش لوحده مع اضافة قليل من الملح والبهار ولما يستوي نص استواء يصفي بالمشخال ويحتفظ بالماء الذي طلع منه بالمشخال للاستخدامه
نجيب سلمج الله قدر نضع فيه زيت قليل يفضل زيت كانويل لانه خفيف ونضع البصل المقطع والثوم فصوص بدون تقطيع يفضل حب صغار وياف لهم شويه ملح وبهارات مع التقليب المستمر ثم يضاف لهم كوب ونص تقريبا ماء ساخن ونص كوب من ماء الماش اللذي شخلتيه اضيفيه للقدر ويترك الجميع لمدة خمس دقائق
ثم يضاف الرز المنقوع وبعد دقيقتين يضاف الماش وبعدها مباشره الطماطم المقطع والشبت المقطع صغار والملح والبهار
بشرط تكون النار متوسطه عليهم مع الاستمـــــــــرار بالتقليب ولكن شوي شوي
بشرط لايكون الماء وايد لانه الموش ما ينشخل لذلك حافظي علي مستوي الماء
واذا نشف الماء وطي النار ولا تفتحين الغطاء حتي يتسكر علي هون
***** بالنسبه للحشو
ربيان فقط
ربيان ناشف ينظف ويدق بالهاون لينعم عدل عدل
وتحرين بصل وثوم مفرومين او مقطعين صغار جدا
ويضاف لهم البهار قليل وخاصه ملعقه لومي اسود بودره وحبتين ثلاث مسمار
ويوضع الجميع في قدر ويضاف لهم الزيت قليل ويقلب الجميع بنار هاديه وديري بالج لا يحترق

******* واذا ما تبين الربيان
ممكن اكله بروحه او مع دجاجه محمره بالفرن او مقليه
وبالعاااااافيه
****** ويفضل اكله مع دقوس وبالاخص دقوص صبار
وتقدرين تشوفين بالسوق علبه معجون طماط كي دي دي لونها ابيض دقوس جاهز
وبالعافيه

الله يعطيج العافيه وتسلم ايدج

تسلم ايدج حبيبتي

شــــــــــكرا جميعا

شكرا اخواتي

ونسيت أقول لكم لاتنــــــــــــــــــــسون ان ترشون علي العيش من فوق دهـــن عــداني
خنين حتي يعطي طعم راااااائع
وبالعافيه
واذا رغبتم في اي اكله كويتيه عطوني خبر
وانا بالخدمه

غرامي المووش مع الاجار او الروب مشكوره لميس

تسلمين ويعطيج العافية

مشكوورة قلبو