السلام عليكم ورحمه الله وبركاته بنات لقيت زوجي يكلم وحده اكتشفته وانا كنت حاسه بس قلت لا مايسويها طلع صدق تكفون بنات ايش اسوي كيف اتصرف اختي تقول طنشي انا ماقدر اطنش ماتحمل بنات لاتخلوني ساعدوني والله ضايقه فيني الدنيا وكلمتها من جواله وهو نايم قالت هو الي يدق علي ساعدوني والله ضايقه فيني الدنيا
الله يكون بعونج بس دامه مستمر يكلمها اكيد بتخبره انج كلمتيها ويمكن تصير مشكلة اكبر، بصراحة ما اعرف شو اقولج الله يكون بعونج حبيبتي احس لو كنت فمكانج ما بعرف شو اسوي بنات ادخيلكن الي عندها الحل تساعدها
حبيبتي واجهيه أحسن وقوليله انج عرفتي لا تطوفين السالفه وقوليله حتى انج كلمتيها وليش يتصل فيها .. يمكن يعترف وتكون نزوه .. بس على الاقل تريحين قلبج بس طبعا بنقاش مو صراخ ونجره
بالتأكيد بتقوله . . . لكن لما يكلمج في هالموضوع قوليله شي واحد بس ان الدنيا دوارة ومثل مايسوي بنات خلق الله جذي بيجي يوم بيلاقي اقرب الناس له اخت - بنت بيسوي فيها شخص غريب مثل ما سويت انت بنات الناس والزنا انواع نظر - سمع - فرج واهو ارتكب هالشي وهو محصن فشلون بيكون عقاب رب العاليمن له اكيد مضاعف ولما تخلصين كلامج ابجي قدامه وانسحبي وبعدها عامليه ببرود لكن اهتمي في نفسج وبيتج وحاولي تتحاشين الجلوس وياه او التواجد وياه في نفس المكان بطريقة مو مباشرة لا بطريقة ذكية كان يدخل غرفة النوم وانتي فيها قومي طلعي اي شي على ابو انج تودينه غرفة ثانية فهمتي يعني كأنه موجود لكن انتي مشغولة في نوعية ما ينفع وياه الا الثقل والتطنيش لكن بذكاء
فالبدايه اختي انصحج تتاكدين من الموضوع مع انه كلامج امين ان السالفه اكيد وثاني شي اختي انصحج تيلين مع نفسج لو ساعه واذكري الله فيها واكثري من الاستغفار وقومي فالليل وصلي وادعي ربج انه يهديه ويخفف عليج ويصبرج ويهدي ريلج صدقيني بترتاحين وبتهدين وبتعرفين كيف تتصرفين ... ويوم تقومين الصباح قولي حق ريلج انج تبينه فسالفه مهمه فالليل واطلبي منه انه يكون موجود ويخلي كل شغله فالساعه اللي بتحددينها والافضل قبل موعد النوم.... وبينيله انج محتاجه تكلمينه وانه في شي صاير وانج تعبانه حيل ... ويوم بيي الموعد قوليله سبحان الله في ناس واااااااااااااااايد فاقدين ناس غالين عليهم ,,,,,,,, اللي فاقد ابو يتمني يرجعله واللي فاقد زوجته ويتمني يشوفها واللي فاقد ام يتمنى يكلمها واللي فاقده زوجها وتتمنى انه يرجعلها ويخفف من همومها وتقوله ان الله رزقني فيك وتتمني تلاقيه ولكن ما باليد حيله الا انها تتمني شوفته فالجنه ,,,, وسكتي شوي واكيد دموعج بتنهمر ... وبيسالج اكيد ليش تبجين .... قوليله اذا الانسان يفقد انسان بسبب وفاته فانا حالتي اصعب ...قوليله انا فقدت انسان هو بالنسبه لي كل حياتي فقدته وهو عايش ... بس قوليله انج متاكده انه مو طبعه هالشي وان اكيد حد اثر عليه لانه اكبر من انه يكلم وحده من وراي اذا مو عشاني قوليله عشان الله سبحانه وتعالي مايرضى ... وبس ودموعج تكمل الحمديث وصدقيني بيتاثر وربي يساعدج اختي
لا تسكتين على الموضوع لازم تصارحينه و تعاتبينه لأن راح يتمادى وهو اكيد راح يبرر انه نزوه .. لازم تحطين حد للموضوع و تفهمينه ان الموضوع مو بسيط عشان يعرف انه على خطأ وتأكدين انه ماراح يعيده مره ثانية .. بس امانه لاتخلينها وسيله للطلاق لأن الأمر ما يستاهل .فقط بينيله ان الأمر خطير و لازم تناقشينه على الاسباب .
البنات ماقصروو كفوو ووفوو والله يسخره لج ويهديه لج يااااااااااااااااارب تم نقل الموضوع للقسم المناسب له
الله يكون بعونج بالغاليه أنا أأيد كلام خواتي بس شوفي صدقيني حلي السالفه بالاول بينج وبينه لا تصيرين مطفوقه..سوري ع الكلمه.. وتبلغين اهلج او اهله لان ما رد السالفه تنتشر وراح يعصب مثل ما فضحتيه بيزيد شره ويتمادى انا من رايي نطري شوي بس لكن لا طولين وشوفي اذا زادت التغيرات وحسيتي للحين ما تاب روحيله واجههي ولا تبينيله انج ضعيفه لا بينيله انج كنتي واثقه منه وكنتي مأمنه فيه وللاسف خانج بشي يكسر القلب وخليه يلين وسأليه ليش تسوي جذي انا مقصره صارحني حسسيه بامان كانج رفيجته وهو بهالشي بيلين وبيفتح قلبه وحالولي بالهداوه لا تنفعلين وقبل هذا كثري من الصلاه والاستغفار والدعاء هذا يمكن بلا او اختبار من ربج وصدقيني لا تتصلين عليها ولا تعورين قلبج وقد ما تقدرين لا تتعبثين بجهازه لان راح تتعبين وتغلي شوي وزيدي من الدلع واهتمي اكثر لنفسج ولبسج وسولفيه عليه وقوليله كلام حلو حتى لو طلع من البيت عشان لا تشغل تفكيره بل بالعكس تكونين انتي بباله وانشالله افدتج بس بلغينا بكل التطورات العامه وطمنينا والله معاج وسهل امرج ويوفقج يالغاليه
صراحه الكل ماقصرو وانا رااي من راي ملاذ الحب و زوجي يغار كل رجال وله نزواته بأسلوب يختلف عن الثاني الله يصبر قلبك عليك بالدعاء والمواجهه الي يتخللها نقااش هادي وصارم مو صراخ وهواش ومثل ماقالو لك لاتدخلين احد بينكم لان المشكله بتكبر وتصير سالفة من لا شيء دعواتي لك يالغاليه..
اول مشكورين بنات تعبتكم معي واسفه طولت عليكم بس كان عندي ضروف بنات واجهته وكلمته بهدو قال بس كنت ابى اسولف طيب سولف معي وامس يقولي صرتي دلعيني زياده يالحريم مايجون الا بالعين الحمر قهرني قلت حتى الرجال ماينعطون وجهه قال ليه ايش سويت قلت انت تعرف ايش سويت قال خلاص كانت نزوه وحلف وعطاني وعد اننه مايرجع بنات ادعولي معكم حسبي الله ونعم الوكيل
