الريال اذا شاف شي يسد عيونه يقعد بالبيت نفس الخاتم نصيحتي لج من اخت لي اختها انج تغيرين اول شي من معاملتج معاه مثلا اذا كان نوعج اهتمامج فيه زايد ومبينتله انج ما تقدرين تستغنين عنه فبينيله العكس تماااما وغيري اللوك 180 درجه ستايل لبسج شعرج صبغيه قصيه واهتمي ببشرتج وجسمج وخليييه يتحسر انه يخونج وصج صج لمن يرد يعيد الزله ويتاسف وانتي تردين تسامحينه غلللللط ادبييه بالشي اللي يعز عليه وحتى لو تطلعين من بيتج فتره عشان يحس بقيمتج بحياته لانه الخيانه سبب كافي يطلعج من البيت
حطى حد للموضوع مافى تراجع نعم او لا فاتحيه بكل شى تعرفينه عنه وقوليله انا او خرابيطك وحزمى الموقف شنو فيج ناقص علشان تحملين خيانته لج اذا انتى لاسمح الله غلطتى بيسامج بيشلش ويقطش بيت اهلج ولايدرى عنج حرام تعيشين العذاب وهو تخلينه بالمعاصى ولاتخافين الله يعوظ باللى احسن منه اذا تم على خيانته لو انا منج اتطلق وجنه العيد وخليه يتحسف على اللى كان عنده وماعرف قيمته
مشكورين ما قصرتو انا الحين قعد احول بدعاء والاستغفار ومعامله الزينه بشوف انتيجه انا من النوع الي ما يعرف يحقر وان شاء الله الله يوفقني معه لان احبه حيل صح كلامج >>>>>>>>>ام عبودي النزغه انا اهتمامي كله له و يدري اني ما قدر استغنه عنه وعلا طاري الحقران جربته شوي وما قدرت وياب نتيجه وايد حلوه بس ما عرفت استمر
انا انصح بالاسغفار والله تتغير حياتج وبعدين سوي نفسج ماتدرين عن شي لانه اذا عرف انج تدرين راح يتمادى وتصير خيانته اشكره جدامج
بسم الله الرحمن الرحيم انا قضيتى مجروحه صار متزوجه عشر سنوات وما رزقنى الله عيال والحمد الله لكن من يوم زواجنى وهو يخونى وان صابره ومتوكل على الله الله يهديه مرات افكر فى الطلاق ولانى احبه اغير الراى واصبر الحمد الله على كل حال
اختي الغالية صعب التطنيش لانه عمر التطنيش ما يحل المشاكل ممكن نقول ان مع مرور الوقت ممكن اتغير اشياء كثيره لكن اختي عليج بالدعاء والصبر وانا ادري اني اطلب شي صعب لكن مع الوقت تغير اشياء كثير لان دوام الحال من المحال وحاولي المواجهه ولكن بتروي مو تجين كلج وتعمينها ما تكحلينها ووضحيله ان بنت ممكن يجي يوم وتكون غير اللي تمناهاطول عمره وصدقيني كما تدين تدان والا اشرايكم
اختي الغاليه الزعفرانه الله يعينك ترى الاغلب تشكي من الخيانه لكن الشاطره الي في الاخير تكسب بيتها وزوجها واعيالها وكل شخص له طريقته الي تقدرين افاهمين معاه وتذكري ان كل شخص له مفتاح وفالك الخير ويصلح زوجك
والله تعبت احس ماكو فايده للحين مثل ما هو تصدقون سويت وايد اشياء وحولت اعدل من نفسي بس اهو وايد هاملني بشكل ما تتصورونه مادري محتاره حيل ومشكورين علا الردود
مادري بس إذا تقدرين تخلينة وتروحين عند امج يكون احسن والسبب أنه يشبع من خرابيطة وانتي ماتشوفين حالته عشان ماتتعب نفسيتج خليج عند امج وصكري جهازج وطرشي له مسج بإن كل شهر يجيب المصروف يمكن يفقدج ويحس بقيمتج عنده ...............ولا رجع وتاب طلب انج تردين له حطي شروط تكسر اظهره
كلامج صحيح 100% لان مهما سوينالهم ماينفع فيهم عشان جذي مالج الا تتحملين وتحقرينه واتطنشين الموضوع جنج ماتدرين عن شي او من الافضل انج تبينيله انج تدرين بس مطنشه وصدقيني مصيره بيمل ويعقل ويرد لبيته وعياله هذا طبعآ حسب العشره والعيال والمسئوليات ولاتتوقعين انج بروحج تعانين هالمعاناة لا في وايد غيرج وانا (كنت)وحده منهم وانا اختج والحمدلله الله هداه وبطل هالخرابيط
ديري بالج اهم شي انج اتحافظي على هدوئج نزوه وتمر ادري انه صعب بس مدام شقه يعني قعدات وجذي بس الخوف بعدين الله يعينج:sad_smile:
