هاي بنات شلونكم شخباركم؟؟ بنات انا ولادتي على شهر 9 شرايكم اولد طبيب خاص ولا حكومي وعند اي دكتوره؟ انا رفيجتي انصحتني عند دكتوره يوليانا بالراشد شرايكم؟؟؟ ومتشكرين اووي
حبيبتي اكيد الخاص احسن ويعتمد على حسب المستشفى والدكتوره .. انا قبل شهرين ولدت وبجر ,., ولدت بالهادي عند دكتوره انيتا اتينن ومشالله ما حسيت بشي وكمامهم عجيب بس عيبها ان ايام المراجعات زحمممممممممممممممه عندها بس انصحج فيها ,., انشالله قدرت افيدج والله يسهل عليج ..
السلام شوفي حبيبتي مستشفهى الهادي غني عن التعريف عندج الدكتوره رشمي و بهواني و انيتا حلوين و يصبرون على الوحده وكمامهم حلو و رعايتهم نسيت لا أقولج لا تولدين بالحكومه أتلوع الجبد من رعايه لا يقصون عليج ولدت بنيتي أهناك بغيت أموت أصارخ محد يمي و طالعوني عندهم عادي لا كمام ولا أخياطه سنعه نطرت ست أشهور وحملت و لدت في خاص والحمد الله
حبيبتي انا اروح حق دكتورة سلوى الرفاعي مشالله عليها تحسين انها امج وبالولاده مشالله عليها واهيه استشاريه بمستشفى الفروانيه واسعارها مناسبه للكل وتولد بجميع المستشفيات واذا تبين سعر رخيص اخذي الغرفه العاديه بمستشفى دار الشفا يطلع عليج من 400 لي 500 دينار وانا الحين حامل واراجع عندها وخليت كل اللي اعرفهم يروحون لها لانه مشالله خبره وملتزمه وتذكر الله احسن من الدكاتره الهنود اللي ماتدرين شنو ديانتهم وعيادتها بالفروانيه واي استفسار حياج على الخاص
شوفي حبيبتي انا جربت مستشفى دار الشفا وابصراحه واااااو والدكتور احسن واحسن اللي ولدني بس تقدرين تختارين اذا تبين دكتوره انا ولدني دكتور مصطفى تومسو ولادتي كلفتني 1300 لان انا مو طبيعي قصيريه وعندج مستشفى المواساة هم بعد توب ومعاملتهم حلوه انا بنت خالي اولدت هناك وعندها 2 ماشالله عليها واييبلج منو الدكتوره اللي ولدتها وابصراحه ولادتهم سهله وكلفتها الولاده تقريبا 500 لانها طبيعي وغرفتها كانت عاديه
حبيبتي انا ولدت عند يوليانا ونفسها خااااااااااااااااااااااااااايسة حيل ومالها خلق بس اصبرت علي وخياطها زين والولادة كاملة ماتعدةت 400دينار وغرفتي عادية والممرضات يهبلون بخدمتهم
