السلام عليكم انا عضوة جديدة بينكم واتمنى القى تفاعل منكم انا بنت حبوبة وخدومة بشهادة اللي اتعامل معاهم ودايمأ الناس تقول عني مزيونة لكن اللة ماكتب لي الزواج للحين تجيني لحظة ياس وملل والسبب ان اغلب البنات اللي بعمري(عمري 28) تزوجوا وعندهم عيال الا انا وحتى اللي اقل مني من ناحية الجمال وحتى صديقاتي تزوجوا واهديتهم احسن الهدايا واللي ولدوا اهديتهم هدايا واباركلهم وبكل مرة احس بعيونهم نظرة غريبة يحسسوني فيها واللي يخطبوني فيهم عيوب جايدة مو اي شي ينصبر علية بدون توضيح اكثر لان مايخفى عليكم البلاوي اللي نسمع عنها ونشوفه صدقوني موحسد مني و لكن صج صج مليت من كثر ماابارك واهني واعطي هدايا واقول بنفسي متى الناس تبارك لي
ياقلبي...الله يكتب لج الزوج الصالح ويوفقج في حياتج ودنياج...ادعي ربج واكثري الاستغفار...الله لايضيع لج اجر في وصلج لصديقاتج ومشاركتهم افراحهم...ويعجل لج اليوم اللي تتمنينه ويطمن قلبج........
مشكورة حبيبتي انامل ناعمة على مرورج العطر وعلى كلامج الطيب تسلمين واللة يسمع منج ويرزق كل من يقرا هالكلمات بالرزق الوافر والخير الكثير امين يارب العالمين:thumbs_up:
حياتى انتى.. عادى كل شى قسمة ونصيب..وبقولج شي ترا الرزق اللة ينزلة بالارض يدور على العبد مو العبد يدور على الرزق ومتى ماجا رزقج يجي ..وانا عمري 25 تزوجت وعمري 21 وعندى ولد واحد اللة يرزقج مثلة تخيلي حماتى كبري 25 وعندها 7 اللة يخيهم لها تخيلي متزوجة من عمرها 16 سنة..كل شي قسمة انشاللة اللة يرزقج باللي يطيب خاطرج
مشكورة حياتي ام الريش صدقتي واللة الرزق والنصيب عند اللة ونعم باللة وان شاء اللة لاخلا ولا عدم من كلامج الطيب ومرورج الحلو:rose::rose:
اكثيرى يأختي من الاستغفار قال الرسول من لزم الاستغفار جعل له من كل ضيق مخرج ومن كل هماً فرج والله يرزقك ان شأء الله بالزوج الشاكر الذاكر اللى يسعدك دنيا وآخره ويستر عليك ويستر على بنات المسلمين آجمعين اللهم آمين
يا حياتي و الله حاسه فيج بس هذي مسألت نصيب كل واحد و نصيبه و عسى الله يعجل بنصيبج و ترتاحين و نظرات البنات هليام للي مو متزوجه ستغفره الله لا المشكله قبل معاج عسل و شحلاته بس أتزوج تنقلب عليج و خايفه منج بس أنتي معليج وجبي و روحي و عيشي حياتج من أحلى مايمكن لا تحاتين نصيبج أن شاء الله جاي في مثل دايما تقوله أختي و أضحك عليه تقول ليشفت اليقيضونك أكل وبحلق بعيونك
ماقصرتي اختي هايدي الجميلة واللة كلامج مثل البلسم واللة يجزاج خير وتسلمين على المرور الكريم في موضوعي والشكر موصول لاختي وضحة وصج كسبت خوات ماقصرتوا يالغاليات
مرحبا حبيبتى عندى اقتراح دقى على خطابه وانشاء الله خير واذا ما تعرفين عندى رقم وحده وايد زينه زوجت اخوى منها وهو وايد مرتاح
مشككككككككككككككككككككككككككككككورة حبيبتي يا احلى الدلوعات ماقصرتي يعطيج العافية:smile::smile::smile::smile::smile::smile::smile::smile::smile:
شعورج شعور اى بنت ما تزوجت ووصلت لسن معينهـ لكن لا تلومين نفسج في شي هذا نصيب وكتبهـ من رب العالمين اصبري وقومي الليل واكثري الاستغفار وربج كريم وربي يرزقج بالزوج الصالح عاجلا غير اجل
