بسم الله الرحمن الرحيم السلام عليكم ورحمة الله وبركاته كثير مانشاهد هذه الردود من بعض العضوات على المواضيع التي تطرح في هذا القسم. (صدق الحياء راح. . . .، الحياء زين. .. .. . ، إلخ ) لذا من خلال هذا الموضوع حابه اوجه كلمة للشريحة اللي تكتب ردود غير لائقة واقول دام اي موضوع في هذا القسم ما اعجبك لا تدخليه . او على الاقل اشكري صاحبة الموضوع يعني شي تؤجرين عليه وهو رد طيب . أحسن ما تكتبين رد وكلام يحسب عليج . يعني استغرب هذا القسم اسمه قسم الحياة الزوجية يعني يتناول جميع جوانب الحياة الزوجية مع مراعاة عدم خدش الحياء. واستغرب اكثر لما احس ان اللي تقول هالكلام متزوجة. ومو بعيدة لو زوجها بغى منها كلمة حلوة او طلبها ،تقول له:وي استحي يافلان ! اذا المتزوجة كذا اجل اللي على وجه زواج وش تسوي.. هذا مو حل،انتي تزوجتي وهذا حلالك يعني اي شي تسويه حلال عليك بحدود الشرع. وانتي تقومي تخربي على نفسك وتزعلي زوجك بهالحياء اللي اسميه مو حياء إلا خجل والخجل مرض نفسي والزوجة اللي ماتحاول تسعد زوجها وتمتعه وتشبعه من جميع النواحي وبس شاطرة تقول هات وود تقعد ببت اهلها افضل وولا تزعل إذا درت انه تزوج عليها. ******* وانا الاحظ انه فيه متزوجات يجهلون كثير من الامور الزوجية من حركات ودلع وغنج واسلوب ووضعيات للجماع........ واللي صدق يضيق الخلق ان منهم ماشاء الله لها كم سنة متزوجة،يعني خبرة فالمفروض صار عندك درايه واذا قلنا ماتعرفين؟؟ وين راح النت النت الحين منتشر بكل البيوت،فقسمي وقتك وخلي لك وقت تقعدين فيه بالنت وتدورين على حركات ووضعيات ...... تناسبك وتناسب زوجك ************ ونحن هنا عشان نفيد ونستفيد،ولولا هالشي كان تقفل القسم من زمان. واول وحدة بتكلم عنها هي عشقي شمر وتعرفون كيف مواضيعها ولله الحمد جتني رسائل كثيرة اعجاب وتشجيع بالمواضيع اللي انزلها وهذا بتوفيق من رب العالمين ونيتي الصافية لنشر الفائدة. وصدقوني لو شفت موضوع يخدش الحياء او غير مفيد راح احذفه على طول حتى لو كان موضوعي وأولا واخيرا الاشراف مسؤولية وثقة عطونا اياها الإدارة . واحنا مسؤلين امام الله وامام الإدارة والمثل الأعلى اللي يعتمدون علينا عضوات منتدى سيدات الكويت اتمنى اني ماطولت عليكم وان الغرض اللي بوصله لكم فهمتوه. وكلنا نحرص على اننا نوزن كلامنا قبل لا نقوله فلسانك حصانك أن صنته صانك،وان خنته خانك لي معكم لقاء آخر بإذن الله في أمان الرحمن
يعطيج العافيه اختي عشقي شمر وبصراحه منتدانا الرائع مافيه مواضيع تخدش الحياء وكلها مواضيع مميزه وتعم بالفائده على الجميع ومواضيعج انتي مافيها اي كلمه موزينه تتكلمين بشكل عام وحتى البنات اللي يكتبون مواضيح مايدشون بالعميق وهذا كله من حبكم للخير لخواتكم واللي على قولتج يكتبون كلام عيب والحياء راح ومن هالحجي زين انتي ماتبين تقرين الموضوع وموعاجبج اطلعي من غير رد مايسوى في ناس ياعشقي غاويه تنكيد وتخريب على مواضيع الاخرين تقبلي مروري يالغلاا وشاكره لج المجهوود الطيب والاكثر من رائع
السلام عليكم ..... حياتي عشقي شمر لاتهتمين من كلام الحريم الناقصات عقل ولباقه ( انا اسفه يامشرفات من كلامي لكن انا ماأرضى على عشقي شمر يجيها كلام ماله داعي ) المهم الحريم اللي يقولون على نفسهم انهم يستحون ومايحبون الكلام اللي تقوله المميزه للجميع (عشقي شمر)واللي اضمن وابصم بالعشر انه كلامها ومواضيعها اللي تنزلها للمنتدى ان الحريم يتشوقون ويتلهفون وانا وحده منهم انه قاعدين ننتظر منها الجديد والجرئ والمميز من بين المشاركات اللي نشوفها بالمنتدى .. والحين كلامي للحريم اللي مو عاجبهم كلام حبيبتي (عشقي شمر) .....: ياحريم ياباردات (الله يعين أزواجكم عليكم ) اذا مو عاجبج كلام (عشقي شمر) اشخقه تدخلين الموضوع وتقرين كلام مو عاجبج وانج حياوية شلون قريتي الموضوع!! او انه على قولتج يخدش الحياء ... اي شحقه ....؟؟؟ حياتي عشقي شمر لايهمونج هالصنف الحريم ... احنا نبيج بكل كلمه تقولينه ونحبها ونتظر منج المميز والجديد منج ............... وعساك ع القوه حياتي .. وسامحوني ع الكلام اللي قلته ... وسامحوني يامشرفات المنتدى على كلامي واللي اعتبره ( حرية رأي ووجهة نظري ) .