الله يعينج اتمنى ان الكل يقرا مو بس صاحبة المشكلة حبيبتي انا لاحظت ان في بنات كثير ماعرفوا شلون ينصحونج او يقولون لج شتسوين المواضيع هذي الحساسة طبعا مع احترامي للكل اذا تبين تستشيرين احد لازم يكون شخص متخصص مو أي أحد لأن اهني خواتي بالمنتدى كل وحدة راح تعطيج حل نابع من شخصيتها هي وترا اغلب الحلول غير صحيحة راح تضيعج وتضيع مستقبلج وحياتج وتضيع بنتج وهي توها صغيرة انا من رايي انج ما تطنشينه يعني اذا شاف انج انتي تدرين ومطنشة ماراح يحس بقيمتج ولا راح يحس انه مهم بالنسبة لج وراح يحس انج انسانه بليدة وماعندج احساس ومايهمج الا الفلوس والبرستيج والحياة الإجتماعية والرسميات وبالعكس جذي راح تزيدين الطين بلة وتسوء حالته اكثر ويتمرد بزيادة انا اشوف ان بما ان اهوا للحين مايدري انج تدرين بشي اتوقع ان جذي هذا اللي فهمته من كلامج دام اهوا مايدري انج تدرين سوي نفسج ماتدرين صج وخلج طبيعية بس زيدي اهتمامج بشكلج وفيه اهوا بالذات ووببنته وحسسيه ان اهوا اول واخر شي عندج بالدنيا كثري الطلعات معاه اعزميه مرات وهم بنفس الوقت لا تضغطين عليه ولا تظلين تسألينه وين رايح ووين جاي حسسيه بالإهتمام بس مو معناته انج تقطين نفسج عليه مرة وحدة اهوا اصلا بيزهق منج جذي بعدين حبيبتي تدرين اهوا ليش يخونج لأن اللي يخونج معاهم ما يشوف منهم الا الإيجابيات وانهم حبيبات وزينات ويونسون اما انتي عنده بالبيت وواضحة تماما ويشوف سلبياتج وإيجابياتج حاولي دايما انج تكونين ايجابية جدامه ولا تخلين زوجج هو شغلج الشاغل لا بالعكس اطلعي وروحي وتعالي مع رفيجاتج واهلج وروحي الصالون وروحي النادي وزوارات لا تحرمين نفسج وتخلين وقتج كله لزوجج وتنسين نفسج هذا مو اسمه حب هذي يسمونها سذاجة انا مو قصدي اني اهينج لا بالعكس انا بنت وفاهمتج انج تبين ترضينه بس كلمة سذاجة هذي اهوا اللي يقولها عنج اذا شافج جذي حيل مهتمة بيحس انج جذي وما تستغنين عنه ودييييييييري بااااااااااالج تقولين له انا ما اسوى شي بدونك ولا انا كنت تعيسة عند اهلي وانت غيرت حياتي جذي بالعكس بيحس بقلة قيمتج وبيحس ان له فضل عليج وبتحملين تصرفاته غصبا عنج بالعكس دايما بيني له انج كنتي معززة عند اهلج وبتظلين معززة عنده لأن اذا ذميتي اهلج وعيشتج القديمة بيحس انج ماتقدرين عالحياة بدونه وفكرة سليمة انج ماتفكرين بالطلاق لأنج بتضيعين نفسج وتضيعين بنتج طبعا هالكلام موجه لكل الأخوات مو بس لج انتي يابنات لا تنسون نفسكم وراحتكم وتكرسون كل وقتكم للزوج هذا غلط انا ما اقولج لا تهتمين فيه وتطنشينه بالعكس بس هم لا تنشبين له نشبة قشرة وتحسسينه انج ولا شي بدونه بهالأسلوب بيظل لج ويحبج وخاصة ان الرجال ما يحب الضغط والشكاوي لا تشكين له شي عشان تلفتين انتباهه هم هذا غلط بالعكس بيصير يكره القعدة والسوالف معاج سولفي معاه سوالف حلوة عنج وانتي صغيرة المواقف الحلوة الجامعة كلميه بالشغلات اللي اهوا يحبها حاولي انج تسمعين سوالفه الرجال مو طبعه يسولف اسأليه انتي لا تخلينه يسكت حبيبتي انتي باسلوبج الحلو معاه وطريقة كلامج الله يخليك لنا وجزاك الله خير ولما يرد من الدوام يعطيك العافية هالكلام بيخليه يستحي من نفسه ومن اللي يسويه لما يشوفج انتي تعزينه ومحترمته وتصونينه وهو يخونج وترا مصيييييره بيوم انه يرد لج لابد يجي هاليوم يعني لاتفكرين انه بيتركج مايقدر لأن عارف انج زينة وما تعوضين وبالنهاية اكيد دعائج له اهم شي ادعي ربج يغفرله ويهديه ويرده لج ويوفقكم جميع وادعولي انا بعد وياكم باللي تشوفونه زين لي واهم شي بالدعاء دايما الهداية سووووري طولت عليكم
شوفي ياعمري صبري عليه نزوه وتعدي انشالله والانسان مو معصوم من الخطاء صح بس بالمقابل لاتقصرين عليه بشي كل شي سويله فهمتيني ولا تنكدين عليه خفي لشوي وصلي وادعيله الله يهديه امين :wink_smile:
::emoticon_U:ياعمري صبري الله يهديه ويحس بقيمتج انتي تغيري من حيث الكلام والبس خلي كلامج حلو وتدلعي معااااه بالكلام والبسي لبس شوي اغرااااااااااء والله الرياجيل ليش يحبون الخراب من جرائت البنات صيري نفسهم خليج جريئه بالبس والكلام معسول والله يهديه يارب
