ابي فزعتكم تكفون

عن تجربة المسكارا والكحل من ماك روووعه

حبيبتي البنات كفو ووفو يعطيهم العافية
ليش ماتروحين دورات لتعليم المكياج

انشالله ناويه اروح لاني تعبت عاد ولله اذا لبست العدسات وحطيت المسكره صار شكلي جنن بس الازم المكياج شي ضروري

مرحبتين
يعطيج العافيه
فراشه وماقصرتي
وام شواقه تستاهل
ام شواقه شوفي انا بنصحج نصيحه
بما انج ماتعرفين تسوين المكياج
ابدأي شوي شوي
اول شي استخدمي لون واحد
للجفن ولمعه تحت الحاجب بس
وحطي اي لاينر بس من تحت وانصحج ( اي لاينر لوريال )
بيطلع شكلج وايد كول
وبعدين تعودي اذا كنتي بروحج تدربي على المكياج
عادي يطلع اول مره مو حلوه وثاني مره بيضبط
انا لله الحمد اسوي اي خطه واي رسمه فرنسي لبناني خليجي
كنت بروحي دايم ارسم والعب
واي لون مو مجربته واول مره البسه تلاقيني اتدرب على مكياجه وبعدين اسويه
وفي شي ضروري
لازم تشوفين طبيعه عينج
اذا مدوره حاولي تسحبينها بالاي لاينر
واذا مسحوبه حطي داخل العين ( قلم ازرق او اخضر او ابيض ) عشان توسعينها
واذا كانت عينج كبيره وطالعه شوي استخدمي الالوان الغامقه وتجنبي الفاتح
واذا كانت صغيره تحطي الوان فاتحه على العين وخلي اطرافها غامق مثل اسود او سموك
وان شاء الله قدرت افيدج
:
واللي تسأل عن افضل قلم كحل
انا انصحج ( بودي شوب ) وايد حلو
حق الاستعمال اليومي والدوام
والماسكر انا افضل ( لوريال ) فرشتها احلى من لانكوم

اسفه طولت عليكم
تقبل تحيتي
طيات الذهب​

حبيبتي بقولج شي اهم شي انج تنسقين باللي لابسته

وبتكونيين كشخه ماعليج من الدفاشه والمكياج الثقيل ام شي النعومه


لازم تكون عندج 3 الوان اساسيه الفضي والذهبي والاسود

الفضي والذهبي والاسود للساعات والنعل والشنطه ووممكن تلبسين الساعه الذهبيه مع الشنطه والنعال باللون البني

انا ماخذه دورة البرتوكول والاتيكيت تعلمنال باللبس شلون انسق يقلج حتى الشنطه شوفيها اذا كانت اي لون وفيها معدن يا فضي تقيدي فيه بلبس الساعه والنعال

وعباياتج اهتمي فيهم فصلي عبي راقيه خلي الشغل عاليد بس سوي وحده فيها كريستال فضي والثانيه في كريستال ذهبي والثالثه منوعه يا وردي وبنفسجي يااعشبي وبنفسجي


والعطور خصصي واحد مركز لللطلعه بقولج على عطورررررررر خطيره روحي الجزيره للعطور اخذي منه عطرين مسك تو مسك ووروز تو مسك رشيهم وتبخري حتى بدون ماتبخرين رشي عطر فوقهم شرط من يشمه يقولج شنو حااااااااااااطه

اصبغي شعرج حاولي يكون مكياجج بسيط بس ابرزي الروج والبلشر تكحلي باللون الكحلي لاتحطين الظل الاخضرر يتحول رمادي ويشووه العين

وبالاخيررر لاطالعين وايد بتتعبين هههههههههههه اهم شي انتي تقتنعيين بعمرج اكشخ لريلج بالبيت قبل لاتنكشخين بررررررى نصيحه ترى يحز بخاطرهم هههههههه

حبيبتي امني سالي بتفصيل يعني شنو الخطه الي تبينها شنو الالوان الي تفضلينها و احنه حاضر و عند وجهج

ولله احرجتموني ولله افرجتم شي كبير في حياتي لله يجزاكم خير

حبيبتي بحط لكـ صور ماكياج عجبني وسهل تقدرين تسوينه بس
بالراحه ولا يهمكـ أحد ( النعومه كنز لايفنى )

وبعد هذا كم موديل إذا تحبين هالنوعيه

والله منزلته مخصووص لكـ (( وتستاهلين يابنت ديرتي ))

وهذي عجبتني من وراء وش رايك فيها
أحس إنها فخمه

أتمنى يعجبكـ وأدعي لي