قسم الحياة الزوجية قسم للمتزوجاااااااااات والمقبلات على الزواج فقط يعني فقط مسموح للمتزوجة والمقبلة على حياة زوجية أن تقرأ المواضيع الموجودة في القسم والمواضيع الموجودة في القسم مواضيع تعايشها كل متزوجة يعني الأمور عادية جدا أما مواضيع أختنا عشقي شمر فهي مواضيع هادفة ومميزة للمرأة التي تبحث عن التجديد وزيادة الخبرة ويعطيج العافية اختي عشقي شمر ماقصرتي
والله مالج شغل انا دايما انطر مواضيعج اليديده وانتي الوحيده الي انطر مواضيعها بعد شنو اذا ما تثقفنا حق رياييلنا عيل لا نلومهم لي راحوا وشافوا برا وانا وحده استحي اروح اسأل امي والا اختي شسوي حق ريلي !! وشذنبي اذا رفيجاتي مو متزوجات وماعندي احد استفيد منه !!! والله يا عشقي كملي ومالج شغل بالباجي .. اتوقع تحت كل موضوع مكتوب منو كاتبه فالي مو عاجبه لا يدش يقرا شكرا جزيلا
اختي عشقي شمر مجهودج تشكرين عليه بس الافضل ان تكون المواضيع المستهدفه هي الافكار اليديده اللي تقدر تسويها المراه لزوجها لتجديد حياتها اما مثل الاشيا الثانيه فاتوقع كل حرمه تعرفها مثل اخر موضوع كتبتيه والاعمال بالنيات وانتي نيتج تنورين اللي مقبله عالزواج والمتزوجات وتنصحينهم ومشكوره وتسلمين
هههههاي بصراحه زين سويتي فيهم لان اللي تقول جذي دايما مبيخه الموضوع والصفحه بكبرها وياحياتي مالج شغل فيهم انا وحده عرسي قريب وجد جد حيل استفدت من مواضيع كنت غافله عنها وما اعرفها وخصوصا مواضيعج ما قصرتي يالغاليه وانا وحده اقول يبا لا طلين بالموضوع اذا مو عاجبج او عالاقل طلعي ولا تعلقين مو عقب ما فصلتيه تفصيل وفهمتي عدل جايه تقولين عيب والله العيب الكلام والتعليقات البايخه اللي تنقال حق ناس بحثوا وقاعد ينصحون غيرهم وسوري عالكلام بس جد ببرد جبدي لان كنت ناطره وحده تتكلم وماااااااا قصرتي يالغاليه يالله عاد يا عشقي شمر انا علقت شجعيني وقوليلي كلام حلو خخخخخخ فديتج
مممممممممم اختييه ... انا مابخش عنج مواضيعج تعيبني ..لكن فيه شي بسيط ماعيبني ... انج فيه موضوع من مواضيعج كاتبه ببوح باسراري الزوجيه ونحن كلنا ندري انه الرسول منع الحرمه البوح باسرارها .. فانا كنت اقول ياليت اتغيرين بس عنوان الموضوع .. ولا الموضوع واايد حلوو .. والحريم يستفيدون من حركاتج وانا انشالله استفيد من حركاتج لانه عرسي جريييييييييييب *_^ واسمحيلي اختييه ع الرمسه اللي قلتها بس انا لاني احبج ف الله حبيت انبهج ع العنوان ويااليت ما تزعلين ولا تتضايجيين _-فطامهـ_-
عيوني الاشياء الثانية اللي تتوقعين ان كل حرمه تعرفها فيه مجموعة مايعرفوا هالاشياء تصدقين ولا لا!!! عشان كذا لابد من التنويع بالطرح لكي توصل المعلومة للجميع شاكرة لك مرورك الكريم
هلا حبيبتي اتقبل انتقادك لعنوان احد مواضيعي لكن الرسول حرم البومح بالاسرار التي تحصل بين الزوجين واتوقع انتي فاهمه وش قصدت وانا بعد احبك في الله ومازعلت من كلامك لأن هاذي وجهة نظر واسعدتني طلتك يالغلا
الغالية عشقي شمر .... لا ترمى إلا الشجرة المثمرة ... فأنت ذات مواضيع هادفة وقيمة للأخوات جميعا ... فاستمري في عطاءك الغير منقطع ... لا خلا ولا عدم منك .. وإلى الأمام دائما وبخطى ثابته ونحن معك
