لتسهيل الولادة وتسريع الطلق

شربت اناناس وشربت دارسين ولا صار معاي شي تكفون ساعدوني لان خايفه يصير معاي نفس بنتي ما تبطل الرحم وكنت بموت فيها تكفون ساعدوني ابي خبرتكم ودعائكم والله يجزاكم خير

شربت الاناناس والدارسين وانا حدي متخوفه تكفون ابي منكم تفاعل الله يجزاكم خير انكم تعاعدوني

الله يسهل عليج وتولدين بالسلامه

أستخدمي الكبو (مبخرة فيها جمر وحطي على الجمر ورق من أثل ومرة أو حلتيتة وكمون وحطيها تحتك بدون ملابس داخلية لمدة دقيقة أو أقل ) ثم أشربي قرفة مع حليب سكر زيادة وتمر وملعقة زيت خروع مع عصير برتقال وراح بإذن الله مع الدعاء تشوفين الفرق

كل السابق بعد ما تحسين بالطلق

انا جربت شاي الدارسين والاناناس والحلبة وماكوفايدة كل شي في وقتة

انا سامعه بكف مريم يقولون يسهل الولاده

الله يسهل عليك ان شاء الله
يعطيك الف عافيه

صحيح الاناناس يسرع الطلق وخطر للحامل قبل شهرها

مشكورة على المعلومه

تسلمين اختي عالمعلومه

اي صح كلامج سمعت انه الاناناس يسرع الولاده
بس مو زين بالشهور الاولى للحمل لانه في حمضيات ياثر ع الرحم ويجهض المراه
وهم التمر ترى مفيد ويسهل الولاده باذن الله والمشي على رمل البحر يسهل
مشكوره حبيبتي

الاناناس .....
طبيت فية طبة وانا بشهري وانصحوني فية بس ماياب نتيجة... الي تبي ولادتها سهالات ... مالها غير الخروع الطبي تخلطة مع عصير برتقال وعقبها تشوف شلون ولادتها سهالات...

انا جربت الدارسين شربته يوم حسيت بالطلق اهو يزيد الطلق ويوسع الرحم رحت المستشفلى وانا مفتوحة5سم

ان شربت بطل زيت خروع و يوم الثاني ولدت

انا شربت دارسين وحمى الطلق يوم اني حامل في بنتي والحين انا باخرالتاسع ولا سويت شي والله يسهل علي ان شالله

=)

يعطيج العافيه حبيبت قلبي

انا بصراحة جربت الدارسين ولا فاد بس مشيت بليل على رمل الفجر انا رحت المستشفى ولدت ثمانيه الصبح انا اعرف نفسي مشي يولدني جربت بنتي الاولى والثانيه الحين انا توني داخله الثامن راح اجرب نفس طريقه مشي اذا دخلت التاسع

مشكوره حبيبتي بس اي اناناس الطبيعي

بنات انا حماتي جربت شربت العصر زيت خروع خلطته مع عصير اناناس وحطت فحمه عليها شب وحرمل وتبوخت فيها وشربت دارسين والله نفس اليوم بليل راحت المستشفى الفجر ولدت الحمدلله والله يسهل علي وعلى غيري بالولاده